СЭТГЭЛИЙН ГЭГЭЭ

Өөрийгөө уучил

2011-12-05T12:30:00.001-08:00

Xүн өөрийгөө мэддэггүй. Хүн өөрийгөө гэхээс илүү бусдыг хэмээнэ. Харин бусдыг ойлгож, бусдад хайртай байхын тулд өөрийгөө нээн ойлгож, өөртөө хайртай байх нь чухал гэдгийг анзаардаггүй. Хүн хүнээс аз жаргалаа хайж байдаг гэнэн бодолтой. Харин тэр аз жаргалыг Та өөрөө бий болгож тэр эрчээрээ эргэн тойрноо аз жаргалтай байлгавал сайхан.

Та өөрийгөө хайралмаар хүн болгоно.

Нэгэн сайтаас авсан мэдээлэлийг толилуулж байна. Доорх мэдээлэлийг уншсанаар Та өөрийгөө анзаарч, өөртэйгээ танилцах боломж нээгдэхэд тань нэмэр болно гэдэгт итгэлтэй байна.

• Өөрийгөө уучил.

Хүн бүр л алдаа гаргадаг. Та явах ёстой замаараа л явж байгаа учраас өөрийгөө юм бүхэнд буруутгахаа даруй болигтун. “Би л ингээгүй байсан бол ингэхгүй байх байсан юм. Би яагаад ийм бүтэлгүй юм бэ?” гэх мэт бодлыг урвуулаад “Миний оронд өөр хүн байсан бол ч бас л ингэх байсан. Хааяа алдах ч зүгээр шүү” болгож бод. Алдаан дээр анхаарлаа төвлөрүүллээ гээд та ямар ч сайн юм өөртөө татахгүй. Магадгүй та өмнө нь маш том буруу алхам хийсэн байлаа ч уучил. Энэ хорвоо дээрх хамгийн сайн найз чинь болох ТА өөрөө хүртэл өөрийгөө буруутгавал хэн таны талд зогсох болж байна?

• Хүлээн зөвшөөрөгдөх гэсэн оролдлогыг “тонилго”.

Хэн нэгэнд таалагдах, хүлээн зөвшөөрөгдөх гэж хичээх ямар ч хэрэггүй зүйл юм. Хүн бүхэн л байгаагаараа байх эрхтэй. Та ч бас. Хэрэв та найз нөхөд, гэр бүлийнхнээсээ хэн нэгний “аясаар” үргэлж байх шаардлагатай болдог бол тэр хүслээ бодлоосоо зүгээр л хөөж явуул.

• Хүн бүрт бурханлаг чанар байдаг.

Та өөрөө өөрийнхөө дотор орших бурхантай ярилцаж түүндээ итгэж байгаарай. Тэр нь Будда, Есүсийн хэн нь ч байсан хамаагүй. Эсвэл ямар ч оноогдсон нэргүй, зөвхөн таны сэтгэлд л оршдог амьдралыг тань заан чиглүүлэгч тэрхүү “бурхан” байж болно.

• Өөрөө өөртөө дурла.

Таныг юу бий болгодог талаар бодоод үзээрэй. Бид хэн нэгэнд дурласан үедээ түүний өө сэвийг хүртэл олж харахаа байчихдаг шүү дээ. Яг л түүн шиг та өөрийнхөө зөвхөн сайн сайхан чанаруудыг өнгөлж торд. Төгс бус байдал л таныг ТА болгож байгаа тэр онцлог “шигтгээнүүд” болохыг ойлгосноор та сөрөг талуудаа ч өхөөрдөн энхрийлэх болно.

• Хичээл зүтгэл гаргасан гэдгээрээ бахарх!

Та юм бүхэнд ялагч нь байх албагүй. Хамгийн сайнаараа хичээсэн гэдгээрээ л бахархаж болох мөчүүд амьдралд олон байдаг. Таны дэргэд ядаж оролдож ч үзэлгүй шантарсан олон хүн бий.

• Зоригтой мөрөөд!

“Хөнжлийнхөө хирээр хөлөө жийх” гэдэг үгийг бүрмөсөн мартаж орхи. Төрөлхийн “урт хөлтэй” бол богинохон хөнжлөнд баригдах хэрэг юусан билээ? Өдөр бүр мөрөөдөх нь таньд амьдрал урагшилж байгааг сануулж, баяр баяслыг мэдрүүлнэ.

• Хөгжилд.

Өөрийнхөө амьдралд хөгжил цэнгэлийг оруул. Амьдрал бол тааламжтай байхаар заяагдсан зүйл. Үүнийг битгий хүндээр тусгаж ав. Зүгээр л тааваараа амьдрах боломжтой байхад бид яагаад өөрийгөө алхам тутамдаа айдас, сөрөг бодлоор дүүргэдэг юм бол?

• Үнэхээр дуртай зүйлийнхээ төлөө зоригтой бай.

Та өөрийнхөө үзэл бодлыг чөлөөтэй илэрхийлснээрээ өгүүлэшгүй их эрх чөлөөг мэдэрч болох юм. Өчигдөр орой нь үзсэн киноныхоо тухай ярихын өмнө нь заавал “Би уг нь савангийн дуурь” үздэггүй л дээ гэж оршил хийх хэрэг байгаа гэж үү? Хүн болгонд л бусдаас нууцаар дурладаг ямар нэг зүйл байдаг. Гэвч чин сэтгэлээсээ дуртай зүйлээсээ ичих нь өөрийгөө хайрлахгүй байгаан шинж юм.

• Дахиад жаахан аминчхан бай.

Хэрэв таны сэтгэл санаа таагүй байвал, ингэж гуниглах нь танд хичнээн муу нөлөөтэй талаар бодоод үзэхийг зөвлөж байна. “Ингэвэл надад л муу шүү дээ” гэж бодоод өөрөөсөө сөрөг зүйлсийг түлхэж холдуул.

• Өнгөрсөндөө баяр хүргэ.

Болоод өнгөрсөн зүйл бүхэн өнөөдрийн ТА гэдэг хүнийг бий болгосон. Өөрөөр хэлвэл өнгөрсөн үе үүргээ сайн гүйцэтгэчихээд явсан байдаг.

• Өөрөө өөртөө баяр хүргэ.

Заримдаа таны дотроос нэг сайхан онгирчихмоор мэдрэмж төрдөг үү? Хийж чадна гэдэгтээ тийм ч итгэлгүй байсан зүйлийнхээ ард гарчихвал та гудамжинд ч “Хөөх, би ч мундаг юм аа” гэж хэлж болно шүү дээ. Тэгээд дараа нь өөрийгөө жин нэмчихнэ гээд идэж чаддаггүй бялуугаар, эсвэл сарын өмнөөс л хорхойсоод авч чадаагүй яваа шинэ загварын цамцаар урамшуулаарай.

• Хоолны тухай бодлоо өөрчил.

Юу гээч? Бид шоколад идэхдээ “Энэ “нөхөр” ч намайг маргааш гэхэд таргалуулчихна даа” гэж бодон бодон амандаа хийдэг. Хорвоогоор дүүрэн байгаа сайхан амттанг дотроо муу гэж ангилан байж идэх нь таньд дараа нь буруу зүйл хийсэн мэт сэтгэгдэл үлдээхээс өөр юу ч өгөхгүй. Түүний оронд “Шоколад ч сэтгэл санааг тайвшруулдаг гэсэн шүү” гэж бодоод улам амтархан идэж байгаарай.

• Сард нэг өдрийг төлөвлөгөөгүй өнгөрүүл.

“To-do” жагсаалтаа мартаж, нэг өдөр зүгээр л урсгалыг дага. Найзууд чинь таныг уулзахаар дуудвал төлөвлөгөөнийхөө талаар тайлбар тавилгүй “За” гэж бушуухан хэлээд, гарахдаа бэлдэх, тийм зав чөлөөгөөр дүүрэн өдрийг өөртөө бий болгож сураарай.

• Өдөр бүр нэг айдсаа даван туул.

Ярихаас эмээсээр байгаа тэр хүн лүү гээ утсаа аваад юу ч бодолгүй шууд залга. Хурал дээр босож үг хэл. Хэн нэгэнтэй өөрийнхөө санаачлагаар танилц. Өдөр бүр айдсаа даван туулж, өөрийнхөө хувьд эрсдэлтэй гэж боддог зүйлсийнхээ ард гарах нь биднийг амьд байгааг мэдрүүлэх шиг болдог.

эx сурвалж: call.mn

Стив Жобс буддист хүн байжээ

2011-11-07T04:26:00.000-08:00

Хэрвээ миний юу бодож байгааг мэдэхийг хүсвэл манай бүтээгдэхүүнүүдийг сайн ажигла. Стив Жобс.

Хүүхэд залуучууд, өргөн олны хэрэглэх дуртай iPod, iPhone, iPad гэх зэрэг олон шилдэг бүтээгдэхүүн бүхий Apple компанийг үүсгэн байгуулагч Стив Жобс Бурханы шашинтан байсныг насан эцэслэсний нь дараахан мэдсэн Барууны ертөнц тэр даяараа гайхшран шуугилдацгааж байна. Баруунд нэгэнтээ хамгийн хурдацтай дэлгэрч байгаа шашин болчихоод байсан Буддизм энэ сонирхолтой баримтыг хүмүүс мэдсэний сүүлээр бүр ч ихээр эрч хүчээ авах биз ээ. Үнэндээ Буддизм бол одоо ч цэл залуугаараа байгаа, маш орчин үеийн, хүүхэд залуусын ярьдагчлан үнэн тасарчихсан сургаал мөн. Сэтгэлт хоёрын харилцан бие биесээ хайрласан хайрын сэтгэлд өтлөх нас гэж байдаггүй атал хамаг амьтныг асран хайрлаж, энэрэн нигүүлсэх сэтгэл болон ертөнцийн чанад үнэнийг танин мэдсэн билиг ухаанд хуучрах зүйл юусан билээ дээ?

Ирээдүйн Apple-ийг үндэслэгч нэгэн цагт өөрийн амьдралдаа гутаж, оюун санааны эрэл хүсэлдээ хөтлөгдөн Энэтхэг оронд хүрэлцэн очоод Хиндү шашны үргэлж инээж явдаг нэгэн ариун хүнтэй учирсан, ширэлдсэн их үсэндээ мэс хүргүүлж авхуулсан, улмаар 1991 онд Лауренс Поуеллтэй Зэн шашны ёсоор гэр бүл бололцсон зэрэг нь эдүгээ баруунд бүх нийтээрээ сайн мэдэх намтар болоод байна. Жобстой 20 жил нөхөрлөж, хуримын ёслолыг нь удирдан үйлдсэн Кобун Чино Отогава хэмээх шөрмөслөг бор, царайлаг япон хуварга яаж түүнд Apple-г үүсгэн байгуулах санаа бодлыг төрүүлсэн байх вэ гэдэг их олон хүний сонирхлыг татсан асуулт болжээ.

1970-аад онд оюун санааны эрэл хайгуул хийж байсан бага залуу Жобс Зэн бурхны шашинд суралцах болсон нь зөвхөн нэг өнгөцхөн татагдаж сонирхсон хэрэг төдий биш байв. Тэрбээр Зэн буддизмд түүний маш өвөрмөц, товч хураангуй боловч өөрийн гэсэн өнгө төрх бүхий гоо зүйд зохирон суралцаж байжээ. Тиймдээ ч маш тууштай бөгөөд хичээнгүй суралцагч болж Кармелийн орой өөд мушгиран тоосорсон өгсүүр замын төгсгөлд асарлах Америк дахь хамгийн анхны Зэн хийд болох Тассажарад хэдэн долоо хоногоор “хана ширтэн”, чухамдаа Зэн шавь нарын хэлдэгчлэн, өөрийн сэтгэлийг шинжин ажиглах бясалгалыг үйлдэн өнгөрүүлдэг байжээ. Телефон утасны систем болон түүний үндсэн байгууламжийн дизайны мэргэжилтэн хүн яагаад ийм зүйл хийхийг сонирхох болов оо? Сэтгэл оюунаар сэтгэлийг ажиглан шинжилж, эцэстээ сэтгэлийн үйл ажилгааны үндсэн хэв маягийг өөрчлөхийг танин мэдэхүйн сэтгэл зүйд (cognitive psychology) мета танин мэдэхүй (metacognition) хэмээн нэрийднэ. Өнө удаан дадуулан суралцсан хүн гүн бясалгалаар Буддизмын маш их яруу найргийн хэв шинж бүхий соёлын хучилгыг нэвтлэн гүнд нь орж чадваас тэндээс хүмүүний үйл ажиллагааны системийн нэгэн зүйл мета танин мэдэхүйн талд хөл тавих аж (ийм зүйрлэл Жобсийн оюун ухаанд нэгэн цагт төрж байсан байж болох юм). Зэн ёсны бясалгалын суудлаар суух үйл нь Жобсийн хувьд сэтгэл дотроо "эх хавтан"-г хөгжүүлэх практик арга техникүүд болж өгчээ.

Мета танин мэдэхүйн энэ талын тухай Буддизмын сонгодог дүр дүрслэл бол бидний бодол санаа бол уудам хөх тэнгэрт нүүж өнгөрөх үүлс лүгээ адил хэмээх юм. Бүхэл амьдралынхаа туршид бид эдгээр үүлний үргэлжлэлийг ямар нэг тогтвортой бөгөөд он цагийн улиралтыг даахуйц “би” хэмээх мөн чанарыг үүтгэдэг хэмээн итгэн үнэмшиж ирсэн. Гэтэл Буддистууд энэхүү “би” гээч бол хувьсал өөрчлөлт, гарз хохирол, өтлөх, үхэх тэргүүтэн зайлбаргүй мэт л тохиох тэдгээр огтын шаардлагагүй зовлонгийн шалтгаан болсон хий хоосон зүйл гэж үздэг байна. Буддизмд суралцахын нэгэн зорилго нь бодол санаануудын – хөх тэнгэрийн зэрвэсхэн үзэгдлүүдийн – хоорондох зай завсаруудыг буюу тасалдлыг илрүүлэн мэдэхэд оршино. Тэгсэнээрээ бид дээр дурдсан хий хоосон зүйлд эзлэгдэхгүй төдийгүй үүлс хуран үүсэх хийгээд сарнин одох тэр сэрэл мэдэмсэрийн урсгалыг танин барьж сурах юм.

Жобсыг дотоод сэтгэлийн энэ үйлэнд ихээхэн татсан ном зохиолуудын нэг нь Чойжам Трунба Ринбучи хэмээх 1950-аад онд Хятадын булаан эзлэгч армиас дүрвэн хэсэг лам нарыг удирдан Гималай давж асан нэгэн төвд ламын “Оюун санааны материализмыг таслах нь” хэмээх зохиол байв. Тэр бол нийгэмд маш их маргаан мэтгэлцээний сэдэв болсон, маш сонирхолтой хүн байсан юм. Түүний анхны барууны шавь нарын нэг нь хожим поп од болж хувирсан Давид Бови байлаа. Трунба маш алдартай бөгөөд нөлөөтэй багш бөгөөд эзотерик онол сургаалыг өндөр түвшний боловч шинэлэг, энгийн ойлгомжтой англи хэлээр сайн заадаг тухайдаа ихээхэн магтагдахын сацуу архи дарс их уудаг, авгай хүүхэнд их дуртай зэргээрээ хүчтэй шүүмжлэлд өртдөг нэгэн байжээ. Тэрбээр Боулдерт өөрийн үүсгэн байгуулсан бясалгалын Нарова Их сургуулиасаа гадна яруу найрагч Аллен Жинсберг, нууц киног үүсгэгч Стан Брахэж, зохиолч Кен Вилбер, ая зохиогч бөгөөд дуучин Жони Митчелл гэх зэрэг маш олон нийгмийн ерөнхий хэв маяг, соёлоос огт өөр өвөрмөц алдартнуудын оюун санааны зөвлөгч байсан байдаг. Миний бодоход, Жобсийн хувьд Трунбад татагдсан нэгэн гол хүчин зүйл бол түүний зохиол бүтээлүүд байсан биз ээ. Түүний зохиол номууд нь юмсыг байгаагаар нь үзэж ойлгоход түйтгэрлэгч бүхнийг мэс засалч адилаар задлан арилгахуйц маш эрс шулуун үг илэрхийлэлтэй зэргээсээ гадна урлагийнхан, яруу найрагчид, хөгжимчдийг нисванисын дайсны эсрэг дайчид хэмээн үзэх үүднээс машид хүндэтгэн үздэг үзэл зэрэг нь Жобсийг үнэхээр их татсан биз дээ.

Apple-н залуухан үүсгэн байгуулагчид нөлөөлсөн бас нэгэн хүчин зүйл бол Сан-Франциско хотноо Зэн төв байгуулсан Шунрю Сузуки-роши багшийн бичсэн "Зэн сэтгэл, Эхлэн суралцагсадын сэтгэл" хэмээх зохиол мөн. Энэ бол Зэн бурхны шашны ёсны тухай маш эелдэг сайхан, урин залсан шинжтэй бөгөөд маш ойлгомжтой гарын авлага болсон юм. Сузукийн чухамхүү хэн нэгэн маш ухаалаг хүүхдийн дуу хоолой дуурсах мэт сэтгэлд таатай бөгөөд зугаатай өгүүлэмжүүд нь "амьдрал үхлийн их оньс, өгүүлэшгүйн оргилд цэнгэн бүжигч" хэмээн нэрлэгдэх Зэн багш нарын тухай гүн гүнзгий бөгөөд маш нарийн тодорхой илэрхийлсэн байдаг. Энэ бол үнэхээр амьдралынхаа аль ч цаг үед уншиж болох ой тойнд багтамгүй их ховор чухал номуудын нэг юм. Энэ сацуу энэ бол нэгэн зүйл хувьсгалт эргэлт бүхий зохиол мөн. Тухайн цаг үеийнхээ Зэн шашны ном зохиолуудын үндсэн түрлэг урсгалыг сөрөн "Зэн сэтгэл, Эхлэн Суралцагсадын сэтгэл" нь гэгээрэлд "яарах зүйлгүй" алгуур боловч бат тогтвортой дурдалыг дадуулахуй үйлээр хүрэх тухай татгалзахын аргагүй сайхан онолыг айлддаг юм. Энэ нь нэгэн суурин дээр дараагийн бясалгалын хувь дээр л ямар нэгэн дорвитой, амьдралыг урвуулан өөрчлөхүйц "сатори" (Зэн бурханы шашинд гэгээрлийн хутгийг ийн нэрийддэг)-ийн улбаа, гэрэл гэгээг мэдрэх болно хэмээн горилолгүйгээр бясалгана гэсэн үг мөн. Сузуки-роши өөрийгөө гэгээрсэн гэж ер зарлаагүй байдаг нь тухайн цаг үедээ Зэн бурханы шашны алдартай их багшийн хувьд байж боломгүй зүйл байв. Тэр бүү хэл, гэгээрээгүй гэдгээ инээдэм болгон байж өөрийн шогч эхнэрээрээ батлан гэрчлүүлдэг байжээ. Сузуки-роши, "та бүхэн Бурхан болох гэж "зазэн" суудлаар суудаггүй юм. Та өөрийн байгаагаараа л төгс төгөлдөр мөн. Багахан боловсруулалт л хэрэгтэй" хэмээн олонтаа айлддаг байв.

Жобсын анхны Mac багийнхандаа зориулан гаргасан алдарт уриа нь "Аялал бол шагнал" хэмээх байв. Энэ урианы санаагаа тэрбээр "Зэн сэтгэл, Эхлэн суралцагсадын сэтгэл" зохиолоос олж авсан байх магадтай юм. Учир нь Сузуки-рошийн хувьд "мөр бол зорилго" байсан аж. Кобун залуу Жобсыг "Бизнессийн ажил хэргээ эрхлэн явуулахын зэрэгцээгээр оюун санааны үйлээ үйлдэж болно" хэмээн зоригжуулдаг байсан юм. Хэрвээ тэр үед Кобун үүний эсрэгээр зөвөлгөө өгсөн бол одоогийн дижитал ертөнц ямар шүү байх байсныг нэг бодоод үз дээ.

Apple амжилтанд хүрэхэд Буддистуудын дурдал гэж нэрлэдэг тэр сэтгэлийн үйл маш чухал үүрэг гүйцэтгэсэн юм. 15 дугаар зууны яруу найрагч Иккюү-гээс "Зэн хэмээхийн утга юу вэ?" гэж асуухад тэрбээр "Анхаарал төвлөрөл" гэж хариулсан байдаг. Үүнийг цааш нь тайлбарлахыг хүсэхэд тэрбээр "Анхаарал бол анхаарал мөн" хэмээн хариулсан байна. Зэн шашны ёсонд анхаарал гэдэг нь "Зэн до"-д хүрэлцэн ирж, өөрийн амьсгалыг дурдан агуулж суухаас илүү гүн утгатай зүйл юм. Энэ нь та өөрийн өдөр тутмын амьдралдаа автобус руу гүйх, будаа агшаах, хадмуудтайгаа ярих, даралтны эмээ уух, загас наадуулах гэх зэрэг хийж буй үйл бүхэндээ эгшин бүрт нь мэдэмсэр сэхээрлээ хандуулахын утга мөн.

Өөрөөр хэлбэл, "бусад хүмүүст зориулсан" цоо шинэ компьютер бүтээхтэй адил зүйл юм. Жобсын Тассажара болон бусад Зэн төвүүдэд дадуулж асан ахуй нөхцөл нь түүнд дээд зэргээр боловсорсон уламжлалт бүтээл болон Калифорнийн онгон зэлүүд газар нутаг хоёрыг гайхамшигтай хослуулан холбож тавих үндэс болж өгсөн билээ. Зэн төвийн гоо зүй бол - чухамхүү Apple адил - Өрнө, Дорнын зохирол бүхий хослол мөн.

Яг л Зэн номлолын адилаар Жобс Apple-н бүтээгдэхүүнийхээ хэрэглэгчдийн хүсэл санал, хэрэгцээ нэг бүрийг-ажиллагааны систем дэх үсгийн фонд, цэсний дизайн, гадна хайрцаганд ямар металл хэрэглэх, савалгаа боодол дээр нь ямар ямар өнгө байх, дагалдах сэтгүүлээс эхлээд, Apple-н агуулахуудын эмх цэгц нь хэрхэн ижил порпорцтой байхыг хүртлэх бүх зүйлийг - маш нарийн, нягт нямбай, гайхалтай сайн анхаарсан байдаг юм. Тэрбээр компьютеруудаа үндсэн дэлгэц дээр нь бүтээлч дүр дүрслэл гарч ирмэгч хэрэглэгч хүн түүнд бүрэн уусч орох мэт болохуйц тийм дизайнаар бүтээдэгээрээ өөрийн хэрэглэгчидийг ч бас дурдал анхаарал сайтай байхыг дэмжин урамшуулж байв. Жобс компьютерийг "сэтгэл оюуны дугуй" гэж боддог байв. 1981 оны нэгэн тахил нь буруу өрөгдсөн сар Жобс "Mac" хэмээх нэрээ "the Bicycle" буюу дугуй гэдэг нэрээр солихыг оролдсон байдаг. Харин түүний ажлын багийнхан энэ саналыг нь огт хүлээж аваагүй байна. Үүний цаад гол санаа нь таны хаашаа явахыг хүссэн тэр газарт хүргэнэ, ерөөс бүхэл глобал сүлжээний хүрээнд нээн олж болохуйц аль ч газарт хүргэдэг хэмээх байжээ. Гэтэл Windows-н машинууд нь үүний эсрэгээр маш их нүсэр сургалт зааварчилгаатай, зуу зуун хуудас шаардагдах тайлбар сэлт бүхий ямагт өөрсдөдөө анхаарал тавихыг шаардсан захирангуй өнгө аястай диалог, протоколууд бүхий байдаг шүү дээ. Тиймээс Mac бол үнэндээ энэ бүхэнд ардчилсан хувьсгал хийсэн юм. Жобсын шаардлагаар Apple нь хэрэглэгчиддээ хэдийнэ танил дасал байсан мэт, хэрхэн хэрэглэхээ зөнгөөрөө мэдэхүйц тийм бүтээгдэхүүнийг бүтээсэн нь цахим тооцооллыг мэдээллийн сүлжээний мэргэжилтнүүдийн олигархи байдлаас чөлөөлөн өргөн олны дижитал тоглоомын талбай болгон хувиргасан хэрэг байв.

Зөнлөг цахим тооцооллыг бүтээх ажлын явцад Жобс Жонатан Иве хэмээх эелдэг даруухан британи дизайнер залуу өөртэй нь ижил хүсэл сонирхолтой болохыг олж мэджээ. Тэр залуу түүнд iMac, iPod, iPad, MacBook Air, iPhone гэх зэрэг олон сайхан бүтээгдэхүүнийг нь бүтээхэд нь тусалсан байдаг. Эдгээр нь их энгийн даруухан бөгөөд татгалзахын аргагүй, чухам л Иве Жобс хоёрыг "нээх" хүртэл ертөнцийн хаа нэгтээ хамтаа хүлээж байсан хэлбэр болон үйл ажилгааны салшгүй нэгдэл мэт бүтээгдэхүүнүүд тул та анх харсан даруйдаа л амаа ангайтал гайхах болно. Энд бага зэрэг Буддизмын нэр томъёо ашиглан өгүүлвээс, Apple-н шилдэг сайн бүтээлүүд нь өмнөх "компьютер" эсвэл "утас", MP3 тоглуулагч зэрэг нь ямар байх ёстойг бүрэн дүүрэн харуулах мэт, гэнэтхэн хоосноос (шунъяата) үүдэн гарсан мэт санагддаг юм. Тэдгээр нь гайхалтай цэвэрхэн, шинэхэн аватарууд байв.

"Зөн сэтгэл, Эхлэн Суралцагсадын сэтгэл" зохиолд Сузуки-рошийн айлдсан хамгийн их ой санаанд тод буудаг сургаалуудын нэг бол "Эхлэн суралцагсадын сэтгэлд олон боломж байдаг байхад өндөр түвшинд хүрэгсэдийн сэтгэлд цөөн боломж байдаг юм" хэмээх болно. Энэ нь Сузуки өөрийн хуучин шавь нарыг өглөө бүр бясалгалын олбог дээр өөрсдийгөө Зэн мастерууд мэтээр сэтгэн сууцгаах вий дээ хэмээн болгоомжилсон хэрэг байв. Тэрбээр шавь нараа бясалгалд чухамхүү анх удаа оролдон үзэж байгаа хүн шиг тийм нээлттэй хүсэл сонирхлоор хандаж байгаасай хэмээн хүсдэг байжээ. Apple-ийн цахим хэрэгслүүдийг та бүхэн эхлэн суралцагсадын сэтгэл оюуныг тэтгэн дэмжиж, сэрээх тухайд зориулагдсан нарийн багаж төхөөрөмжүүд хэмээн хэлж болох юм. Үнэхээр Жобсын төгс сайныг бүтээх гэсэн тэр дурдал анхаарал нь бүр түүний бүтээгдэхүүнүүдийн нүдэнд ил үл үзэгдэх шинж чанаруудад хүртэл биеллээ олсон байдаг. Жони Иве хэмээх нэгэн гол дизайнер нь бичихдээ Apple-н төхөөрөмжүүдийн ихэнх хэрэглэгчид нүдээр үзэж чадахгүй бүрдэл хэсгүүдийг хүртэл төгс сайн хийхийн тухайд Жобсын хамтаар бид их олон сар ажилласан гэжээ. Мөн тэрбээр, "Стив энэ бүхэнд ямар нэг үйл ажиллагааны зарчимаас ч илүүтэй анхаарал тавих ёстой, бараг иргэний үүрэг хариуцлага мэт тийм чухал хариуцлага байна гэдэгт итгэдэг байв" гэж бичсэн байна. Apple өөрийн анхны бүтээгдэхүүнийг танилцуулж байх үед - тод хөх өнгийн гадаргуу бүхий iMac гарч байх үед түүний өнгө дизайны талаар гал тогооны өрөөнөөс гадаа гудамжинд хүртэл хаа сайгүй шивэр авир гэлцэж байв - Жобс iMac-ын ар тал өрсөлдөгчдийн компьютерын нүүрэн талаас ч илүү сайхан харагдаж байна хэмээн бахархан өгүүлж байжээ.

Японы сүм хийдүүдэд шинэ залуу хуврагууд хэнд ч мэдэгдэлгүйгээр сайн үйл хийж байх ёстой тухайд номлодог байна. Таны номын үйлийн ар тал нь урд тал шигээ чухал гэсэн үг юм. Кобунтай хамт өнгөрүүлсэн он жилүүдээс Жобсийн хамгийн сайн сурч авсан хичээл нь үхлийг хүлээн авах нь амьдралын зайлбаргүй нэгэн хэсэг мөн хэмээх юм. Тиймдээ ч өөрийнх нь үхэл гарцаагүй гэдгийг мэдчихээд байх үед нь тэр нь ихээхэн хэрэг тус болсон биз ээ. Жобсийн 2005 онд Стэндфордод тавьсан сэтгэл хөдөлгөм илтгэл нь тухайн нөхцөлд Буддаг дурдаагүйгээрээ илүү сайн болсон сонгодог Бурханы номын айлдвар адил болсон юм:

Би удалгүй үхэх болно гэдгийг ямагт дурдаж байх нь надад амьдралынхаа том том сонголтуудыг хийхэд маш их тус болсон хамгийн чухал хэрэглэгдэхүүн болсон юм. Учир нь үхэлтэй нүүр тулах цагт бараг бүх зүйл-бүх гадаад горь хүсэл, бүх бардамнал, бүх алдаа эндэлийн гутамшигаас айх айдас-эдгээр нь бүгд замхран одоод гагц үнэнхүү чухал зүйл нь л үлддэг юм. Миний мэдэхээр л, ямар нэг зүйлээ алдчихвий хэмээх бодлын дөнгөнөөс салах хамгийн шилдэг сайн арга бол хэзээ мөдгүй үхэх болно гэдгээ дурдах явдал мөн. Бид аль хэдийнээ юу ч үгүй нүцгэн улсууд шүү дээ. Өөрийн зүрх сэтгэлийг дагахгүй байх ямар ч учир шалтгаан бидэнд байхгүй ээ.

Хэн ч үхэхийг хүсдэггүй. Тэр бүү хэл, диваажинд очихыг хүсдэг хүмүүс ч тэндээ очихын төлөөнөө үхэхийг хүсдэггүй юм. Гэсэн хэдий ч үхэл бол бид бүгдийн хувь тавилан мөн. Хэн ч, хэзээ ч үүнээс бултан гарч байсангүй ээ. Тийм ч байхаас өөр аргагүй. Учир нь Үхэл гэдэг амьдралын цор ганц шилдэг бүтээл ч байж болох талтай. Энэ бол амьдралын хувьсал өөрчлөлтийн элч төлөөлөгч мөн. Энэ нь шинэ нялхсыг угтаж авахын тулд хуучин өтгөсийг нь явуулдаг юм. Яг одоо та бүхэн шинэ нь боловч одоогоос нэн удалгүй нэг л өдөр аажмаар өтлөж, улмаар нөгчин одох болно. Ийм чанга хатуу үг хэлж байгааг минь өршөөгөөрэй! Гэхдээ энэ бол аргагүй үнэн мөн.

Та бүхний нас хязгаарлагдмал тул хэн нэгэн өөр хүний амьдралаар амьдарч бүү шамшигдуул. Ямар нэгэн догм, ягшмал онолд бүү хүлэгд! Учир нь энэ бол бусад хүмүүсийн сэтгэлгээний үр дүнгээр амьдрахын нэр юм. Өрөөл бусдын үзэл бодлын хурц үзүүр таны дотоод дуу хоолойг сарниах боломжийг бүү олго! Хамгаас чухаг нь өөрийн зүрх сэтгэл болон зөн зовинг дагах зүрх зоригтой бай! Тэд чинь ямар нэг байдлаар таны үнэндээ юу болохыг хүсээд буйг хэдийнээ мэдэж байдаг юм. Бусад бүх зүйлс хоёрдугаар зэргийнх мөн.

Энэ бүхнээс харахад олонх хүний эндүү боддогчлон Бурхны шашин бол зөвхөн өтгөс буурлуудын муйхраар шүтдэг хуучны үеэ өнгөрөөсөн, ягшмал номлолын шинжтэй сургаал биш болох нь тодорхой байна. Энэ бол үнэндээ социализмын үеийн үзэл суртлын машинаар угаагдсан уураг тархи залруулагдан цэвэрлэгдээгүй явж байгаагийн илэрхийлэл юм гэдгийг бид өнөө хэр анзаардаггүй юм. Хэрвээ түүнд суралцаж, амьдран ахуйдаа бүтээлчээр хэрэглэж чадваас хэн хүний гайхшралыг төрүүлэм шинэ техник, технологи зохион бүтээж болохын нэгэн жишээ нь Стив Жобс юм. Үнэндээ энэ бол хүн төрөлхтөн Буддизмаас сурч, мэдэж, санаа авч болох хязгааргүй их зүйлсийн зөвхөн нэг өнгөн хэсэг мөн. Тиймээс ч барууны еотөнцөд Стив Жобсыг Буддист байсан хэмээхийн зэрэгцээ хамгийн гол нь тэрбээр ийм орчин үеийн технологийг бүтээх шинэ санааг яаж Буддизмаас олж авсан байх вэ гэдгийг олохыг чармайн шуугилдацгааж байна.

Судар Шастир нийгэмлэг

Стив Жобс - 3 түүх

Өнөөдөр та нар хойч үе харин ирээдүйд өнгөрсөн үе болно гэж Стив Жобс нэгэн сургуулийн оюутнуудтай уулзалт хийх үеэрээ хэлжээ. Апплэ компанийг 1976 онд үүсгэн байгуулж, орчин үеийн хамгийн хүндтэй брэнд болгож чадсан Стив Жобс ертөницийн мөнх бусыг үзүүлээд хэдхэн хонож байна. Дэлхий даяараа суут хүний гэгээн дурсгалыг хүндэтгэн эмгэнэн гашуудаж буй энэ өдөр хоногуудад “Өөр мэдээ” түүний оюутнуудад ярьж өгсөн 3 түүхийг хөрвүүлэн хүргэж байна. Тэрээр Стэнфордын их сургуулийн оюутнуудтай уулзалт хийхдээ эдгээр түүхийг хүүрнэсэн юм. Та бүхэнд өөрийнхөө амьдралын 3 түүхийг ярьж өгье. Энд гайхалтай гэх зүйл байхгүй жирийн л 3 түүх.

Эхний түүх зангилааны гол цэгийн тухай

Би Рийд коллежид 6 сар сурсныхаа дараа хаясан. Яагаад би сургуулиа хаяхдаа хүрэв? Энэ бүхэн намайг хорвоод мэндлэхээс ч өмнө эхэлсэн юм. Миний төрсөн эх ганц бие оюутан бүсгүй байж. Тэр намайг сургууль төгссөн гэр үлд үрчлүүлнэ гээд хуульч мэргэжилтэй айлд үрчлүүлнэ хэмээн бүр хэвлийд байхаас минь тохирсон гэдэг. Гэтэл яг үрчлүүлэх дээрээ тултал тэдний хэн нь ч сургууль төгсөөгүй гэдэгийг ээж мэдсэн байгаа юм. Ингээд үрчлүүлэхгүй гэж зүтгэтэл аав маань “Хүүг заавал их сургуульд суралцуулна” гэж амлаж л дээ. Ингээд үнэхээр 17 жилийн дараа би их сургуулийн хаалга татсан юм. Үрчилж авсан эцэг эх маань амалсандаа хүрнэ гэж насаараа шахуу их сургуулийн зарлыг минь цуглуулж, яг л танай Стэнфорд шиг өндөр төлбөртэй сургуульд оруулсан юм. Гэтэл 6 сар яаваад л цаашид сургуульд явах утгагүй санагдаад эхэлсэн. Би өөрийнхөө амьдралыг өөрөө л аваад явмаар санагдаад байлаа. Ингээд эцэг эхийнхээ насаараа цуглуулсан мөнгийг үрэн таран хийгээд сургуулиас гарчихлаа. Эхэндээ би их айж байсан. Одоо харин энэ л миний амьдралын хамгийн зөв шийдвэр байсанд эргэлздэггүй. Дотуур байранд надад өрөө ч гэж байгаагүй найзуудынхаа өрөөгөөр өдөр хоногийг өнгөрүүлж, Коланы шилийг арилжиж хоолоо олж иддэг байлаа.

Миний хоёр дахь түүх бол алдаа оноо, хайр сэтгэлийн тухай.

Амьдралд дурлах зүйлээ эрт олсоноороо би их азтай хүн. Воз бид хоёр 20 настайдаа анх аавын маань машины гаражид компаниа байгуулж байлаа. Арван жилийн энэхүү компани маань хоёр тэрбум ам долларын сантай, дөрвөн мянган ажилтантай болсон байв. Бид макинтошийг дөнгөж бүтээж, 30 нас хүрчихээд байлаа. Гэтэл намайг халчихсан. Өөрийн чинь үүсгэн байгуулсан чамайг халахад ямар байх вэ? Бид Апплэ-д жил тутамд авъяаслаг, чадвартай залуусыг ажилд авч байсан. Тэд жил ирэх тусам өсч, компанид эзлэх байр суурь нь өссөн. Ингээд нэг өдөр би тэдэнтэй санал зөрөлдөхөд Удирдах зөвлөл тэднийг дэмжиж намайг халсан юм. 30 насандаа ингээд халагдчихлаа, зүтгэж тэмүүлж байсан бүхэн минь сүйрсэн юм шиг л байсан. Гэлээ хэсэг хугацааны дараа би дахин нэг компаниа байгуулж гэж Нэxт нэрлэсэн. Мөн төд удалгүй Пиxар-ийг байгуулж, тэнд гайхалтай бүсгүйтэй танилцаж эхнэрээ болгосон. Пиxар анх удаагаа копьютероор хүүхэлдэйн киног бүтээж, одоог хүртэл өөрийн салбартаа хамгийн шилдэг нь гэгдсээр байна. Амьдралын сонин тохиолдлоор Нэxт-ийг Апплэ худалдан авсан. Нэxт-ийн бүтээсэн бүхэн Апплэийн сэргэн мандалтын үндэс болсон. Хэрвээ тэр үед намайг ажлаас халаагүй бол энэ бүхэн болохгүй байсан. Хэдийгээр гашуун эм өгсөн ч гэсэн өвчтөн эргэж хөл дээрээ босоход нь том тус болсоны жишээ энэ. Тийм учраас амьдрал заримдаа таныг бороохойгоор нүдэвч бүү бууж өгөөрэй Та өөрийнхөө дурлах тэр зүйлийг л ол. Тэгээд бүгдэд үнэнч, хариуцлагатай хандаж, дуртай ажлаа хийгээд л бай. Агуу зүйл хийж байгаа мэт санагдах тийм л дуртай ажлаа барьж ав. Хэрвээ та дуртай зүйлээ олоогүй бол хай бүү дэмий зогс. Та түүнийг олвол сэтгэл зүрхээрээ мэдрэх болно.

Миний гуравдахь түүх бол үхлийн тухай бодол маань юм.

17 настайдаа би “Өнөөдөр чиний амьдралын сүүлийн өдөр мэт амьдар. Тэгвэл та зөв амьдарна” гэсэн үгийг уншиж билээ. Энэ үг надад их сэтгэгдэл үлдээсэн. Ингээд би өөрөөсөө “Өнөөдөр миний сүүлийн өдөр юм бол би энийг хийх байсан уу? гэж асуух болгонд “Үгүй” гэсэн хариулт орж ирээд байлаа. Мөдхөн би үхнэ гэсэн бодол бол асуудлыг хурдан, зөв шийдэх хамгийн сайн арга.
Эрсдлээс эмээх, нэр алдар хөөцөлдөх зэрэг зүйлс бол цаг зуурын л зүйл. Харин үхэл бол зайлшгүй учрах цэг. Одоогоор хэн ч түүнээс зугатааж чадахгүй. Тийм ч байх ёстой. үхэл бол энэ ертөнцийн хамгийн агуу бүтээл, үхэл бол амьдралын амт. өтөл хөгшдийг авч одон, залуу хойч үед зайг нь гаргаж өгдөг шударга хууль.

Өнөөдөр тар хойч үе, ирээдүйд харин өнгөрсөн үе болно. Шулуухан ингэж хэлж байгааг буйг минь өршөөгөөрэй. Гэхдээ энэ бол нүцгэн үнэн. Тэгэхээр өөрт оногдсон амьдралын бяцхан хугацаагаа бусдын, хэрэггүй зүйлийн төлөө бүү зар. Бусдын бодол санаагаар битгий яв. —Өлсгөлөн амьдар, жолоогүй яв.

2011-10-17T01:44:00.000-07:00

Аз жаргал гэж юу вэ?

Үнэнч болоод халамжтай япон эхнэртэй, олон төрлийн бөгөөд амттай хятад хоол зооглодог, уужим саруул хийгээд тохь тухтай англи байшинтай, их бөгөөд байнга өсч байдаг америкчуудынх нь шиг цалин авдаг хүнийг аз жаргалтай хүн гэлцдэг.

Хүйтэн хөндий болоод хувиа хичээсэн америк эхнэртэй, ганц төрлийн хийгээд заваан англи хүнстэй, давчуу хэр нь хуучны япон сууцтай, маш бага хэмжээтэй цагтаа буудаггүй «хятад» цалинтай хүнийг аз жаргалгүй хүн гэж ярьдаг.

Гэхдээ Хятадад хүмүүсийг эд баялаг ч аз жаргалтай болоход тус болоогүйг хэлэх хэрэгтэй болов уу. “Зо Пэнфен гэгч 300 лан зоостой хэр нь аз жаргалгүй нэгэн байжээ. Түүнийг У гэдэг оюутныд амьдардаг, уран бичээч даосын лам Зы анагаах гээд чадаагүй гэдэг” гэж хуучны домогт өгүүлдэг.

Гэсэн хэдий ч “хүүхэд, ургамал, амьтдаас хэрхэн жирийн бөгөөд баяр баясгалантай амьдрах урлагийг суралцвал”, хэрвээ “юунд ч санаа зоволгүй бүжиглэж, наадан тоглодог болбол” хүн заавал аз аргалтай болно гэж даосууд олон зууны турш сургасаар иржээ.

Харин хятадын өөр нэг сургаал болох күнзийн сургаалыг баримтлагчид аз жаргалыг хүлцэнгүй байхад оршдог гэж сургадаг байна. Эндээс нэг ийм түүх санаанд орж байна. Эрт дээр цагт нэгэн хаан албатдаа морь үзүүлээд түүнийгээ цаа буга гэж гэнэ.

Нэгэн албат нь үүнийг үгүйсгээд цаазлуулжээ. Тэгтэл албатуудынх нь нэг нь “Ямар сайхан цаа буга вэ” хэмээн дуу алдсаныг хаан гол зөвлөхөө болгосон нь урт удаан, аз жаргалтай амьдарсан байна.

Өдгөө ч хүлцэнгүй байдлыг Дундад улсад дээдэлдэг. Саяхан хятадын жирийн нэг эмэгтэй 100 насны сүүдэр зооглов. Насных нь ойг тохиолдуулан түүнээс сэтгүүлчид ярилцлага авахад тэрбээр: “Миний амьдрал хүнд байсан. Яггоны эзлэн түрэмгийллийг үзсэн, хоол унд болоод өмсөх зүүхээр үргэлж гачигддаг байлаа. Гэхдээ коммунист намын ачаар миний амьдрал их аз жаргаптай байсан гэж би боддог” гэжээ.

Гэтэл шинжлэх ухаайы коммунизмын онолыг үндэслэгчдийн нэг Фридрих Энгельс аз жаргалыг огт өөр зүйлтэй холбон тайлбарласан байна. Түүнээс нэг удаа: “Таны боддоор аз жаргал гэж юу вэ? Хэзээ даян дэлхийд хувийн өмч үгүй болж, эрх тэгш болох вэ?” гэж асуув. “Миний хувьд аз жаргал гэж 1840 оны ургацын “Гато Марго” гэдэг франц дарс юм” гэж Энгельс хариулжээ.

Энгельсийн үр сад болох орчин үеийн германчуудын үзэж буйгаар, аз жаргалтай болохын тулд өөдрөг үзэлтэй байх нь чухал юм. Тэд ингэж ярилаа. Германы гутлын пүүс Африк руу төлөөлөгчөө илгээжээ. Тэрбээр эргээд Герман руугаа: “Гутал борлуулах арга алга. Африкийн аборигенууд хөл нүцгэн явдаг юм байна. Ажил бүтсэнгүй” гэсэн гутранги цахилгаан илгээв.
Сэтгэлээр унасан төлөөлөгч элгээ тэврээд хүлээх зуур пүүсийн эзэн Африкийн тив рүү өөр нэгэн хүнийг явуулав. Удалгүй тэрбээр: “Африкт гутал борлуулах боломж асар их байна. Энд одоогоор бүгд хөл нүцгэн явж байна” гэж мэдээлжээ. Урам зориг орсон пүүс Африк руу гутал ачиж, их ашиг олжээ.

Өөдрөг бодолтой хоёрдахь төлөөлөгч абан тушаал ахиж, үлдсэн амьдралаа аз жаргалтай өнгөрүүлсэн гэдэг.

Далайн арлуудад хүчтэй салхи гарахыг аз жаргалд тооцдог байна. “Наргил модод найгаж, үр жимсээ газарт унагах цагт жимсний төлөө мод руу авирах хэрэггүй” гэж нутгийн уугуул иргэд тайлбарлажээ.

Аз жаргалын тухай нэгэн израиль хүнээс асуухад тэрбээр: “Маргааш нь нөгөөдрөөс сайхан байхыг аз жаргал гэнэ” хэмээн хариулсан байна. Израильд ийм нэг онигоо ярьдаг аж. Хаим: “Өнөөдөр би үнэхээр аз жаргалтай байна. Гурван жилийн өмнө алдсан хантаазаа оллоо”. Найз нь: “Юу гэнээ?”. Хаим: “Халуун усны газар очлоо, хувцсаа тайлж байгаад хантаазаа өмссөн байснаа харлаа”.

Тель-Авивын сурагч багшаасаа: “Яагаад Моисей аз жаргалыг хайж байна гээд 40 жилийн турш еврейчүүдийг дагуулан цөлөөр явсан бэ?” гэж асуухад “Нефть байхгүй газрыг л хайж байсан байхгүй юу” хэмээн хариулжээ.

Оросууд бас аз жаргалын тухай өөрийн гэсэн ойлголттой. Зөвлөлтийн үед ингэж хошигнодог байв: “Адам Ева хоёр ЗСБНХУ-ын иргэн байв. Нэгдүгээрт, тэр хоёр дундаа нэг л алимтай байсан. Хоёрдугаарт, тэд хувцасгүй шахам байсан. Гуравдугаарт, Адам, Ева хоёр диваажинд амьдарч байна гэж бодоод аз жаргалтай байдаг байжээ”.

Өөр бас нэгийг ярихад, Зөвлөлтийн цаа бугачинд Камаз машин бэлэглэжээ. Түүнээс: “Аз жаргалтай байна уу?” гэхэд, “Үнэхээрийн сайхан байна, ганцхан ноход л ядрах юм даа” гэжээ.

“Даваа гараг хүртэл тэсье” гэдэг алдартай кинонд түүхийн багшид сургуулийн захиргаа зохион бичлэг хийлгэ гэж “Аз жаргал гэж юу вэ?” гэсэн сэдэв өгөхөд ямар тэнэг сэдэв вэ? гэжээ. Харин нэгэн сурагч зохион бичлэгтээ: “Аз жаргал гэдэг бол чамайг бусад хүмүүс ойлгох тэр мөчийг хэлнэ” гэсэн ганц өгүүлбэр бичсэнийг уншсаны дараа ангийнхаа хүүхдүүдийн бичсэн бүх зохион бичлэгийг шатаасан байна.

Тэрчлэн Орост ийм нэг яриа байдаг. Бурхан дэлхийг бүтээхээр томоо гэгчийн шавар авчээ. Хэсэг хэсгээр нь эмтэлж авсаар дэлхийг бүтээв. Үлдсэн шавраа дахин хувааж хүн хийлээ. Тэгээд хэр тааруу амьдрахад хүнд юу хэрэгтэй билээ гэж бодож байгаад орон сууц, эд хогшил бүтээжээ.

Ингээд боллоо гэж бодож байтал шавар үлдсэнийг хараад түүгээр юу хийх вэ гэж удаан бодов. Бодож бодож эцэст нь хүнд аз жаргал хэрэгтэй юм байна гэдгийг ойлгожээ. Тийнхүү аз жаргалыг бүтээж эхлэв. Хэчнээн хичээвч аз жаргал бий болохгүй л байлаа.

Тэр үед Бурхан хүнийг дуудаж ирүүлээд, түүнд “Би чамд шаардлагатай эд материалыг бүтээж өгсөн боловч аз жаргалыг яагаад бүтээж чадсангүй. Энэ үлдсэн шаврыг аваад өөртөө аз жаргалыг бүтээхийг бод” гэж хэлжээ.

Тэр цагаас хойш хүн бүр өөрийн аз жаргалыг бий болгодог болжээ. Хэн нэг нь аз жаргалаа бүтээчихэж байхад зарим нь үнэхээр чадахгүй байна гэж Оросын ГХЯ-ны Дипломатын академийн захирлын үүрэг гүйцэтгэгч Евгений Бажанов “ЭХО планета” сэтгүүлд бичжээ.

Эх сурвалж: “Монцамэ”

Vр дvнтэй амьдарч сурах

2011-07-08T07:11:00.001-07:00

Vр дvнтэй амьдарч сурахад эдгээр зарчим хэрэг болно. Та бид vргэлж сэтгэлийнхээ эрхээр явж ирсэн. Харин сэтгэлээ жолоодож сурвал амьдрал тийм ч хэцvv бишээ. Санаа сэтгэл гэдэг сул тавьчихсан сармагчин шиг нэг сэдвээс нөгөө рvv vсчиж байдаг. Бодитой юманд хvрье гэж байгаа бол сэтгэлээ хазаарлаж, хямгадаж сурах хэрэгтэй. Бясалгана гэдэг нь өөртөө эерэг дадал зуршил бий болгохын нэр юм. Буддын шашин аз жаргалтай амьдрахын тулд бясалгал хий гэж 2500 жилийн турш сурталчилсаар ирсэн билээ.

1. Бага унт. Ингэвэл таны амьдрал илvv vр дvнтэй, бvрэн дvvрэн болно. Эрvvл саруул амьдрахын тулд 6 цаг унтахад хангалттай байдаг. 21 хоногийн турш өмнөхөөсөө нэг цагийн өмнө бос, тэгвэл зуршил болно. Гvн нойр чухал болохоос удаан унтахдаа биш.

2. Өглөө бvр бясалгал хий. Энэ vед таныг хvлээж буй vймээнт амьдралд умбан ороход хvрэлцэхvйц эрч хvчээр сэтгэлээ цэнэглэ. Долоо хоногт нэг удаа нар мандахыг хар эсвэл байгальд гар,
3. Аар саар зvйлд анхаарал бvv хандуул. "Цаг зав, эрч хvчээ зєв зарцуулж байна уу?" гэж өөрөөсөө асууж бай. Цаг хугацааг зохицуулна гэдэг амьдралыг жолоодоно гэсэн vг, цагандаа харам бай.
4. Амин чухал асуудалд анхаарлаа төвлөрvvлж сурахын тулд бугуйндаа "vсний резин" зvv. Дэмий бодол санаа төрөх бvр резинээ татаад тавь. Тархи тэр дэмий бодол сэдлийг өвдөлттэй уялдуулан хvлээж авснаар дахин тэр мэт санаа төрөхөө болино.
5. Бvтэн сайн өдөр энэ зарчмыг ягштал баримтлаад vз. Энэ vедээ долоо хоногийнхоо ажлыг төлөвлө, төлөвлөсөн ажлаа ямар vр дvнд хvрэхийг төсөөлөн бод. Шинэ мэдээлэл авах ном унш. Намуухан хөгжим сонсож амгаланг мэдэр. Энэ нь таныг төвлөрvvлэх, зорилготой, идэвхтэй байхад тань хазаар болж өгнө.
6. Таны амьдрал харьцаанаас шууд хамаардгийг vргэлж санаж яв. Хамгийн чухал харьцаа бол өөрөө өөртэйгөө харьцах. Таны бодол санаа төвлөрсөн зvйл л таных болдог. Энэ бол амьдралын хууль.
7.Инээмсэглэж бай. Инээмсэглэл бие организм дахь эерэг элементvvдийг өдөөдөг. Далай лам vргэлж инээмсэглэж явдгийг сана. Инээмсэглэлийг өөртөө дадуул, амьдрал тань илvv амьд болно.
8. Орой юм уншихдаа лаа асааж бай. Ингэвэл гайхалтай амгалан орчин бvрдэнэ. Гэрээ гадаад орчноос бvрэн усгаарлагдсан баян бvрд болгож хувирга. Гоё хєгжим, сайхан ном, сайхан найзуудаар гэрээ дvvргэ.
9. Анхаарлаа төвлөрvvлж сурахын тулд явган явахдаа алхаагаа тоол. Зургаан алхмын дотор амьсгаа авч, дараагийн зургаан алхамд амьсгалаа тvгжиж, дахин зургаан алхамд амьсгаагаа гарга. Хэрвээ зургаан алхам танд уртсаад байвал өөртөө тохируулан цөөл. Хvмvvс тархи толгойдоо элдвийн хог тээж явах нь элбэг. Өөрийнхөө чадварыг бvрэн дайчилж чаддаг хvмvvс чухал асуудал дээрээ төвлөрсөн сэтгэл санааны амгалан байдлыг эрхэмлэдэг.
10. Тайван байж сур. Өдөртөө ядаж 10 минут чимээгvй сууж нам гvмээс цэнгэл амсаж хэвш. Энэ амьдралд хамгийн чухал нь юу болохыг тунгаа. Өөрийнхөө vйл хэргийг эргэцvvл.
11. Оюун санаагаа салхинд хийсэх хуудас цаас шиг зөнд нь бvv орхи. Vргэлж төвлөрvvл. Хэрвээ та ямар нэг зvйл хийж байгаа бол өөр юм битгий бод. Ажилдаа явахдаа гэрээсээ ажил чинь хvртэл хэдэн алхам байдгийг тоол. Энэ хялбар биш, гэхдээ удалгvй таны оюун ухаан таныг удирддаг бус харин та өөрийг нь жолооддог болохыг аяндаа хvлээн зөвшөөрнө. Эцсийн дvндээ таны оюун өчvvхөн ч салхигvй орчинд бадамлах зул адил тогтуухан гэрэлтэж байх ёстой.
12. Оюун ухаан гэдэг булчинтай л ижил. Эрхлээд дасгалжуулах хэрэгтэй харин дараа нь хvч чадлыг сорих учиртай. Эхэндээ хэцvv байж болно, гэхдээ алгуурхан сайжирсаар таны төрөлх шинж чанар болон төлөвшинө. Өлссөн vедээ дараагийн хоол болтол тэс. Хvндхэн ажилд дарагдсан ус таны оюун санаа хэн нэгэнтэй ярих, ном сэтгvvл шvvрэн авч унших гэх мэтийн vйлдэл хийлгэж амрахыг чармайдаг. Энэ vед шууд л амралтыг нь таслан зогсоож бай. Удалгvй та хэдэн цагаар нэгэн зvйлд анхаарлаа төвлөрvvлж сурна.
13. Бага ярь. Ярихдаа 60/ 40 гэдэг дvрэм баримтал, нийт хугацааны 60 хувьд яриад 40 хувьд нь сонс. Ингэвэл нэр хvнд тань өсөөд зогсохгvй, уулзаж байгаа хvмvvсээс олон ухаалаг зvйлийг сонсоно. Таныхаар бол алдаа дутагдал гаргаж байгаа хэн нэгнийг шvvмжилж, хов ярихаа боль. Өөрийгөө голж vглэхээ боль.
14. Тархинд чинь сөрөг бодол санаа төрвөл дор нь эерэгээр өөрчилж бай. Эерэг нь сөргийгөө vргэлж даван гардаг тул таны оюун ухаан vргэлж сайн сайхныг бодож хэвшинэ. Сөрөг бодол санаа бол муу бvхнийг ахин дахин төрvvлж байдаг систем юм. Энэ системийг зад цохин хvчтэй, эерэг санаа сэдэлтэй сэтгэгч болохтун.
15. Өдрийн туршид алиа хошин зантай байхыг хичээ.

Дотоод сэтгэлийн хүч

2011-05-07T15:40:00.000-07:00

Хүн хэмээх бодьгалын адгуусаас ялгагдах үндсэн шинж нь оюун ухаан билээ.Мөн хүнээс өөр ямар ч амьтанд дотоод сэтгэлийн хүч гээч зүйл үгүй. Дотоод сэтгэлийн хүчээрээ өөрийн амьдралыг залж, тойрон хүрээлэх аура буюу энергиэрээ ирээдүйн өнгөө бий болгодог. Харин өнөө цаг үед хүмүүс өөрийгөө тойрон хүрээлэх бүрхүүлээ эерэг бус, сөрөг энергиэр дүүргэн, улмаар азгүй, бүтэлгүй явдалтай өдөр тутам нүүр тулж, сайн сайхан ирээдүйгээ замхруулж байдаг болчихжээ.

Тэр их хүч нөлөө бүхий энергийг хэрхэн эерэгээр цэнэглэх, сөрөг, хар эрчмийн урсгалаас хэрхэн хамгаалах талаар мэдлэг дутсаны уршиг энэ юм. Энергийн тухай бидний мэдвэл зохих зүйлсийн тухай, өдөр тутмын амьдралдаа дагаж мөрдөх зарчмын тухай Бясалгал, Зурхай, Сүнс, Сэтгэл судлалын академийн зурхайн ухааны доктор Н.Батцэцэгтэй хөөрөлдлөө.

-Хүнийг тойрсон гэрлэн бүрхүүл гэж байдаг, тэр нь бас гэмтдэг гэж ярьдаг. Ямар үед гэрлэн бүрхүүл гэмтдэг юм бэ?

- Хүний жилийн ноён нуруу гээд байдаг чинь ерөөсөө тэр гэрлэн бүрхүүлийг хэлээд байгаа юм. Үүнийг анагаахын хэлээр аура, шинжлэх ухааны хэлээр солонгон бүрхүүл, шашны хэлээр хүний жилийн ноён нуруу гэж үздэг. Хүний тухайн жилд ажил төрөл, амь нас, бие махбодь, амьдралд нь тохиолдох сайн муу бүгдийг жилийн ноён нуруугаар нь тддорхойлж болдог шүү дээ.

Харин гэрлэн бүрхүүл нь үхээрийн газраар явах зэргээс гадна хэрүүл хийх, хараал хэлэхэд ч гэмтдэг. Муу бодол ч үүнд нөлөөлнө. Муу бодол, төсөөлөл тархиндаа ургуулаад байх тусам сөрөг энергийг өөртөө төвлөрүүлж, үүнийхээ улмаас гэрлэн биеэ гэмтээдэг юм. Тэрнээс хүн хүнийг хараадаг гэх зүйл байдаггүй юм шүү дээ.

-Тэгэхээр “хараалгачихлаа” гэдэг хүмүүс өөрөө өөрсдийгөө тийм байдалд оруулсан байдаг хэрэг үү?

-Тэгж ойлгож болно. Тэр намайг муу хэлсэн болов уу, энэ намайг хараасан болов уу, надад муу юм хийсэн болов уу” гээд бодоод л байвал сөрөг энергийн хүчээр тэр нь биелдэг. Энерги бол түгээмэл байгаа урсгал. Шинжлэх ухаанаар баталсан, шашнаар бол аль эрт нотолсон. Муу зүйл бодох тусмаа таталцлын хуулиар сөрөг энергийг татаж, сайн сайхныг төсөөлөх тусмаа өөрийн гэрлэн биеэ Бадамлянхуа цэцэг адил дэлгэрүүлж, жилийн ноён нуруугаа засаад явж болдог. Сайн явах санааных гэдэг үг зүгээр ч нэг гараагүй юм шүү дээ.

-Муу энерги хүний гэрлэн биед сайнаасаа илүү журдан цуглардаг гэж сонссон юм байна. Энэ ортой юу?

-Ортой. Муу энергийг татаж байгаа хүн өөрөө түүнийхээ төв нь болж байгаа учир сайнаас илүү хурдан татах гол цөм болчихдог юм. Хүн угаасаа муу зүйлийг өөртөө маш хурдан, хүндээр тусгаж авдгийг ажиглаж байсан байх. Өөрт нь тусалж, сайн сайхан зүйл ярьж буй хүнийг нар мандаад, жаргах хооронд мартаж орхидог. Тэгсэн мөртөө муу зүйлийг, эсвэл уур, гомдол зэргийг хэдэн хоног сараар бодоод, хүмүүсийн ярьдгаар “араандаа зуугаад” яваад л байдаг. Чухам үүний учраас муу энергийг өөртөө асар хурдан, “дуртайяа” хүлээж аваад, кодолчихдог хэрэг.

-Кодлох гэдэг нь юу гэсэн үг вэ?

-Хүн өөрийнхөө оюун ухаанд сануулаад авчихаж байна гэсэн үг л дээ. Зүйрлэвэл компьютерт юм бичээд хэрэв хадгалах бол түүнийгээ “save” дараад сануулдагтай адил. Тийм учраас хараал гэдэг зүйлийг өөртөө татаж сануулчихаад, өөрөө өөрийнхөө сайн сайхан явах зам мөрөө хаагаад байдаг хэрэг.

-Тэгвэл тэр кодолсон муу муухай үг, бодол, үйлээ авч хаяхгүй л бол улам нэмж, хуримтлуулаад байх юм байна. Тийм үү?

-Байнга л муу зүйлийн тухай бодоод байвал өөрийгөө тойрох, хар буюу сөрөг энергиэ улам ихэсгэн, маш сайхан замаар явж, гэрэл гэгээтэй ирээдүйд хүрэх ёстой байсан бол түүнийгээ аажмаар бүүдийлгэж байдаг юм. Жишээлэхэд, хотын төвийн гэрэлтэй талбай руу явах гэж байснаа төөрч захын, харанхуй гудамжаар бүдчиж эхэлнэ гэсэн үг. Нэг ёсондоо оюун санааны төөрөгдөлд орж буй хэрэг.

-Сайтар бясалгасан, боловсорсон хүмүүс сайн муу энергитэй хүнийг хараад ялгаж чаддаг гэдэг. Харин энгийн нүдээр муу энергитэй хүнийг хараад ямар нэг байдлаар таних, ялгах боломж байдаг болов уу?

-Энгийн хүн бусдын гэрлэн бие буюу аураг харах, эерэг сөрөг энергийг ялгах хэцүү л дээ. Харин ажигч нүдээр харахад олон зүйлээрээ ялгарч харагддаг юм. Нүдний гэрэл нь буурсан, нэг л бороотой тэнгэр шиг бүүдгэр байдаг. Энгийн нүдээр ганц нэг зүйлийг нь онцолж харж болох л юм. Тухайлбал, энерги буурсан, сөрөг болсон хүн мөрөө унжуулж, гудайсхийн явж, зовхи, завьж нь унжсан байдгаар нь ялгаж болно.

-Тэгвэл гудамжинд яваа хүмүүсийн гэрлэн бие хэр гэмшсэн байх шиг байна?

-Гэрлэн бие нь гэмтсэн, сөрөг энерги цуглуулсан хүн маш элбэг болсон. Харин үүнийгээ өөрсдөө огт мэддэггүй. Бүх хүн л муу сэтгэлийг тээж, уурын үүр болж явна уу даа гэмээр тийм их гэмтэлтэй болчихсон байдаг.

-Уурын уршиг гэж байдаг уу? Уурлаад уцаарлаадл байвал үйлс нь хэзээ ч бүтдэггүй гэж ярьж байсныг чинь сонссон юм байна.

-Уур гэдэг бол мунхаг гэсэн үг. Хэдий чинээ уурлана, төдий чинээ мунхардалд орж, оюун санааны гэгээлэг тал нь бүрхэг болж байдаг. Номтой нөхөрлөн, харьцаж байгаа хүн гэгээрдэг бол уурлаад байгаа хүнд ном унших зав ч гарахгүй явсаар эргээд харахад бухимдлаасаа болоод бүх зав чөлөөгөө уурлаад өнгөрөөчихсөн байдаг юм. Өнөөгийн нийгэмд амьдарч буй дийлэнх хүний гэрлэн бие гэмтсэн байгаа нь яг энэ уур ууцаартай холбоотой.

Анзаараад байхад хүмүүс том жижиг гэлтгүй маш их уцаартай болж, шалихгүй зүйл дээр ч уурлан, хэрүүл уруул хийдэг болчихож. Дор бүрнээ бодоод үзээрэй. Хамгийн сүүлд чиний уурласан тэр зүйл, асуудал үнэхээр тийм чухал байсан уу гэж. Ихэнхдээ тийм биш, зүгээр л өнгөрөөчихөж болохуйц зүйл байсан байж таарна. Харин тэр энгийн зүйлийг өнгөрөөчихөж чадаагүйгээрээ өөрийн гэрлэн биедээ толбо суулгаж, сөрөг энергийг биедээ татаж аваад л үлдсэн байна шүү дээ.

-Эцэг, эхдээ уурлах уурын хор уршиг хэр их байдаг бол?

-Эцэг, эх бол ямар ч хүнд бурхан нь байдаг. Тэгэхээр бурхандаа уурлаад байгаатай адил. Бурхан шүтээндээ уурлаж, уцаарлан, дэргэд нь хэрүүл уруул хийж, хараал тавьж байгаа хүний нэг насны байтугай хойд амьдрал ч ширүүн бороотой, хүйтэн өдрүүд үргэлжилдэг.

-Тэгвэл уурлах гээд байгаа тэр сэтгэлээ хоромхон зуур дарж, номхотгох арга байх уу?

-Байлгүй яах вэ. Тэгж сэтгэлээ номхотгох, уураа дарахчадал хүн бүрт бий. Нэн тэргүүнд дуугүй болчих хэрэгтэй. Харин дуугүй байх их ч бай, бага ч бай тэр хугацаандаа өөрийнхөө дотоод сэтгэлийг нээх ёстой юм. Өөрөөсөө асуу. Би яагаад уурлаад байна вэ гэж. Хүн бүр уурласан үедээ “энэ яагаад миний уурыг хүргэж байна вэ” гэж гаднаас бурууг эрж хайгаад байдаг. Ингэж гаднаас хайвал ямар ч хариулт олж, үр дүнд хүрэхгүй.

Харин өөрөө өөртөө хандсанаар аяндаа “энэ үнэхээр тийм чухал асуудал уу” гэдгийг асуухад хүрдэг юм. Ингэж сэтгэлээ тэр уурын мунхагаас чөлөөлж сурвал л бид энэ олон сөрөг энергийн урсгалаас өөрийн гэрлэн бүрхүүлээ хамгаалж чадах юм.

-Хүмүүс “ямар үйлийн үрээр чамтай учирваа” гэж их ярьдаг. Үйлийн үр гэж чухам яг юу юм бэ? Үнэхээр тэр нь хүний хувь заяанд нөлөөлж чаддаг юм уу?

-Үйлийн үр нь сайн муу гэсэн хоёр талтай. Нар хэтэрхий хурц байвал шатааж, хэтэрхий бүдэг байвал хөлдөөх байх. Ертөнцийн юм бүхэн ийм хоёр талтай байдаг шиг үйлийн үр ч адил. Сайн сайхныг хэлж, ерөөж, буянт үйл үйлдэхийн хэрээр сайн үйлийн үрийг өөртөө дуудан ирүүлж байдаг юм. Эсрэгээрээ уурлаж, хараан зүхэж, хов хэлж, худал ярин, хэн нэгнийг зовоох тусам муу үйлийн үрийг даллан дуудаж, түүнийхээ уршгаар гай зовлонд нэрвэгдэн байдаг. Үйлийн үр хүний хувь заяа, амьдралын замд нөлөөлдөг нь маргашгүй үнэн.

-Хүн тэгэхээр амьдралынхаа завийг өөрөө залуурддаг гэсэн үг үү?
-Хүн хийсэн үйл бүрийнхээ үйлийн үрийг хэзээ нэгэн цагт заавал үзэж байдаг хуультай. Урт насалж, удаан жарган, өнөр өтгөн гэр бүлдээ налайн суух хувьтай байсан хүн өөрийн хийсэн их, бага муу үйлийнхээ үрийг хүртэж, өвчин эргүүлж, хорт хавдар хүртэл тусчихсан байдаг.

-Хорт хавдар чинь анагаахаар батлагдсан өвчин биз дээ?

-Сүүлийн үед хортой, хоргүй хавдар тусч, зовж шаналах хүн үлэмж нэмэгдсэн. Үнэндээ хавдар бол үйлийн үрийн уршиг байж, үйлийн үрээр тэжээгдэн ургаж томордог юм. Хавдрын цөмд нь өчүүхэн жижиг хорхой байгаа. Харин тэр хорхой зөвхөн муу энергиэр л хүчээ авч, тэжээгдэн тэтгэгдэж байдаг юм шүү дээ.

-Тэгвэл өөрийн хийсэн муу үйлийг цайруулж, хойшид гарах үйлийн үрээс нь сэргийлэх боломж бий юу?

-Амархан биш ч байлгүй яах вэ. Харин энэ боломж зөвхөн тэр хүнд өөрт нь байна. Аз жаргалыг хүн өөрийн дотроос олдог учир ямар ч хүч шаардагдсан бай муу бодол санаа, өш хонзон бүрээсээ чөлөөлөгдөж, өөрийгөө гэгээрүүлэх ёстой юм. Харин үүнийхээ дараа гэм хоргүй цагаан сэтгэлээр аливаад хандаад эхлэх юм бол өмнө нь үйлдсэн үйлийн үрээ нимгэлж болно.

-Хэрэв ингэж чадвал хорт хавдар тусах гэж байснаа больчихно гэж ойлгож болох нь ээ?

-Тийм. Та хэзээ нэгэн цагт хорт хавдар тусаад илааршсан хүний талаар сонсож байсан байх. Шинжлэх ухааны ач тус нөлөөлсөн байж болох ч хамгийн ихээр тэр хүн өөрөө өөрийгөө үхлийн аюулаас аварсан явдал юм шүү дээ. Яг л дээр хэлсэн шиг муу бүхнээс өөрийгөө чөлөөлж чадсаны гавьяанд үхэл амьдралын заагаас эргэн ирж байгаа юм.

Харин өч төчнөөн сая төгрөг зарлагадаж, олон орноор эмчилгээ хийлгэсэн ч тусыг эс олж, өчүүхэн өвчин нь сэдрэн мөнх бусыг үзэж буй хүн сэтгэлээ чөлөөлж, гэгээрүүлж чадаагүйнхээ үйлийн үрийг эдэлж байгаа хэрэг. Сайн энергиэр муу энергийг сүлж чадсан хүний ямар ч өвчин эдгэрнэ.

-Бас сайхан зүйлийг бодож, “би эдгэрнэ” гэж үнэн сэтгэлээсээ итгэсэн хүн эдгэрдэг гэж ярьдаг. Энэ нь бодлын хүч нөлөөлж байгаагийн илрэл үү?

-Хүний тархи гэгч агуу зүйлийг удирдаж явдаг нь сүнс юм. Тэр сүнсэнд юу гэж зааж, хэлж өгнө яг тэр нь биеллээ олдог. Ажил төлөвлөхдөө “бүтэх болов уу” эсвэл “бүтэхгүй дээ” “бүтэхгүй бол яанаа” гэсэн бодлыг л тархиндаа эргэлдүүлээд байвал сүнс түүнийг нь хүлээн авч, яг эсрэгээр нь “манай эзэн энэ ажлыг бүтээхийг хүсэхгүй байна” гэж ойлгоод бүтэлгүйтүүлж орхино доо.

“Виз гарах болов уу, яах бол” гээд явж байгаа хүнд засал хийгээд явуулчихаар тэр виз нь гарчихдаг нь яаж байгаа юм бэ? Тэгвэл энэ чинь зүгээр л тэр хүний сүнсэт оюунаас эргэлзээ, айдсыг нь гаргачихсан учраас бүтчихэж байгаа хэрэг шүү дээ.

-Тэгвэл үгийн хүч гэж байдаг уу? Үүнийг тайлбарлаж болох уу?

-Байнаа. Хүний амнаас гарч буй үг гэдэгчинь ерөөсөө энергийн бөөгнөрөл юм. Тийм ч учраас нэг үгийг хэдий чинээ олон хэлнэ төдий чинээ энерги нь ихсэн, хүчтэй болж, улмаар биеллээ олж байдаг. Жишээлбэл, энэ дэлхий дээр байгаа бүх хүн эхээс төрсөн учир “Ээж” гэдэг үг тоолж барамгүй олон удаа хэлэгдэнэ. Энэ олон удаагийн давталтаар “Ээж” гэдэг үгний энергийн хүч асар их болж, энэ үгийг хэлэх бүрт тарни уншихтай адил аврал ирж байдаг юм.

Ослоос юмуу, өндөр дээрээс ойчоод зүгээр үлдэх юмуу жаахан шалбараад үлдсэн хүнийг их азтайд тооцдог. Тэгвэл тэр хүн маань “ээжээ” гэж хэлсэн буюу ээжийгээ дуудсан байдаг. Ижийдээ залбирал илгээсэн ч гэж үзэж болно. Ээж гэдэг үгийн цаана эх хүний агуу их хайр энэрэл, бодол ухаан, үрээ гэсэн бүх сайн сайхны энергийн бөөгнөрөл байгаа учир энэ авралынх нь тарни болж байгаа юм.

Гэтэл юухан хийхэнд бүдэрч ойчоод хөл гараа хугалчихсан, гэмтээчихсэн хүн байдаг. Учир нь тэр хүн маань “ёо ёо” гэх юм уу хараалын утга учир бүхий муу энерги агуулсан үг хэлсэн байдаг учир муу энергийг өөрөө өөртөө дуудаж түүндэа хорлогддог гэж үздэг. Нөгөөтэйгүүр хүн ямар нэгэн юманд уурлаж, ундууцахайраа дандаа “тэр муу, энэ муу” гэж ирээд ярьдаг. Олон удаа “муу, муу” гээд муулуулаад байгаа тэр хүнд ч тэр “муу” нь асар хүчтэй болж тусдаг. Тэгэхээр үг гэдэг бол санааны зоргоор урсгаад байх хий хоосон авиа биш. Бидний амьдрал, хувь тавиланг ч өөрчилж чадах хүчтэй энерги байдаг юм.

Согтуу, доголон хүн явж байвал битгий шоолж бай гэж сургаж байсны утга нь чи хэн нэгнийг муулах үг амнаасаа гаргах тусам яг тийм үгээ өөртөө эргүүлээд татаж буй хэрэг. Бас дээр нь “яах уу?”, “хэцүү юмаа” гэх зэрэг үгсийг огт хэлэхгүй байх учиртай юм. Энэ үгээр маш их сөрөг энерги дуудагдан ирж, бодож сэтгэсэн бүхэнд чинь хаалт босгож байдаг.

-Төрийн ордны энергийг иргэдийн буруу үйлдэл эвдээд байна гэж ойлгох нь ээ? Тэгвэл тэр муу энергиэс нь салгаж болох юм уу?

- Бололгүй яах вэ. Юун түрүүнд төрийн ордноо нар зөв тойрч эхэл л дээ. Дараа нь “Төрийн минь сүлд өршөө” гэж залбирдаг шиг төрөө хүндлэх сэтгэлийг дахин сэргээмээр санагддаг. Монголчуудаас дэлхий нийт суралцаж байсан болохоос монголчууд гадны улс орноос суралцаж байсан түүх үгүй. Бидний өвөг дээдэс, зан заншил, ёс суртахуунаараа дэлхийд гайхагдаж байсан улс орон. Миний бодлоор бид өвөг дээдсийнхээ энэ их сургаалийг юуны түрүүнд төр удирдах бодлогодоо нийцүүлэн тусгаж чадах юм бол хөгжин дээшилж чадна.

Н.Гантуяа
Эх сурвалж: “Соёмбо”

Хувь заяаныхаа тэмдгийг хэрхэн таних вэ

2010-04-16T07:09:00.001-07:00

Бараг хүн бүр амьдралдаа нэг удаа ч болов санамсаргүй мөртлөө их, бага хэмжээний гэнэтийн өөрчлөлт дагуулсан зүйлтэй тулгардаг. Заримдаа шал дэмий гэж үл тоомсорлож байсан зүйлээс амьдралыг нь орвонгоор нь эргүүлэх сайхан үйл явдал ундрах юмуу гэнэт тулгарсан өчүүхэн саад, тотгороос болж зовлон бэрхшээлүүд ар араасаа “урсах” тохиолдол бишгүй. Хүний амьдрал, хувь заяаг гэнэт өөрчлөгч тэрхүү далдын хүчний нөлөөа мэдэрч, өөрийн болгон “чөдөрлөх” боломжтой болов уу?

Лапласын гутал

Францын нэрт математикч, одон орон судлаач Пьер-Симон Лаплас нэгэн удаа хачирхалтай зүйлийг өөрөөсөө анзаарч эхэлжээ. Өглөө босоход түүний гутал нь байсан байрнаасаа хөдөлсөн байх бүрийд тухайн өдөр гудамжны хулгайч халаасанд нь хүрэх юмуу ямар нэг таагүй зүйл заавал тохиолддог болохыг анзаарчээ. Анзааран, батлах бүртээ энэ нь санамсаргүй тохиолдол яавч биш гэдгийг тэрбээр ойлгох болж. Тэрбээр энэ тухайгаа ажлын хамтрагч нэгэн академичид ярьсан бөгөөд хамтдаа цуврал тандалт хийхээр
шийдвэрлэжээ. Гэтэл үнэхээр гутал байрнаасаа хөдлөөгүй өдөр ямар ч муу зүйл тохиолдсонгүй гэнэ. Тэд ямар нэг муу зүйлд өртөхийн тулд хүн ихтэй газраар дэмий сэлгүүцэн, бараг л халаасны хулгайчдыг тосч ажиллаж. Гэтэл гутал байрнаасаа хөдөлсөн өдөр хоёр ч удаа таагүй хүмүүстэй тулгаран, асуудалд орооцолдсон байна.
Иймэрхүү түүх магадгүй танд ч танил санагдаж болох. Учир нь хүн төрөлхийн зөн совин мэдрэмжтэй амьтан. Тиймдээ ч өөртөө тохиолдох ямар нэг зүйлийг ерөнхийд нь мэдэрч байдаг буюу ямар нэг өөрт танил болсон тэмдэг, дохиогоор ямар нэг зүйл тохиолдох нь гарцаагүй гэж итгэдэг хүн цөөнгүй байдаг. Иймэрхүү
жишээнүүдээс танд сонирхуулья.

Алдартай далайн дээрэмчин Флинт гаансаа асаах гэж хоёр удаа оролдоод асахгүй бол далайд гарахаа шууд больдог байсан гэдэг. Харин Камберландын гүн, адмирал Уильям Август гудамжинд сүйх тэрэгтэйгээ явж байхдаа яндан хөөлөгч харах юмуу тааралдах л юм бол шууд гэрийн зүг эргэх дохио хөтөчдөө өгдөг байж. Ийм зүйлтэй тулгарсны дараа догшин шуурга гэнэт дэгддэг гэдэгт тэр бат итгэдэг байсан аж. Мөн Их Британийн өөр нэгэн адмирал, далайчин Бөнбоу улаан шаргал үстэй юмуу толбот мууртай тааралдвал далайн сүйрлийг зөгнөж байна гэдэгт итгэн, ажлаа зохицуулдаг байсан гэнэ.

-”Ямар нэг дохио, тэмдэг өгч байгаа мэт иймэрхүү зүйл үнэн хэрэгтээ байхгүй. Мэдээж хүн бүр өөрийнхөөрөө бүхнийг хүлээн авна. Тухайлбал, танд дохио болдог тэр зүйлтэйгээ тулгарлаа, харлаа гэсэн хэдий ч явах ёстой зүйлдээ явна. Явах зууртаа ямар нэг таагүй зүйлтэй тулгарна гэсэн бодолтой, өөртөө ийм зүйлийг уриалан дуудсан байдалтай байна, Үнэхээр та бүдэрч унах ч юмуу таагүй байдалд орно. Нэг, хоөр, гурван ч удаа та яг ийм нөхцөлд өөрөө мэдсээр байж орж болно. Гэвч үүнийг хувь заяатай эндүүрч болохгүй. Харин далдын дээд хүчин юмуу хамгаалагч сахиусан тэнгэр бидний оюун санаагаар дамжин илүү болгоомжтой байхыг анхааруулж буй явдал юм. Өчүүхэн төдий шинж тэмдгүүд нь ямар нэг өр, санамсаргүй явдлуудаас дахин дахин давтагддагаараа ялгардаг. Энэ нь яг л “ингэж хийх хэрэггүй гэдгийг сануулаад байхад” гэсэн аятай давтагддаг. Хэрвээ хүн тухайн нөхцөлийг үл ойшоон өмнө тохиолдсон таагүй зүйлтэйгээ дахин тулгарвал л үнэхээр санамсаргүй хэрэг биш байна гэж бодож эхэлдэг. Энэ үед л хүн ” би яагаад өмнө нь анзаарсангүй вэ?” амаа барьдаг.

Материалистүүд өчүүхэн тэмдгүүдийг ердөө л амьдралын туршлагын үр дагавар гэж үздэг. Харин зарим эрдэмтэн иймэрхүү зөн совин, шинжтэмдгүүд нь ойрын ирээдүйд болох үйл явдлыг зөгнөн, хүмүүсийг таагүй зүйлтэй тулгарахаас нь сэргийлдэг гэж үздэг. Гэхдээ аз жаргалтай, амжилттай амьдрахын тулд бид эдгээр эерэг тэмдгүүдийг ойлгон хулээн авч, аливаа зүйлд хянамгай хандаж чаддаг байх хэрэгтэй гэдэгт
мэргэжилтнүүд санал нэгддэг. Далдын хүчний дохиог хүн бүр төдийлөн анзаараад болзошгүй үйл явдалд бэлтгэлтэй байж чадахгүй л дээ. Заримдаа бүр илт тодорхой тэмдэг мэдрэгддэг нь үнэн. Тухайлбал, нэг их үнэтэй биш ч ямар нэг чухал зүйл санамсаргүй байдлаар гээгддэг. Алга болсон зүйл удалгүй олдож болно. Олдохгүй ч байж болох. Гэвч хүн тухайн үөд алга болсон зүйлд их, багаар санааширснаа олдсон тохиолдолд удалгүй мартан тайвширдаг. Гэтэл энэ нь тухайм хүнд анхааралтай байхыг шаардсан дохио байж болох юм. Бага гээлтийн дараа том гээлт хүлээж буйг тэр хүн төдийлөн анзааралгүй өнгөрч болно” гэж сэтгэл . зүйч, эмч Олөг Никитин тайлбарласан байна.

Мэргэжилтнүүд дохио тэмдгийн мөн чанарын тухайд хэдэн зууны турш тайлбар хийн, тодорхойлсоор ирсэн. Тэдгээрийг янз бүрээр ангилан, тодохойлох оролдлогуудыг ч олон хийсэн. Тэр ч атугай Францын судлаач Роберт Д’Обюиссон “Жижиг дохионуудын онол” нэртэй шинжлэх ухааны бүтээл хэвлүүлж байсан. Элдэв дохио, тэмдэглэгээг өдөр тутмын амьдралдаа хайн, хүлээх нь тийм таатай зүйл бус хэдий ч энэ нь шал дэмий худал зүйл гээд баталчих нэгэн хараахан алга. Тиймээс тэднийг бодит жишээн дээр ойлгохыг хичээн дараа нь янз бүрийн дүгнэлт хийсэн нь дээр болов уу.

Дохио, тэмдэг хэрхэн илэрдэг вэ?

Харамсалтай, гомдмоор дохионууд

Сэтгэл судлалын олон улсын хүрээлэнгийн захирал Дениз Ленн эл учир битүүлэг үйл явдлыг тайлах гэж эртнээс эрмэлзэж буй аж. Түүний ярьснаар, хэрэгтэй бус газраа санамсаргүй байдлаар бий болсон ямар ч зүйл дохио өгч буйн илрэл гэнэ. Тэрбээр эл үзлээ бататгах нэгэн жишээг дурдсан байна.

Австралийн Аделаида хотын нэгэн худалдаачин Бомбей хот руу явах ёстой байснаа жижигхэн
шалтгаануудын улмаас бяцхан хөлөг онгоцноосоо гурван удаа хоцорчээ. Эхний удаад сэрүүлэг нь дуугаралгүй түүнийг хоцроосон аж. Хоёр дахь удаа хайртай нохой нь хүнд өвчлөн, амьтны эмчийг хүлээсээр онгоцноосоо хоцорчээ. Гурав дахь удаа гадаад паспортоо эрээд олсонгүй. Гэтэл удалгүй эхний онгоц Малайзын дээрэмчдэд тонуулсан, хоёр дахь нь сураггүй алга болсон, гурав дахь нь гэнэтийн түймэрт автан зорчигчдын тал орчим нь хорвоог орхисон тухай таагүй мэдээллүүд сонсогдсон байна.

Зөвлөгөө. Гэнэтийн, бухимдал төрүүлэхүйц иймэрхүү саад бэрхшээлээс дүгнэлт хийхэд: Болзошгүй үйл явдлын давтамжийг цаг тухайд нь анхаарах. Ингэснээр өөрийгөө илүү аюулгүй байлгаж болно.

Үл таних хүмүүсийн яриа

Хаана ч хэзээ ч тантай зам нийлж эсвэл зөрөн өнгөрч буй үл таних хүмүүс заримдаа ер бусын байдлаар зөвхөн танд зориулсан илгээмжийг агуулж явдаг. Тухайлбал, автобусны буудал дээр танихгүй хүнтэй үг солих юмуу асуусан зүйлд нь хариулахад танд хэрэгтэй мэдээлэл ч ирж болно.

Жишээлбэл, П.Николай нас барсан эцэг, эхийнхээ байшинг худалдах зорилготой Москва-Псковын галт тэргэнд суужээ. Түүний купенд дэндүү ихийг яригч нэг эр байж гэнэ. Тэрбээр Николайг уруу татахын тулд төрөл бүрийн сэдвээр ярьж үзэж. Түүний олон үгнээс залхсан Николай сүүлдээ унтаж буй дүр эсгэн хэвтжээ. Гэтэл тэр нөгөө зорчигчид үргэлжлүүлэн элдвийг ярьж эхэлжээ. Гэтэл элдвийг эргэцүүлэн хэвтэж байсан Николайн чихэнд үл таних чалчигчийн “Газраа хайрла, газартаа тусал. Эргээд газар та бүхэнд заавал тусална” гэж давтах өгүүлбэр байн байн сонсдоод байж. Түүнээс гадна их яригчийн сангийн аж ахуйд ажиллан, амьдарч байсан тухай яриа нь Николайн тосгонд өнгөрүүлсэн хүүхэд насны дурсамжийг сэргээн нэг л сайхан мэдрэмж, хүслэн төрүүлжээ. Залуу энэ агшинд байшингаа зарахаа болин, нийслэлээс тосгокд шилжин ирж амьдрахаар хатуу шийдсэн байна. Тэрбээр эл шийдвэрээ хэрэгжүүлсэн бөгөөд ямар азаар тийм хүнтэй таарч, түүний яриаг сонссон юм бол доо гэж баярлаж явдаг гэсэн.

Зөвлөгөө. Танд хандсан, зам нийлсэн танихгүй хүнд анхаарал хандуулан ямар илгээмж агуулж явааг нь олж мэдэхийг хичээ. Танихгүй бүхнээс зугтах шаардлага байхгүй.

Баярт мэдрэмж

Хэрвээ Та ямар нэг зүйлийг хийхдээ өөртөө иттэлтэй, урам зоригтой, баяр жаргалтай байвал энэ нь зөв замаар явж байна гэсэн хувь заяаны тэмдэг гэнэ. Баяр мэдрэмж нь сайн, сайхан зүйл болохын чухал дохио аж. Хэрвээ танд нэг л таагүй мэдрэмж төрөөд байвал шийдвэрлэж буй асуудал тань буруу гэнэ.

Жишээ нь Д.Анна далайн аялалд гарахыг мөрөөддөг байж. Тэрбээр ийм аялалд явна гэсэн зорилго тавин хоёр жил гаруйн турш мөнгөө хуримтлуулсан байна. Гэхдээ яг аяллын тасалбар худалдан авах мөчид гэнэт түр азнамаар мэт сэтгэгдэл төрөөд байж. Өөрийгөө ч ойлгохооргүй ийм байдалд орсон бүсгүй дараагийн аяллын тасалбарыг худалдаж авснаар тайвширч, нэг л санаа амарсан байна. Гайхалтай нь бүсгүй төлөвлөснийхөө дараагийн багтай аялалд гарсан эхний өдрөө хөлгийн тавцан дээр санамсаргүй байдлаар нэгэн сайхан залуутай танилцаж, улмаар дурлан, түүнтэйгээ гэрлэн аз жаргалтай амьдарч буй аж.

Зөвлөгөө. Ямар нэг шийдвэр гаргахынхаа өмнө сэтгэл зүрхээ сайтар сонс. Хэрвээ та өөртөө итгэлгүй, яагаад ч юм нэг л сэтгэл дундуур, түгшүүртэй байгаа бол татгалзан хойшлуулах, бүр болих боломж бий шүү дээ.

Хэвлэлийн үг

Хэвлэгдсэн үгсээс дохио олж болно. Нүдэнд тань харагдаж, сэтгэлд тань эргэлдсээр байгаа үгсийн тухай эргэцүүлэн бод. Сонин, сэтгүүлээс уншсан юмуу зурагтаар харсан зүйлс дотор зөвхөн танд зориулагдсан илгээмж явж л байдаг. Заримдаа хүн гэнэт зурагтаа асаан эсвэл энд тэндээс сонины уранхай дээрээс амьдралаа бүрэн өөрчилж болох хэрэгцээт мэдээллийг олж авдаг шүү дээ. Энэ бол санамсаргүй хэрэг бус. Танд зориулан илгээсэн илгээмж, мэдрэмж яах аргагүй мөн. Эс тэгвээс тэр олон сувгаас санамсаргүй байдлаар асаасан нь зөвхөн танд хэрэгтэй байсан гэдэг нэг л жирийн бус. Зөвхөн танд зориулагдах тэдгээр үгс таны толгойд байнга эргэлдэх юмуу гэнэт санамсаргүйгээр оюун санаанд тань харван бууж болох юм.
Жишээ нь Р.Катерина өндөр цалинтай ажилд орохыг хүсдэг байж. Гэвч ийм алхам хийхээс эмээн хуучин ажилдаа явж, өдөр хоног өнгөрүүлсээр байв. Нэг удаа тэрбээр ажилдаа явж байтал замд нь байдаг том дэлгүүр нээлттэй байх төдийгүй “Нээлттэй” гэсэн бичгээ өлгөсөн байж. Өмнө нь энэ цагаар дэлгүүр байнга хаалттай байдаг аж. Үүнийг анзаарсан бүсгүйд “Нээлттэй” гэдэг үг зөвхөн түүнд л зориулагдсан мэт санагджээ. Энэ үгийг бүсгүй бодон явсаар тэр өдрөө даргадаа хандан цалингаа нэмүүлэх хүсэлт гарган нааштай хариу сонсчээ. Түүнээс гадна. дарга нь ийм хүсэлт урьд өдөр нь ч юмуу гаргасан бол хүлээж авахгүй байсан гэдгээ онцлон түүнд хэлсэн байна.

Ц.Мөнхжаргал

Г.Лхагваа: Энергийн хуулийг мэдвэл өөрийгөө төгс удирдан хөгжүүлж болно

2010-04-08T14:17:00.000-07:00

Техникийн шинжлэх ухааны доктор, профессор Г.Лхагваатай ярилцлаа. Түүний нээсэн "Дүүриймаагийн хууль" бидний үнэн хэмээн итгэж явсан амьдралын талаар цоо шинэ ойлголтыг өгөх болно. Магадгүй та эргэлзэн тээнэгэлзэж ч болох юм. Гэхдээ, маш сонирхолтой байх болно, ойртоод суугаарай.

-Таны гаргасан "Дүүриймаагийн онол"-ын талаар ярилцлагаа эхэлье. Энэ талаар та манай уншигчдад тайлбарлаач?
-Бид үндсэндээ хүнс судлалын чиглэлээр нэлээд зүйлийг хийж байна. Хүнс судална гэдэг бол хүнтэйгээ зайлшгүй холбогдож байдаг. Мөн анагаах ухаан, биологи зэрэг олон салбар шинжлэх ухааны нийлбэр дээр холбож энэ ажлыг хийх хэрэгтэй болж байна. Ингэж судалж байх явцдаа бид дэлхийн хүн төрөлхтөнд үйлчилж байгаа хоолзүйн онолууд нь буруу болохыг тогтоогоод байна. Хоолзүйн онол яагаад буруудав гэхээр хүний өөрийнх нь мөн чанарыг харгалзаж үзээгүйд байдаг. Хүн гэдэг чинь өөрөө том энергийн биет, биологийн маш нарийн автомат систем. Хүний онцлог асуудлуудыг маш бага судалсан. Тэгээд хүний зарцуулсан энергийг 100 хувь хоолоор нөхнө гэсэн онол гаргачихаад энэ хүрээндээ л зогсчихоод байна. Энэ бол хүн төрөлхтнийг доройтуулсан хамгийн адгийн онол. Үүнийг ганц бид нар хэлээд байгаа юм биш, дэлхийн олон эрдэмтэн санал нийлнэ. Энэ онол ямар нөхцөлд өөрчлөгдөж зөв онол болох вэ гэхээр хүний өөрийнх нь боломж, энергийн чадавхийг хичнээн хувьд нь ашиглаж чадах вэ, түүнээс үлдсэн хэсгийг нь хоолоор нөхнө гэвэл бодитой болох юм. Хүний зарцуулсан энергийг 100 хувь хоолоор нөхөх юм бол хүний энергийн болон биологийн чадавхийг 100 хувь дарангуйлж байна гэсэн үг. Хоол буюу гадны энергиэр хүний өөрийнх нь энергийг дарангуйлж байна гэсэн үг.

-Яг өөрийнхөө энергийг хөгжүүлээд амьдарч байсан хүмүүс ер нь байдаг уу?
-Эртний монголчууд маш зөв амьдарч байжээ. Өөрийнхөө энергийг хамгийн түрүүнд тавьж байсан байна. Энергиэ хөгжүүлж, цэвэр ариун байлгаж чаддаг байж. Эртний монголчуудын шинжлэх ухаанд оруулсан том хувь нэмэр юу гэхээр "Ухамсар бол амтанд уусч үгүй болдог юм байна" гэсэн том онолыг олж хөгжүүлсэн явдал юм. Амт гэдэг нь хоол. Ухамсраа л алдах юм бол араатан болно. Ухамсрыг авч үлдэхийн тулд хоолноос татгалз. Ингээд л түрүү үеийнхэн маань амттанаас татгалзсан байгаа юм. Өвлийн улирлын хоол гэхэд өглөө нэг, хоёр аяга унд ууж, өдөржин хоосон яваад орой ганцхан аяга махан хоол иддэг байж.

-Ингэж ухамсраа хадгалж үлдсэн хүмүүс юунд хүрсэн юм бэ?
-Ганц аяга хоолоо сонгино сармисаар ч амтлахгүй, хоолны шунал тачаалаа дарж чадсан. Үүнийхээ хүчинд өчүүхэн бага хоолоор нөхцөлдсөн айхтар тэсвэр тэвчээрийг эсийнхээ түвшинд бий болгож чаджээ. Нэг хоёр хоног юу ч идэхгүй, унтахгүй явж чаддаг. Тэр үеийн бөхчүүдийн домгийг та нар мэдэж байгаа. Өөрийнхөө биологийн цэвэр энергийг ашиглаж байх юм бол хүн эрүүл, хүчтэй, тамир тэнхээтэй, тэсвэр тэвчээртэй байдгийг үзүүлсэн цорын ганц ард түмэн бол монголчууд юм. Гэтэл одоогийн бөхчүүдийг хар. Наадмын бэлтгэлд гарч байна гээд бараг сууриар нь хонь хаших нь холгүй байна. Ингэж идэж ууж байгаа улсад хүч тамир байхгүй. Тэсвэр тэвчээр ч байхгүй. Жаахан ноцолдоод л амьсгаадаад сүйд болж байх. Энэ бол 100 чавганц уралдахад нэг нь түрүүлдэг л зарчим шүү дээ. Би олимпын эрх авсан шигшээ багийн тамирчидтай уулзахдаа "Та нар амжилт гаргах боломжгүй ээ. Та нар медаль авчирч чадахгүй. Яагаад гэхээр та нарын шинжлэх ухаан чинь буруу байна. Тэсвэр тэвчээр чинь европынхонд хүрэхгүй байна. Хүч тамир чинь болоогүй байна. Муу юм зөгнөж байгаа юм биш, та нарын бүх юм чинь буруу учраас амжилтад хүрэхгүй" гэж хэлсэн. Дасгалжуулагч нар нь ч байсан. Бидний гаргасан хоолзүйн онол бол монголчуудын олон зууны амьдралын туршлагаар нотлогдсон, лаборатори сайтай учраас зөв юм. Гайхамшигтай эрүүл, тэсвэр тэвчээр, хүч чадалтай байх онол.

-Тэгээд яах вэ?
-Үүний цаана ямар асуудал байх вэ гэхээр хүн энергийнхээ түвшнээр л хооллох ёстой. Ийм шинэ онолыг бид дэвшүүлж байгаа юм. Энергийнхээ дотоод хуримтлал, зарцуулалтын түвшнээр хооллоно. Түүнээс биш би амтай гээд олдсон бүхнээ ходоод уруугаа чихээд байж болохгүй. Энэ онолоор бол зарим хүнд огт хоол ундны хэрэгцээ байхгүй юм. Ерөөсөө энергийн онол, түүнийг биологийн систем дээр хэрхэн хэрэглэхийг олсон гэж хэлж болно.

Бид нэлээд судалгаа хийж, бас их зүйлийг олж байгаа. Хүний онол гэхэд л одоогийнхоос нэлээд өөр байхаар ойлгогдож байгаа. Өнөөгийн онолоор хүн гэдэг тодорхойлолт нь эр, эм бэлгийн эс нийлэхийг хэлнэ гэсэн хүүхэд ч хэлчихэж мэдэх зүйл байгаа. Хүний тухай, өвчний тухай, тэр бүү хэл хоолны тухай шинжлэх ухааны энэ тодорхойлолтууд нь дэндүү үхээнц дорой, гаднаас нь хараад тоочсон төдий зүйл юм. Гэтэл дорно дахины уламжлалт шинжлэх ухаанд эр, эм бэлгийн эс, дээр нь таван махбодь, сүнс нийлж байж хүн болно гэж их айхтар томьёолсон байна.

-Сүнс үү?
-Сүнс гэдэг нь хүний цөм энергийг л хэлж байгаа юм. Сүнснээс айж эмээгээд байх асуудал байхгүй. ОХУ-ын Хромов гэдэг эрдэмтэн 13 сүнсийг барьж аваад шилшүүлж суулгасан байдаг. Америкт сүнсний хэлбэр, хэмжээ, өнгийг нь тодорхойлсон байгаа. Хөгжсөн орнуудад сүнс судлалын институт ажилладаг. Тэд гагцхүү сүнснийхээ мөн чанарыг ойлгоогүйд л хэргийн учир байгаа юм. Түүнээс гадна бид хүн гэдэг автомат системийг өөрийг нь ажиллуулаад ямар ч эм тариа, зүү төөнүүр, бариа засал гээд илүү дутуу юмгүйгээр өөрийгөө бүрэн эрүүлжүүлэх боломжтой юм байна гэдгийг олсон. Олон ч хүн үүний үр дүнг амссан. Хүний биеэс асар өндөр температур гаргаж авах үзэгдлийг бид нээж олсон. Ингэснээр хичнээн жилээр эмчилдэг халдварт өвчнийг хэдхэн хоногт эмчилчихнэ гэсэн үг. Өөрөө өөрийгөө илааршуулна гэсэн үг. Энэ бүх шинжлэх ухааны шинэ мэдлэгийг арав гаруй жилийн өмнө бурхан болсон ханийнхаа нэрээр нэрлэж, тэр хүний л төлөө чадан ядан судалж, хайж яваа ухаантайшуу юм.

-Тэгэхээр хүн хоол идэх шаардлагагүй гэсэн үг үү?
-Хүмүүнд хоол идэх шаардлага угтаа бол байхгүй юм. Үүнийг анагаахын шинжлэх ухааны гранд доктор, профессор Амбага багш тайлсан байгаа. Энгийнээр тайлбарлахад, хоолноос уураг, өөх тос, нүүрс ус гэсэн үндсэн гурван шимт бодисыг олж авч, тэдгээрийг задлах, ангижруулах, исэлдүүлэх зэрэг үй түмэн үйл ажиллагаа бидний амны хөндийгээс эхлээд хэвлийн хөндийд явагдаж байдаг. Эдгээрийг эцсийн бүтээгдэхүүн болтол нь задлаад, түүнээсээ хүний бие дэх 70-100 триллион эсэд шаардагдах бодисыг нийлэгжүүлж байдаг. Дээрх гурван тэжээлийн бодисыг эцсийн бүтээгдэхүүн болтол нь задлаад, энэ химийн энергийг биологийн энерги болгох процесс явагдаж байгаа юм. Энэ бол учир тоймгүй их зардалтай, их үрэлгэн, маш удаан, бас махбодийг учиргүй их туйлдуулдаг процесс юм. Уг нь хэдхэн электрон, протоныг сугалж авахын тулд л ийм нүсэр ажиллагааг зохиож олсон хэрэг юм байна. Тэр электрон, протоныг заавал хоолноос бус нарнаас, салхинаас, чулуунаас, ер дуртай л юмнаасаа сугалаад авчих бололцоотой. Сэтгэл санаа нь махбодийн генератор болохыг бид олоод байна. Энэ генератор энерги үйлдвэрлэнэ. Зөв сэтгэлээс эерэг энерги төдийгүй электрон, протоныг авч болно. Ийм маягаар хоол, ундгүй амьдардаг 60 орчим мянган хүн дэлхий дээр байдаг гэдэг. Тэр хүмүүс яагаад амьдраад байна гэхээр экектрон, протон гэдэг зүйлийг сэтгэлээсээ, бусад зүйлээс сугалж чаддаг авч биологийн хэрэгцээгээ хангаж чаддаг хэрэг. Нэг чулуу олж аваад "Миний төрсөн газрын чулуу байгаа юм. Энэ л надад энерги өгдөг юм" гээд бодчих юм бол гүйцээ. Бодол санаа махбодийн генератор болох тухай онол нь маш ач холбогдолтой нээлт юм. Бодол санаа бол хоол ундыг ч орлоно. Тэр генератор ажиллаж байхад бидний энерги дундрахгүй. Бодол санаа байгаа газарт эерэг, сөрөг, саармаг энерги байнга үйлдвэрлэгдэж байдаг. Сайн бодлоор сайн энерги, муу бодлоор муу энерги үйлдвэрлэнэ. Эцсийн дүнд энэ генераторыг хэрхэн ажиллуулснаас бүх зүйл хамаарна. Зөвхөн идэх уух бус бүр хувь заяа маань хамаарна.

-Хүн бүр шууд л идэж уухаа зогсоогоод, өөрийнхөө бодол санаагаар удирдаад явж чадахгүй шүү дээ?
-Хүсвэл чадна. Дээрх хууль үйлчилнэ.

-Чадахгүй байх аа?
-Чадалгүй яах вэ. Гэхдээ одоог хүртэл мөрдөж байгаа онолоор бол чадахгүй. Тэр боломжгүй зүйл. Харин шинэ онол бий болчихоод байхад яагаад чадахгүй байх билээ.

-Жишээ нь, би хоол унд идэхгүй явъя гэж бодъё. Тэгвэл өөрийнхөө дотоод энергийг яаж удирдах вэ?
-Одоо бид бүхэл бүтэл өөрийгөө удирдах системийг олоод байна. Нэгдүгээрт, бодол санаа чинь генератор юм бол та генератороо зөв ажиллуулж гэмээнэ хувь заяагаа ч удирдаж чадна. Таны ажил ч бүтэмжтэй, амьдрал ч сайхан, бүх зүйл чинь дардан замаар явна. Та бодол санаагаа хямраагаад, буруу ажиллуулаад л байх юм бол өөдтэй юм ерөөсөө болохгүй. Хамгийн эхний ээлжинд өвчин зовлон, гэмтэл согог гээд уруудаж доройтох юм чинь эхэлнэ. Таныг генератор буруу ажиллаж байгаа юм чинь аргагүй. Таны бодол санаа энерги үйлдвэрлэж буй генератор. Энэ энергийг хэн нэгэн гаднаас өгч байгаа юм биш, та өөрөө үйлдвэрлэж байгаа юм. Гаднаас нөлөөлж байгаа зүйл нь энэ бүх мэдээлэл. Өөрийгөө удирдахын тулд нэгдүгээрт бодол санаагаа удирдах хэрэгтэй. Хоёдугаарт энэ бүх сөрөг мэдээлэл таныг бузарлаж байдгийг мэдэж авах хэрэгтэй гэсэн үг.

-Гаднаас авч байгаа мэдээлэл үү?
-Гаднаас авч байгаа мэдээлэл. Үүнд уншсан, сонссон дуулсан, үзсэн харсан, мэдсэн, сурсан, идсэн уусан, өмссөн зүүсэн бүх мэдээлэл орно. Эдгээрээс та муу муухайг нь түүж уншаад, үзэж хараад байвал өөрийгөө л хорлож байгаа хэрэг. Үүнийг л хүн бүр мэдчихвэл бүх зүйл аятайхан болно. Одоо бид ямар аймаар мэдээлэл дунд сууж байна вэ. Хүмүүсийг ийм байдалд оруулж байгаа хүмүүс шиг дээдийн нүгэлтэн гэж байхгүй. Энэ нүглийн хариуг бид амсдаг юм шүү дээ.

-Яаж?
-Бидний тархины багтаамжийг хальс болгоод цувибал 9.5 сая км урт болно гэж эрдэмтэд тооцоолсон байдаг. Энэ урт хальсан дээр бид өдөр тутам асар их мэдээлэл бичиж байдаг. Энэ бүх мэдээлэл хэзээ ч устаж алга болдоггүй.

-Монголчууд сайн санааны үзүүрт шар тос гэдэг. Зөв явбал зөөлөн замбуулин гэж дуулдаг. Энэ философи юм биш үү?
-Яг тэр чинь байхгүй юу.

-Хүн дандаа сайн сайхан юм бодоод явбал сайн энерги үйдвэрлэж байна гэж ойлгож болох уу?
-Нэгдүгээрт, сайн энерги үйлдвэрлэж байна. Хоёрдугаарт та бичлэгээ маш сайн хийж байна гэсэн үг. 9.5 сая км урт бичлэг энергийн түвшинд хийгдсэн учраас баларч сохордоггүйд хамаг учир, үүний дотор аз заяа, эсвэл гай гамшиг агуулагдаж байдаг. Энерги устаж үгүй болохгүй гэсэн термодинамикийн нэгдүгээр хуулийн хоёрдугаар заалт үйлчилдэг учраас мөнх хадгалагдаж үлдэнэ гэсэн үг. Мөнх шүү! Сая, тэрбум жил хадгалагдана гэж боддоо. Хүн төрөлхтөнд нүүрлэсэн өнөөдрийн аюул бол энергийн хуулийг умартсантай холбоотой юм. Энергийн хуультай холбогдоогүй учраас хүний, нийгмийн, эдийн засгийн өнөөгийн бүх хууль, онол буруу юм. Тиймээс дэлхий өнөөдөр аргаа барж байна. Ардчилал гэж хошуурцгаалаа нэг л болдоггүй, коммунизм энэ тэр гэж явлаа бас л болсонгүй. Болохгүйг нь мэдээд байгаа хэрнээ болдог юм ерөөсөө олдохгүй өнөөг хүрч байна. Улам л доройтоод байдаг. Энергийн хуулийг мэдээгүй учраас цаашаа улам л доройтно. Монголчуудын энергийн томьёоллыг өөрөө сая зөв хэлчихлээ. "Сайн санааны үзүүрт тос, Санаа сайн бол заяа сайн. Сайн явах санааных, сайхан төрөх заяаных". Энэ бол бодол санаа эерэг байна, сайн мэдээллээр хангагдаж байгааг хэлж байна. Ганц бодол санаа бус бие, хэл, сэтгэлийн бүх үйл нь энергийн хуулийн хэрэгжилтийг тодорхойлно. Дээрхийн эсрэг дандаа муу юм бодоод, дандаа муу мэдээлэл аваад, ховлоод, хутгаж үймүүлээд, элдвийн юм зохиож гүтгэж доромжлоод байвал тухайн үедээ өөртөө болж л байна. Харин энэ бүхэн таны тархины бичлэгт мөнх зоогдоно. Яагаад ч, хэзээ ч арилахгүй.

Энэ мэт сөрөг мэдээлэл, үйлдэл бүр нь тэр дороо таны биеийн 70-100 трилион эсийн удирдлагын программ болчихдог. Таны эд эс дандаа ийм хар буруу зүйлийн удирдлагатай болчихож байгаа хэрэг. Тэгээд таныг шууд замаар хорлож байна гэсэн үг. Мөнхөд хорлох зүйл бол тархины чинь бичлэг. Санаа муутай, муу зүйл ярьж, хийж байгаа хүний ажил үйлс хэзээ ч бүтэхгүй. Өнөөдөр гайгүй байж магадгүй ч үеийн үедээ өөдлөхгүй. Яагаад гэхээр өөрийгөө гутаах, зүйл дуусгах зүйлээ өөрөө хийгээд тархиндаа хадгалчихсан байгаа хэрэг шүү дээ. Энэ бол Энерги устаж үгүй болохгүй гэсэн термодинамикийн нэгдүгээр хуульд хамаардаг учраас хэзээ ч өөрчлөгдөхгүй, алга болохгүй. Үүнийг ойлгоогүй учраас хүн төрөлхтөн буруу замаар будаа тээсэн хэрэг юм.

-Сүнсийг хүний биеийн цөм энерги гэлээ. Энерги устаж алга болохгүй болохоор муу явдалтай хүмүүсийн сүнс дараа дараагийн үедээ ч нөлөөлж, муу явна гэж ойлгож болох уу?
-Дараагийн үе гэдэг нь үр удмаас гадна Та өөрийгөө үнэн зөв ойлгож мэдэж байх хэрэгтэй. Энэ хуулийг мэддэггүй учраас хүн төрөлхтөн буруу программчлагдсан байгаа юм. Термодинамикийн нэгдүгээр хуулиудыг ойлгоогүй, биологийн систем дээр яаж хэрэглэх учрыг нь мэдэлгүй, техникийн хууль гэж бодсоноос хүн төрөлхтөн буруудаж уруудаж байгаа юм. Энэ хуулийн заалт бидэн дээр бүрэн хэрэгжинэ. Одоо ч хэрэгжиж байгаа. Нас барсны дараа ч хэрэгжинэ.

-Нас барсны дараа ч гэсэн үү?
-Тийм ээ. Бид өнөөдөр нэг зүйлийг олоод байна л даа. Эцэг, эхээс өвлөж авч болох юмны хамгийн дээд хэмжээ нь 41 хувь болохыг ШУТИС-ийн профессор Х.Сүхбаатар гэр бүлийн математик загварыг тооцоод гаргасан. Тэгвэл үлдсэн 60-аад хувь нь юу байна вэ. Хүнийг 100 хувь гэвэл цаана үлдэх 60 хувь нь ухамсар юм уу энерги, сүнс гэдэг ойлголт юм. Энэ хувийг бид өнөөдөр ойролцоогоор хэлж чадах болсон нь маш том амжилт юм. Өнөөдрийг хүртэлх философи, анагаах ухаан, хүн судлал гээд нийгмийн бүхий л шинжлэх ухаан ген, эс хоёр буюу хүний 30-40-хөн хувийг бүрдүүлж байгаа зүйл дээр суурилж байна. Тэгэхээр хүнийг төлөөлж чадахгүй байна шүү дээ. Хүний 60-аас дээш хувийг нь алга болгосон болохоор өнөөдрийн онолууд ердөө араг ясны онол болчихсон хэрэг. Бидний 60-70 хувийг эзэлж байгаа ухамсар нь энерги юм бол устаж үгүй болохгүй нь ээ. Хүнийг устаж үгүй болохгүй гэдгийг би хэлж байгаа юм биш термодинамикийн нэгдүгээр хуулийн хоёрдугаар заалт хэлж байна. Хүн бүрийг нэрээр нь заагаад "Чи устаж үгүй болохгүй" гэсэн байна. Хүн төрөлхтөн үүнийг мэдчих юм бол дараагийн асуудал нь термодинамикийн хуулийн гуравдугаар заалт болно. Нас барахад таны 60-70 хувь нь мөнх үлдэж харин нэг хэлбэрээс нөгөөд шилжинэ гэж уг хуульд заасан байна. Ямар хэлбэрт шилжих вэ гэдгийг таны 9.5 сая км тархины соронзон бичлэг шийдвэрлэнэ. Үүнийг өнөөдрийн мөнгөтэй баян амьдрал шийдэхгүй, гуйлгачин ядуу байсан ч нөлөөлөхгүй, зөвхөн тархиндаа ямар бичлэг хийсэн нь шийдвэрлэнэ. Тэр бичлэг юуг хариуцдаг юм гэхээр бидний өнөөгийн долгионы түвшин ямар байхыг хариуцдаг. Бидний суугаа газар, замбуулин хорвоо бол оршихуйн ганц л хэлбэр. Үүнээс дээш маш олон сайн нарийн энергийн түвшин байна. Би хаана нь хүртэл өөрийгөө хөгжүүлж чадна, амьд ахуйдаа болон нас барсныхаа дараа тэр түвшиндээ татагдаж очно. Нүд аньсны дараа араас дэлхийн бүх номыг уншуулаад надад ямар ч нөлөө үзүүлэхгүй. Яагаад гэхээр миний тархины цахилгаан соронзон бичлэгийг хэн ч, юу ч өөрчилж чадахгүй. Ийм айхтар бичлэг хийснээ бид харамсалтай нь мэддэггүй. Биднийг энерги учраас мөнх, олон амьдарна гэдгийг дээрх хууль заагаад байна шүү дээ. Энергийн хуулийг мэдэхгүйгээс болж өнөө маргаашийн зүйлээр улайрч хөөцөлдөн мөнх амьдралаа анзаарахгүй байгаад бидний гай зовлонгийн шалтаг орших нь ээ. Сайн бичлэг хийж авах нь чухал. Өөрийгөө шинжлэх ухааны мэдлэгээр удирдах боломжийг алдаж болшгүй нь. Ингэсэн цагт хэлбэрийн шилжилтийг зөв хийж чадна.

-Нас барсны дараа лам нарын уншлага тус болохгүй гэлээ. Гэтэл ламын уншиж байгаа ном монголоор ч бай, түвдээр ч бай дандаа хүмүүнд сайн сайхныг ерөөж байдаг гэдэг. Бурхны энэ ном ер нь ямар тустай эд вэ?
-Энэ бол өөр асуудал. Нэгэнт хийгдсэн цахилгаан соронзон бичлэгийг юу ч өөрчлөхгүй. Түүнийг өөрчилж чадах ганцхан зүйл байдаг нь цахилгаан соронзон баллуур. Энэ нь дээд бясалгал гэсэн үг. Аялгууны бясалгал ч гэдэг. Дашрамд хэлэхэд Чингэс хааны гэрээслэлд "Аялгууны бясалгагч нараа хайрлаж яваарай" гэсэн нь бий. Бясалгалыг ойлгохгүйгээс болоод энэ үгийг одоо хэр нь ухаараагүй байгаа юм. Чингэс хааны хоёрдахь урилгаар түүнийг Орос оронд байхад нь Бумбын шашны их бясалгагч Чан Чун Бумба очсон ба эзэн хаантай зургаан сар хамт байж бясалгасан юм билээ. Бясалгал нь аялгууных байсныг гэрээслэл нь хэлж байна. Үүнийг бид Аялгууны буюу Арьяабалын бясалгал гэж нэрлэдэг. Энэ дээд бясалгалаар бясалгавал хувь заяаны тань зураг төөрөг бүхэлдээ юмуу, баллаж чадсан хэмжээгээр өөрчлөгдөнө.

Дээд бясалгал хийдэг хүн бол тэрхүү цахилгаан - соронзон баллуурыг гартаа атгаж байгаа хэрэг. Өөр ийм хүчтэй баллуур гэж орчлонд үгүй. Ламын уншиж айлдаж буй ном бол энергийн түвшинд хөгжсөн шинжлэх ухаанч мэдлэг юм. Буддын сургаалд уурлахыг элгэнд муу гэсэн байдаг. Уурлахаар элгэнд 3-4 чи гэдэг энергийн хэмжүүрээр хэмжсэн гэм согог сууна. Нэг чи нь 0.32 см. Ийм хэмжээний энергийн сөргүү долгион таны элгэнд суулаа гэсэн үг. Энэ бол элгийг аяндаа өвчлүүлнэ. Үүнийг эрүүлжүүлэх тарнийг үгийн долгионы хэлбэлзлийг нь тааруулан байж "Ум дагийний хум мамаа бизъяа сууха" гэж номлосон байдаг. Ийм учраас яах аргагүй энергийн түвшинд бий болсон тарни эмчилгээ гэж үзэж болно. Түвд хэл дээр байгаа шашны номыг тэр хэл дээр нь номлох ёстой юм билээ. Ингэхгүй бол үгийн долгион өөрчлөгдчихнө. Ойлгохын тулд л орчуулж болох байх.

-Дэлхийгээс гадна ухамсрын өөр өөр түвшин байдаг гэлээ. Тэгвэл далдыг хардаг, гоц авьяастнуудыг энергиэ хөгжүүлсэн хүмүүс гэж ойлгож болох уу?
-Ерөнхийдөө тэгэж ойлгож болно. Яг яаж хөгжүүлэхээ мэдэж хөгжүүлсэн нэг байхад өөрийнх нь авьяас маягаар илэрсэн нь бий байх. Йогийн их олон төрлийн бясалгал байдаг. Эдгээр дотроо олон түвшинтэй. Наахна түвшинд хүрэх, ид шидийг олох гэх мэт ихэвчлэн байхад өндөр түвшинд хүрэх, гэгээрэх бясалгал ч байна. Ямар бясалгал хийснээсээ хамаарч хүн ухамсрынхаа түвшинд төдийгүй физик биеийн түвшинд хөгжинө гэсэн үг. Дээд түвшний бясалгал хийсэн бол дээд түвшинд хүртлээ хөгжих боломжтой.

Гоц авьяастан гэж та асуулаа. Бөө бөөлнө гэж байна. Бас л шинжлэх ухааны үндэстэй зүйл. Ассур буюу Одот ертөнцийн наагуур түвшинд энергиэрээ харьцаж байна гэсэн үг. Энэ бол боломжтой зүйл. Бидний дээхнэ буй одот ертөнцийн захыг нь шагайхад л дөрөв дэх хэмжээст орчихно. Энэ бол хязгааргүй зүйл. Өнгөрсөн, одоо, ирээдүй гурван цаг нэг дор байдаг тэр их аварга хэмжээст орчихож байна гэсэн үг. Энэ үед хүний бүх авьяас чадвар ил гардаг. Тэнд бүх зүйл бодлоор бүтдэг. Бөө нар үүнийгээ цааш нь хөгжүүлэх юм бол хамаагүй өндөр түвшинд хүрэх боломжтой.

-Гэгээрнэ гэж ярьдаг. Гэгээрсэн хүмүүс өөрийгөө 10 хувь удирдаж, хүссэнээрээ байж чаддаг гэсэн үг үү?
-Гэгээрнэ гэдэг нь хүмүүний оюуны буюу гурав дахь мэлмий нээгдэнэ гэсэн үг. Хүмүүс Бурхны мэлмий гэдэг. "Бидний дотор бурхан байна" гэж гэгээрсэн хүмүүс бүгд хэлсэн байдаг. Энэ нь хүмүүнд өөрт нь агуу их хүч чадал, билиг авьяас байна гэдгийг хэлж байгаа хэрэг. Бурхан л гэвэл шашин гэж ойлгож болохгүй. Авьяасаа нээж бурхны түвшинд хүрсэн хүмүүс олон байна. Бурхан Багшийг аваад үзье. Хан хүү, улсыг удирдах ёстой хүн. Тэрбээр хаан суухаас гэгээрлийг эрхэмд үзэж гэгээрэхээр шуудран гараад явчихсан бодит хүн шүү дээ. Найр наадам, жаргал цэнгэлд умбаж байх ёстой тэр хүн бүр адармаатай хэцүү замыг сонгож, ядарч зүдэрч, өлсөж цангаж, доромжлуулж гутаалгаж, явсаар эцэст нь гэгээрээд "Хүн бүрийн дотор Бурхан байна" гэж айлдсан байдаг. Хүн бүхэн, бүр алуурчин ч гэсэн гэгээрч болно. Мял Богд гэж манайхан ярьдаг. Хараалын ном үзээд баахан амьтан алчихсан хойноо гэмээ ухаараад бясалгалын мөр хөөж гэгээрсэн нэгэн. Гэгээрэл гэдэг бол бодитой зүйл. Одоо хүн төрөлхтөнд мэдэгдэж байгаа Төгс гэгээрсэн их багш Чин Хай байна. Өмнөд Вьетнамд төрсөн, барууны хэд хэдэн оронд өндөр боловсрол эзэмшсэн. Гэв гэнэт л энэ миний зам биш, би гэгээрэх ёстой гээд бясалгаж, хамгийн дээд хэмжээнд гэгээрсэн тэр хүн өнөөдөр амьд сэрүүн байна. Тэгэхээр хүний хөгжил нь ухамсрын хөгжил, энергийн хөгжил болохоос махан биеийн хөгжил төдий өнөөгийн ойлголт огт биш юм байна.

-Гэгээрсэн хүмүүс энергиэ дээд хэмжээнд хүртэл хөгжүүлж чаджээ. Тэгвэл яагаад мөнх амьдрахгүй байна?
-Мөнхрөх гэдэг утгыг бид ойлгохгүй байна. Өнөөдөр бид төрөх, өвдөх, үхэхийн үнэнд гүйцэгдсэн хүмүүс. Бид гэгээрч чадаагүй учраас л "үнэн" гээд байгаа энэ зүйлтэй хүссэн хүсээгүй зууралдана. Үүнийг сансрын хүлээсэнд баригдах уягдах, хүлээслэгдэх гэдэг.

Бидний там гэж нэрлээд байгаа тэр зүйл бол энергийн долгионы 22 муухан түвшинг хэлнэ. Тамд унавал аймшигтай гэдэг. Аймшиг нь юундаа байна гэхээр орж үзчихээд гараад ирэх үзмэр төдий юм биш. Энерги устаж үгүй болохгүй гэсэн хууль хүчинтэй байх болохоор тэрхүү энергийн долгионы түвшинд очсон нэгэн хичнээн жилийг тэнд суугаа билээ. Энергийн хуулийг л ойлговол хүн шууд өөрчлөгдөнө. Бид мөнх гэдгийгээ умартаад байна.

-Би болохоор одоо амьдарч байгаа махбодь дээрээ л жишиж асуусан юм л даа?
-Энэ физик биеийн 30-40-хөн хувь дээр бодоод байхаар үүнээс цаашаа сэтгэж чадахаа больчихно. Хэрэв нас барсан ч 60-70 хувь минь үлдэнэ, түүний дараа хэлбэрийн өөрчлөлтийг шийднэ гэж хуулийн дагуу ойлговол бүх зүйлээ өнөөдрөөс зохицуулж болно. Тэр цагт өөрийгөө хөгжүүлээд нэгдүгээр түвшний дээр гарчих юм бол наашаа бууж иртэл мөдгүй шүү дээ. Хоёр дахь түвшинд гарвал магадгүй сая жил ч тэндээ байх болно. Гуравт гарчих юм бол сансрын хүлээснээс бүрмөсөн чөлөөлөгдөнө. Хэзээ ч наашаа бууж ирэхгүй. Мөнхийн амьдрал буюу ухамсрын амьдралаар амьдарна гэсэн үг. Энэ нөхцөлд төрөх, өвдөх, үхэх гэдэг зүйл худлаа болоод явчихна. Ийм маягаар бид бүгдийг нь өөрөө өөрчилж болох нь байна шүү дээ. Амархан байгаа биз.

-Та бид хоёрын ярилцлагыг уншсан хүмүүс өөрийнхөө чадах хэмжээгээр үүнийг мөрдөөд, бясалгаад явбал ямар үр дүнд хүрэх вэ. Ингэж болох уу?
-Бололгүй яахав. Хүрэх үр дүн ойлгомжтой. Сайн санааны үзүүрт тос гэдэг шиг хувь заяа чинь сайн байна. Бүх эерэг мэдээллийг л цуглуулж байвал энэ хуулийн сайн заалтаас гажихгүй.

-Та яг хэзээнээс эхлээд энэ чиглэлийг судалж, сонирхож эхэлсэн бэ?
-Нэг их удаагүй. 1996 оноос л эхэлсэн болов уу.

-Таны амьдрал яг энэ хэлээд байгаа хууль, онолоороо явж байгаа юу?
-Яг л энэ онолын дагуу явж байгаа.

-Жишээ нь, би таны хооллолтыг сонирхож байна л даа?
-Би нэг хэсэг идэх уухаа урьдынхтай нь харьцуулвал бараг үгүйтэй адил болгочихсон байснаа ШУТИС-д ирснээсээ хойш бас нэг нэрлэхэх аядаад жаахан нэмүү иддэг болсон. Гэхдээ хуучинтай адил тэгж иднэ гэж байхгүй. Одоо миний хувьд хоол байх, байхгүй нь ач холбогдол багатай.

-Ямар нэгэн асуудал гарахгүй юу?
-Гарахгүй, гарахгүй. Та нар туршаад үзээрэй. Гадуур явж байсан чинь нэг хүн "Лхагваа гуай, би таны номыг уншаад өлсөөд үхэх шахлаа" гэж байна. Тэгэхээр юмныхаа мөн чанарыг нь ойлгохгүй болохоор үр дүнд хүрэхгүй. Лхагваа гуай нэг юм хэлсэн байна, бүтэхгүй байхаа, яахав үзээд алдъя гэдэг программаар ажиллавал бүтэхгүй. Би бодол санаанаасаа энерги авах юм байна гээд хуучин программаа өөрчилчихвөл юу ч танд саад болохгүй. Тэгээд өөрийгөө завгүй хоёр хоног байлгаад хоолоо багасгачих. Хоногт 3-аас доошгүй хооллох учиртай, монгол хүн махгүй бол үхнэ, өлсвөл өвдөнө гэхчилэн хэрэггүй программаар эсийг удирдаж байхад сайн сайхныг үзэхгүй ээ. Дэлхий нийтээрээ хэнд ч хэрэггүй программыг тархиндаа суулгасан байдаг. Энэ бүх программ л цагаа болохоор хоолоо нэхээд, хоол идэхгүй л бол тамирдаад ядраагаад эхэлдэг. Амралт дөхөөд ирэхээр ядарсаар байгаад, ажлын хамгийн сүүлчийн өдөр сульдаж үхэх дөхсөн хүн ажлаа өгөөд очоод хэвтээд өгдөг. Ийм эмзэг муухай программтай. Надад ийм программ байхгүй учраас би хүмүүс амарчихсан өдөр ч ажиллаж сууна. Надад "амарна" гэсэн программ байхгүй учраас үүнээс болж ядрахгүй. Монголчууд бас "Цай холдлоо, толгой өвдөнө" гэсэн программтай. Цай уухгүй бол 10 минутын дараа хүчээр толгой өвдөнө. Бид толгойд байгаа бүх хуучин буруу программыг авч хаяж цоо шинэ программ суулгах хэрэгтэй.

-Танд ямар нэгэн өвчин бий юу. Энэ онолоор яваад өөрийнхөө өвчнөөс ангижирсан уу?
-Хүсвэл би өөрийгөө эмчилж чадна. Өөрөө өөрийгөө эмчилдэг онол гаргачихаад хэнээс юу гуйж суух вэ. Яаралтай мэс заслын өвчин л биш бол. Өөр нэг зүйл бий. Бид энергийг ашигтай ажилд хувиргах боломжийг олсон. Эсийг шинээр программчилахад ашиглаж бас болно. Өөрөө өөрийгөө эрүүлжүүлэх бүхэл бүтэн цогц систем бий болчихоод байна. Өөрийгөө өвчингүй байлгах гэсэн бодол надад байхгүй. Би өвчиндөө хайртай. Мөнх амьдрахаа мэдсээр байж энэ араг ястайгаа зууралдаад байх сонирхол алга. Би нүд аньсны дараах шилжилтийг хэрхэн хийхийг ойлгосон, хаана очих, яахаа мэдэх болохоор санаа зовох зүйл алга. Өөрөөр хэлбэл энергийн хуулиуд надад ач тус болж байна

Хүний Хөгжил

2010-04-08T13:30:00.000-07:00

Эсийг генийн төвшинд судалсан хэр нь хүний тухай олон зүйл оньсого мэт тайлагдаагүй хэвээр. Эсийг хэрхэн сэргээж, гэмтлийг арилгах вэ?

Эсийн насыг уртасгаж болох уу? Өмөн үү, ДОХ ерөөс вируст өвчний эсрэг яаж дархлал тогтоох вэ гэх мэт шинжлэх ухааны олон оньсогын хариуг Техникийн шинжлэх ухааны доктор Г.Лхагваа багш “Мөнхрөхүй ухаан” номондоо тайлсан байна. Тэрбээр махбодийн энерги зохицуулалтын хуулийн үндсэн дээр буюу өөрийн зохиосон Дүүриймаагийн хуулиар тайллыг тун энгийнээр тайлбарлажээ. Хүний чадавхийн дөрвөн гол үзүүлэлт болох ухамсар, энерги, мэдээлэл, нэн зохистой хооллолт бүхэлдээ хүний өөрийнх нь гарт байдаг. Махбодийн 30-хан хувь нь хүний араг ясыг бүрдүүлж, үлдсэн 70 нь тэрчигтээ энерги аж. Мөнхрөхүй ухаанд суралцъя гэвэл энергийг эрхэмлэх ёстой хэмээн тэрбээр ярьсан юм. Сүүлийн үед бид энергийн тухай хийгээд ач холбогдлыг нь мэддэг болсон хэдий ч амьдралд тэр бүр хэрэгжүүлж чаддаггүй. Бидний мэддэг бөгөөд үл анзаардаг зүйлийн тухай ШУТИС-ийн багш Г.Лхагваатай ярилцлаа.
-Та хүний онол гэсэн их сонирхолтой сэдэв хөндлөө. Хүн судлал, хүний онол өөр өөр ухагдахуун уу эсвэл нэг зүйлийг хэлээд байна уу?
- Хоёулаа л нэг зүйлийн хоёр тал юм. Монголчууд сүнс буюу энергиэ эрхэмлэх ухааныг олсон нь хувь хүний хөгжлийн нэн чухал ололт байсан гэж дүгнэж болох юм. “Сэтгэж байгаа учир амьдарч байна” гэсэн философийн алдарт хэллэг анх бий болсноос долоон жилийн дараа 1644 онд Францын философич Р.Декарт энэ үгийг дахин томъёолохдоо оюун ухаан, сэтгэхүй, үзэл бодлыг хэзээ ч танин мэдэж болшгүй зүйл хэмээн үзэж энэ ухагдахууныг сүм хийдийн мэдэлд үлдээсэн. Харин биеийг шинжлэх ухааны судлах зүйл гэж үзээд хүн судлалын шинжлэх ухааны эхлэх цэг болсон юм. Энэ үеэс хүн судлал төөрөлдөж, хүнийг араг ясны хэмжээнд л судалсан. Зүй нь “Сэтгэж байгаа учир амьдарч байна” гэдэг зөв зүйрлэлийг олсон хэрнээ сэтгэж байна гэдэг энергийн үйлдвэрлэл, хангамж гэдгийг орхидуулчихсан. Сэтгэхүй өөрөө эрчим хүчийг бий болгож байна. Өөрөөр хэлбэл, энергийн чадавхи л хүний гол шинж чанарыг бүрдүүлдэг. Жишээлбэл, авъяас билгийн гени одоо болтол тогтоогдоогүй байгаа. Хүн авъяас билгийг төрөх үедээ олж авдаг гэдэгтэй биологичид санал нийлж, судалгаагаа хандуулж байна. Гэтэл “Эцгийнхээ билэг оюуныг хүү нь удамшиж авдаггүй” гэсэн X зууны Рудакийн үзлийг XX зууны генетикийн эрдэмтэд одоо хэр нь няцааж чадаагүй. Тиймээс бие махбодийн хууль ёсоор энергийн төвшин төрөлхийн бөгөөд сүүлчийнх нь тухайн хүний шинж чанар, түүний дотор авъяас билгийг ч тодорхойлдог гэж үзэж болно. Чикаго хотын физикч, доктор Ричард Сидийнх шиг суут хүний генийг нь хувилан олшруулах бус харин биднийхээр бол энергийг нь дээшлүүлэх, сайжруулах замаар хүүхдийг эхийн хэвлийд байхаас нь сайн хүн, суут хүн болгох юм. Хүн мэдрэлийн хийгээд цусан хангамжийн систем, эрхтний цогц бүтэцтэй. Өөрөөр хэлбэл нүдэнд харагдаж, гарт баригдах бүхэн ижил заяасан, өөр хоорондоо мэдэгдэхүйц ялгарах гойд юмгүй, стандартын гэмээр биологийн биет бөгөөд үүнийг бид “бие махбодь” гэж нэрлэж заншсан. Нэгэнт ийм стандарт махбодитой бол хүн бүр өндөр нам, үс зүс, авъяас чадвараараа ижилхэн байх ёстойсон. Гэтэл тэгсэнгүй. Тэгвэл хүн өөр хоорондоо юугаараа ялгаатай юм бэ гэсэн асуулт гарч ирнэ. Тэгвэл генийн онцлог гэсэн нийтлэг хариулт хэлж болно. Харин тайлал болгож “Хүн өөр хоорондоо генийн удамшлаас гадна энергийн төвшингөөрөө ялгаатай” гэсэн хариулт олдож байна. Мэдрэл, цус, эрхтний системтэй адил хүнд “Био энергийн систем” гэсэн бие даасан бүхэл бүтэн бүтэц байдаг. Энэ нь үнэн хэрэгтээ хүнийг тодорхойлдог болохыг бид нээж олсон. Энергийн төвшин нь хүний чадавхийг тодорхойлоод зогсохгүй махбодийн үндсэн гол тэжээл бас эрүүл мэнд нь болдог. “Хүний энергийн систем”-ийг ор тас орхигдуулснаас өнөөгийн шинжлэх ухаан хүнийг зөвхөн “махбодь” буюу мэдрэл, цус, эрхтний системийн хүрээнд /физик бие/ хагас байдлаар төсөөлж байна. ШУТИС-ийн профессор Н.Сүхбаатар багш гэр бүлийн математик загварыг хоёр жилийн өмнө бодсон. Эндээс маш сонирхолтой үр дүн гарсан байдаг. Хүний эцэг, эхээс өвлөж авч болох генийн дээд хэмжээ нь 41 хүртэл хувь гэж. Энэ хүртэл хувийг л эцэг эхээсээ өвлөж авах юм. Энэ бол гайхамшигтай нээлт. Хүн гэдэг ойлголтын чухам хэдэн хувийг нь гени, эс эзлээд байна вэ гэдгийг математик тооцоогоор хэллээ гэсэн үг.
-Энергиэ дээд цэгт нь ажиллуулахыг хүн өөрөө залж зохицуулж болно гэж ойлгож болох уу?
-Оюун санааны төвлөрөл илүүтэй илэрч байсан хүмүүсийн тодорхой жишээ нь лам нар бөгөөд энэ чанараараа тэд маш бага хоолоор бие махбодийнхоо хэрэгцээг хангаад зогсохгүй урт насалж байжээ. Бясалгал ихтэй лам зөнөдөггүй гэдэг үг махбодь дахь эрчим хүчний хуримтлал, төвлөрөл илүү гэсний тодотгол байж болох юм. Орчин үеийн хүмүүсийн тухайд түрүү үеийнхэнтэй харьцуулбал оюуны төвлөрөл бага, сарнимал, энэ нь тухайн амьдралын орчинтой холбоотой ба энэ чанараараа яарах, сандрах, бачимдах, бухимдах, уцаарлах, гуних, хэт баярлах мэт сэтгэлийн таагүй хөдөлгөөний улмаас энергийн таагүй шилжилтэд байнга өртдөг. Бас биеийн хямралд илүү өртөмтхий гэж үзэж болох юм. Ийм учраас уламжлалт ухаанд хүн хэдийчинээ урт насалъя гэвээс уурлах, баярлах, айх зэрэг сэтгэлийн хөдөлгөөнөө захирахыг нэн түрүүнд сануулсан байдаг нь энергийн таагүй шилжилтээс зайлсхийх гэсэн санаа болох нь ойлгогдож байна. Оюуны дасгал төвлөрлийн хүчээр бие махбодийн энергийн төвшинг хязгааргүй дээшлүүлж болох бөгөөд энэ нь хүн өөрийгөө хөгжүүлэх буюу гэгээрч нирваанд хүрэх цорын ганц зам гэж дорно дахины шинжлэх ухаанд үзэж ирсэн. Ганц жишээ хэлэхэд, XIII зууны үед Монголд ирсэн италийн лам П.Карпини “Тэд /монголчууд/ айхавтар тэвчээртэй бөгөөд ганц хоёр хоног юу ч идэж уугаагүй хэрнээ өлсөж цангаж байгаа нь огт мэдэгдэхгүй, харин ч баян цатгалан хүмүүс шиг байж дуулж наргицгаах ажгуу” гэж тэмдэглэн тэр үеийн монголчуудын хоолны дэглэм, тэсвэр хатуужил, туулах чадварын талаар нэн үнэтэй мэдээлэл үлдээсэн байна. Тиймээс монголчууд хоолны хатуу дэгээрээ дамжуулан бие махбодийнхоо дотоод энергийг дайчлах ухааныг олсноороо өөрийнхөө туулах чадварыг наанадаж унасан мориноосоо давуу, хөтөлгөө морины хэмжээнд хүртэл хөгжүүлсэн гэж үзэж болох бөгөөд гайхамшигтай нь оюун санаагаар хооллох ухааныг хүн төрөлхтний түүхэнд байгаагүй хэмжээгээр амьдралдаа ягштал хэрэгжүүлсэн явдал юм. Бүх ард түмэн зуун зуунаар оюун санааны хоолтой байна гэдэг бол ер бусын гайхамшигтай үзэгдэл юм. Ингэснээр монголчууд өлбөрч доройтоогүйгээр барахгүй 60 нас хүртэл цэргийн алба хааж, 120-иос дээш насалсан хүнийг Чингис хааны зарлигаар “Төрийн эрхэм өтгөс” цол шагнан өргөмжилж байжээ. Ийнхүү маш бага, тэгэхдээ тусгай илчлэг буюу найрлагатай бус, ердийн хоолоор бие махбодийн хэрэгцээг хангаад зогсохгүй урт насалж байсан юм шүү дээ.
Махбодийн энергийг дээшлүүлэх нь хувь хүний хөгжлийн эрхэм дээд үзүүлэлт болж үнэлэгдэхэд хүрч байна. Хүн биеийнхээ энергийг хүссэн зоргоороо залж, удирдаж чаддагт хэргийн учир оршино. Харин ердийн үедээ хүний энерги эрчим хүчний долоон төвд төвлөрөх ба үүний дотор зулай дахь саран төв ба хүйсний гаднах ба доторх их, бага наран төвүүд нь эрчим хүчний долоон төвийн үйл ажиллагааг зохицуулдаг гэсэн дорно дахины онол нэн үнэмшилтэй. Тухайлбал, эрчим хүчний их, бага наран төвүүд нь доктор Ж.Шагжийн “Бүдүүн гэдэсний дулааны онол”-той утгын хувьд дүйнэ. Монголчууд биеийн энергиэ эрчим хүчний дээр дурдсан төвүүдэд төвлөрүүлэх замаар махбодийнхоо энергийн хангамжийг сайжруулж байсан учир маш бага хоолоор хэрэгцээгээ бүрэн хангах боломжтой. Ийм байдлаар дорно дахины анагаах ухаанд “Сэтгэлийн таван хөдөлгөөн нь таван цул эрхтэнд нөлөөлдөг гэх буюу хэт баярлах зүрхэнд, уурлах элгэнд, айх бөөрөнд муу” гэсэн нь энергийн шилжилтийн таагүй нөлөөг хэлж буй хэрэг бөгөөд харин ном, гүрэм, домын засал мэт нь хүнд сэтгэлийн ханамж, итгэл сүсэг бий болгож буй тул махбодийн энерги эерэг буюу ашигтай шилжилтийг нөхцөлдүүлж байдаг.
-Гаднаас авч буй сайн, муу мэдээллээс энергийн эерэг, сөрөг утга ихээхэн шалтгаалах нь ээ?
-Энергийн сөрөг мэдээлэл нь бие махбодид сөрөг буюу аливаа хямрал, таагүй үр дагаврыг үүсгэдэг бол энергийн эерэг мэдээлэл нь махбодийн амгалан, эрүүл байх нөхцөлийг бүрдүүлдэг байна. Тухайлбал, “Сэжгээр өвдөж, сүжгээр эдгэх” тухай ардын мэргэн номлол чухамхүү бие махбодийн энергийн дотоод төвлөрлийн сонгодог жишээ юм. Эерэг үү, сөрөг үү энерги нь нэмэх, хасах цэнэгийг бус махбодид ашигтай буюу ашиггүй энерги гэсэн утгаар ойлгох хэрэгтэй. Дүүриймаагийн IҮ хууль ёсоор хүний наслалт нь “бадган хүн-шарын хүн-хийн хүн” гэсэн дараалалтай байна. Энергийн зарцуулалт бадган хүнд бага, шарын хүнд дунд зэрэг, хийн хүнд их байдаг нь наслалтын чухал үзүүлэлт мөн боловч нөгөө талаас бадган хүн амирлангуй, сэтгэлийн хөдөлгөөн нь тогтвортой, бага учраас эерэг энергийн хуримтлал их, харин хийн хүн сэтгэлийн тэвчээр бага, хөдөлгөөн их учир махбодийн энергийн шилжилт их буюу сөрөг энергийн хуримтлал их байдгаас бадган хүнээс бага наслах магадлал их байдаг. “Монос” сургууль дээр хий, шар, бадганаа “Ток-ам” программаар оношлуулж болно. Таны төчнөөн хувь нь шар, хий, бадган гэдгийг тодорхойлно. Тус сургуулийнхан хүний шинжлэх ухаанд асар их зүйлийг нэмж оруулсан. Хий, шар, бадган, эсийн онолыг 10 гаруй жилийн өмнө гаргаж ирсэн. Ерөөсөө л гайхамшигтай онол. Хий, шар,бадган гэдэг нь хүн судлах дорнын асар том онол байж. Зөвхөн хүний ч биш хоол хүнс, цаг агаарын тухай онол. Ийм том гурван гүйцэт онолыг олоогүй байж шүү дээ.
“Энергийн ухамсартай удирдлага-зохицуулалт-үнэн зөв мэдээлэл” гэсэн бие махбодийг эрүүл байлгах хийгээд эрүүлжүүлэх шинэ таамаг бид дэвшүүлсэн. Энэхүү шинэ баримтлал эдүгээ амьдралд нэгэнт хэрэгжиж эхэлсэн гэж үзэж болох бөгөөд бидэнд хандсан 200 орчим хүн, 140 гаруй өвчтнийг нэн богино хугацаанд эмчилгээний шинэ аргаар эмчилсний дотор хорт хавдар ч багтсан байгаа. Дээрх өвчтний 65 хувь нь ужгирсан архаг хийгээд онош нь бүрэн тодроогүй байсан ба эмчилгээний үр дүн 95-аас дээш хувьтай байгаа нь бидний онол зөв болохыг харуулж байгаа юм.
Бидний тархины багтаамжийг хальс болгоод цувих юм бол 9.6 сая километр хальс болно гэж кибернетик, уураг тархи судлалын эрдэмтэн Анухин бичсэн байдаг. Бие хэл, сэтгэлээр үйлдсэн бүх үйл энд бичигддэг. Энэ тархины бичлэг цахилгаан соронзон төвшинд, цахилгаан соронзон хальсанд хийгдэж байгаа учраас энерги юм. Энерги устаж үгүй болохгүй гэсэн термодинамикийн I хуулийн II заалт бий. ОХУ-ын уураг, тархи судлалын хүрээлэнгийн захирал, профессор Медведев XҮIII зууны бөглүү тосгоны тариачны авч байсан мэдээлэл XX зууны бизнесмэний авч байсан мэдээллээс хэмжээний хувьд ижил байсныг тодорхойлжээ. Гагцхүү хэлбэр нь өөр гэдгийг маш зөв тодорхойлсон мөртлөө хэлбэр өөр болохоороо яадгийг нь шинжлэх ухаан харамсалтай нь тайлаагүй. Гэтэл мэдээллийн хэлбэр өөрчлөгдөөд сөрөг тал руугаа болохоор өвчин эмгэг, гэмтэл согог, азгүйдэл, бүтэлгүйтэл болдог. Та ертөнцийн бүх ламыг залаад ч, бүх номыг уншуулаад ч тус болохгүй. Тэгэхээр муу юмнаас холуур явах, үүнээс өөрийгөө чөлөөлж авч гарах, эсвэл бүх юмыг сайнаар бодох, сайнаар хүлээж авах хэрэгтэй болж байна. Энерги ерөөсөө хүрэхгүй газар байхгүй шүү дээ. Эндээс бид Америк руу энерги өгч болно. Америкаас энерги авч болно. Энэ чөлөөтэй асуудал. Мэдээллийн эерэг үү, сөрөг үү, саармаг утга л бидний хамаг сайн, муу хоёрыг томъёолж байна гэсэн үг. Монголчуудын энергийн хуулийн томъёолол юу байна вэ гэхээр сайн санааны үзүүрт тос, санаж явбал бүтнэ, сажилж явбал хүрнэ, сайхан төрөх заяаных, сайн явах санааных. Сайн явахын тулд Та бүх мэдээллээ саармагжуулж эерэг болгох хэрэгтэй.
1986 оны үед Германы Гумбольдтын их сургуулийн профессор, математикийн доктортой би найзалдаг байсан юм. Гэрт нь телевиз байхгүй. Одоо бодоход тэр хүн мэдээллээс ангид байх ухааныг олсон байж. Тэгэхээр сөрөг энергийн хуулийг монголчууд юу гэж томъёолсон бэ гэхээр “Санаа муут яван хатна”, “Муу санаа эзнээ отно” гэж. Та өөрийгөө хасах, нэмэх мэдээллээр цэнэглэж байгаагаа мэдэж байх нь зөв. Хамгийн чухал үзүүлэлт буюу өөрөөр хэлбэл хүний талыг нь мартаж гээчихсэн нь өнөөгийн шинжлэх ухааны төөрөгдөл төдийгүй хүн төрөлхтний хувь заяаны хэсэг хугацааны төөрөгдөл байж, энэ хугацаанд хүн өөрөө энэхүү “тахир дутуу” ойлголтынхоо хэмжээнд “тахир дутуу” амьдарч ирсэн байна. “Эцгийн эсээс яс, тархи, нугас, эхийнхээ цуснаас мах, цус, цул ба хөндий эрхтнүүд, өөрийн сэтгэлээс мэдрэхүйн эрхтнүүд бий болно” гэж дорно дахины шинжлэх ухаанд үзэж иржээ. Эндээс “Биеийг нь төрүүлэхээс санааг нь төрүүлэхгүй” гэсэн монгол шинжлэх ухааны мэргэн томъёолол бий болсон.
-IQ-тай ямар нэгэн талаар холбогдох уу?
-Оюун ухаан гэж тодорхойлох талаасаа болно. Оюун ухаан өөрөө ухамсар. Энэ ойлголт ихээхэн бүдэгхэн байгаа. Одоогийн шинжлэх ухаанд ойлгогдох хэлбэр нь бидний ойлгосноор махан биеийн генератор. Энэ бол их том нээлт. Генератор нэг үгээр бодол санаа юм. Тийм учраас бодол санаагаа зөв авч явахгүй бол өөрийгөө хорлох, хүнийг хорлох, орчлонг хорлох нэг их том генератор ажиллуулж байгаагаа мэдэхгүй болно. Бодол санаа ямар хүчтэйг Америкт баталсан байдаг. Танд халуун зүйл хатгуулна гэж ойлгуулаад хүйтэн төмөр атгуулахад гарт нь цэврүү үсэрчихсэн. Халуун төмөр барьсан гэж бодсон учраас тэр хүний бодол санаа буюу генератор сөрөг энергийг үйлдвэрлэж байгаа юм. Yйлдэл, бодол санаа хоёр зөрж байна гэсэн үг шүү дээ.
-Энергийг хөгжүүлэх хамгийн сайн арга нь юу байна?
-Хөгжүүлэх хамгийн сайн арга бол бясалгалын арга. Түүний хажуугаар арга барилыг нь эзэмших. Хүн өөрийгөө цэвэрлэх хэрэгтэй. Цагаан хоол идэх, нинжин сэтгэлтэй, хайр энэрэлтэй байх нь гол. Мөн хариу нэхээгүй тус хүргэж байж ухамсрыг хөгжүүлнэ.
-Ухамсрын дээд төлөвт хүрэхэд амаргүй биз?
-Бид одоогоор өөрсдийгөө энергиэр хөгжүүлж дөрөвдүгээр хэмжээст орж чадвал гайхамшгийн ухамсрын дээд хэлбэрт шилжиж болно. Одоогоор бид гуравдугаар хэмжээст буюу хамгийн хөгжил муутай дорой хэсэгт байна. Физикийн вакумын зөөгч буюу троссион орон нь тав дахь орон болно. Энэ троссион орны матери нь ухамсар юм гэсэн онолыг физикийнхэн зөвшөөрсөн. Бидний ухамсар анхдагч уу, матери анхдагч уу гэдэг ойлголт байхгүй болж болно. Троссион орны матери нь анхдагч. Матери, ухамсар хоёр нэг юм. Ингэхээр бидний философи нэлээд өөрчлөгдөх хэрэгтэй. Yүнийг дагаад нийгэм дэх бүх онол өөрчлөгдөх болж байна. Ингэхгүйгээр бид сайн сайханд хүрч чадахгүй.

Ж.МЯГМАРСYРЭН

Газар сэрж мэдэрч дошгирч дэлбэрдэг

2010-04-08T13:11:00.000-07:00

Монголчууд бид бол атлантчуудын хамгийн отгон нь гэдэг. Нууц сургаалд энэ отгон тєрхтний талаар юу гэж хэлдэг юм бол?
- Долоо бол эзотерикт тvлхvvр тоо гэдгийг та юу эс андахав. Тиймээс энэ тооны учрыг тайлж эзэмдэж чадсан цагт долоон тєрхтний тэр ч байтугай хувьслын нууцад нэвтэрч болдог учиртай.Спираль буюу ороомог нь хувьслын дvрслэл шvv дээ. Хувьслын хэддvгээр ороомогт ямар зарчмаар хєгжиж байгаа зэргийг долоогийн тvлхvvрийг мэдэж байгаа цагт бvрэн тайлж чадна.
Ямар ч тєрхтєн долоолж vvсдэг шvv дээ. Нэгдvгээр тєрхтєн vvсэхэд нэгдvгээр зарчим, долдугаар зарчимтайгаа хамт vvсч байх жишээтэй гэсэн уг. Яагаад гэвэл 7-р зарчим 1-р зарчимдаа тусдаг учраас тэр юм.

Атлантчуудын 7-р тєрхтєн монголчууд гэдэг маань юу гэсэн vг вэ? гэхээр АТМА хэмээх хvний хамгийн дээд эр зоригийн зарчим идэвхжсэн буюу дээд эр зоригоо энэ тєрхтєн хєгжvvлсэн гэсэн хэрэг юм. Єєр ямар ч тєрхтєн хєгжvvлж чадаагvй тийм дээд хэмжээнд монголчууд хєгжvvлсэн гэсэн vг. Чухам тийм учраас Жавахарлал Неругийн охиндоо бичсэн захидалд:- Монголчуудын эзэн Богд Чингисийн тухай маш их сэтгэлийн хєдлєлтэйгээр бишрэн дурдсан байдаг нь аричуудын нэгдvгээр зарчим хєгжсєн Энэтхэгчvvдэд 7-р зарчим мєн л идэвхжсэний шинж тэмдэг гэж хэлж болно.

Энэтхэгчvvдийн оюуны их єндєр соёлыг нvvдэлчин монголчууд бусдаас илvvгээр юутай ч зvйрлэмгvй мэдрэмтгий хvлээн авдаг нь vvний илрэл юм. Очир,Аръяа гэх зэрэг санскрит хэлний нэрийг монголчууд авсан байдаг нь ч монголчуудын Энэтхэгчvvдэд хэр ханддагийн гэрч юм. Vvний цаанатуяа байгаа учраас туяаны ижилслээр хоорондоо ийнхvv тvлхэлцэж таашааж ханддаг байна.

Монголчуудын бие хvний туяа нь 1-р туяа буюу хєх, энэ нь эр зоригийн туяа шvv дээ. Хаана, хэзээ ямар ард тумэн монголчууд шиг Евро Азийг 200 жил эзэгнэж байваа? Vvний цаана туяал vйлчилж, нєлєєлж байгаа хэрэг гэж хэлж болно.
-Газар дэлхийн амьсгал хvний амьсгалтай таарч байж гэмээнэ зохицон амьдардаг гэж эзотерикт заадаг гэлvv?
-Зуунжил, нэгжил, cap, єдєр тутам байгал дэлхий хvн лvгээ нэгэн адил амьсгалж байдаг,
Тухайлбал cap бvрийн тэргэл сартай єдрvvд нь дэлхийн амьсгал, авсны дараа тvр зогсолтын vе байдаг учиртай. Харин cap хуучирах vед 18-наас эхлээд амьсгалаа гаргаад 25- 30 хvртэл буюу cap битvvрэх vед тvр зогсолт хийнэ. Зуун жил дотор 25, 75 онд ийм vе тохиодог байна.

Амьсгалын дээд интервалд хvрэх тэр цагт амьдрал хайрлагч Нарнаас бид хамгийн их энерги хvртдэг vе юм. Харин амьсгал аваад тvгжих vед хvн тєрєлхтєн бурханлаг энергид хамгийн их нээлттэй болдог, амьсгал аваад гаргасны дараа хvний физик тархи идэвхждэг.

Жилийн 4,5,6 дугаар cap бол хаврын оргил, бас зуны эхэн cap шvv дээ. Энэ vед байгаль дэлхий амьсгалаа аваад нэг хэсэг барьж байгаа vе, нэг ёсондоо зуны улиралдаа бэлтгэж байдаг байна. 4-р сарын шинийн 15-наас эхлээд 6-р сарын шинийн арван таван хvртэлх vе гэсэн vг шvv дээ. Энэ vе бол гаргийн дээд интерваль тохиож буй амьсгалаа аваад тvгжиж буй vе юм. Энэ vед нарнаас хамгийн их оюунлаг дээд энергийг авч байдаг юм байна. Тэгвэл 10,11,12 дугаар cap буюу 10-р сард тохиодог жинлvvрийн ордоны шинийн 15-наас эхлээд нумын ордонд тохиодог зул сараас 10 єдрийн ємнє буюу 15-ныг хvртэл хугацаанд тархи их идэвхждэг байна. Энэ нь жилийн дээд интервалаар хvртсэн онгод энерги тархинд бодлын хэлбэр маягаар хэлбэржин бууж буй vе юм.
- Энэ vед хvний биед яаж нєлєєлєх вэ?
-Дєрєв, тав, зургадугаар сард оюунлаг дээд энерги идэвхжих vед хvний бие суларсан байдаг ч гэсэн оюунлаг энергид дээд зэргээр нээлттэй байна.
Амьсгалын дээд интервалын vедээ хvний бурхантай нэгдэх боломж нээлттэй байдаг байна. Гараг дэлхий дээд интервалд хvрсэн vед сэтгэл дээд зэргээр идэвхжиж маш их хэмжээний оюунлаг энергvvд /хайр, энэрэл, хvч чадал гэсэн гурвалаар тєсєєлєгдєх,/ маш их хэмжээний сєрєг энергийг угааж цэвэрлэх хvчин чадалтай болно. Харамсалтай нь vvнийг мэддэггvй учраас барууныхан шинийн 15-нд маш их осол болдог сэтгэцийн эмгэг ихэсдэг архичид донтож авгай хvvхдээ нvдэж зоддог гэж нотолсон нь сарны буруу бус ирж буй тэр энергийг хvн зєв голдрилоор нь урсгаж чадаагvйтэй холбоотой юм.
Cap бол vхмэл биет агаад харин тvvнийг бvтән гийгvvлж байгаа нар маань сарны тэр ухэл тээсэн энергийг бvрэн тэглэдэг чухам энэvедхvнтєрлєхтєн маш их хэмжээний оюунлаг энергийг шингээх чадалтай болдог. Чухамдаа тvvнийг ухамераараа зєв голдрилоор, туурвих урегалаар чиглvvлэх ёстой юм.
- Энэ vед байгаль дэнхийтэй яаж харьцах ёстой вэ?
-Тэрхvv дээд интервалийн тохиох vед байтал дэлхий зуны улиралд сэрж байна гэсэн хэрэг. Доод интервал тохиоход ургацаа хурааж байгал дэлхий vр жимсээ єгдєг.
Дэлхий, гараг маань амьтан шvv дээ. Дэлхийн амьсгалах хэмнэлийг 1900 жил гэж тогтоосон шvv дээ. Сарны тэргэлтэх, битvvрэхтэй цуг далай татарч тvрж биеийн шингэн нэмэгдэж хорогддог. Cap тэргэлтэн дэлхий амьсгалаа аваад тvгжих vед далайн тvрлэг болдог, саран битvурч амьсгалаа гаргаад тvгжих vед далайн таталт болж, биеийн шингэн ч багасдаг. Энэ гараг дэлхий бидэнд хамгийн сайн сайхан юмаа єгч тvгээж байхын тєлєє оршдог учраас ашигт малтмалыг сэндийлж хєндийлж авсаны дараа нєхєн сэргээхэд байгаль дэлхий тэрний тєлєє баярлаж баясаж байдаг байна. Тухайлбал намрын ургац хураалтын vеэр дэлхийн баяр баясгалан оргилдоо хvрч байдаг гэнэ. Яагаад гэвэл бид бvгдээрээ энэ гараг дэлхий хэмээх ээжийн бvтээгдэхvvн буюу vрс нь болохоор єєрийнхєє уураг шимийг єгч vр хvvхдээ хооллож байгаадаа дээд зэргээр цэнгэж баясдаг учиртай юм байна.

Чинэсэн хєхєє хєхvvлэхэд эх хуний цээж хєнгєрч тэнийж сайхан болдогтой нэгэн адил гэсэн vг. Хvvгээ хєхvvлж байгаа эх хvнд vргэлж хамгийн их хайр баяр тєрж байдаг шvv дээ. Байгалийг эх гэж хvн тєрлєхтєн нэрлэхийн учир энэ. Тєрvvлж ангир уургаа хєхvvлж хvн болгосон эхтэйгээ хvн яаж ачлал санаж харьцдагын адил байгалтай бид тэгж л хvндэтгэлтэй ачлал санаж харьцах учиртай юм. Байгаль дэлхийтэй зvй бусаар доромжлох адил харгис хэрцгий харьцвал мэдээж хариугаа заавал авдаг нь байгалийн хууль юм.
Гараг дэлхийн сvнс нь хамаг олон амьтанд дэвшин хєгжих бололцоо олгохын тєлєє орон гэр хайрлаж, хоол тэжээлээр хангахын тулд маш хатуу тєвшинд ортлоо єєрийгєє нягтруулж єтгєрvvлсэн сансарын аугаа их мєн чанар юм.

Ашигт малтмалыг ухаж авахад газрын субстанц сийрэгжин суларч баясаж байдаг байна. Харин ашигт малтмалыг ухах нэрээр амьд байгалийг амьдралгvй болгоод орхичихсоноос болж хаа нэгтээ цєлжєєд ирэхэд байгаль дэлхий маш их энэлж шаналдаг байна. Ингээд бодохоор газар дэлхийтэй ухаалаг, зvй зохистойгоор, аваа єгєєтэй харьцах нь ухаант хvний vйл байх нь.
- Хvний сэттэл санаа муудахад байгаль дэлхий хямарч бороо хур цагтаа буухаа больдог гэж бурхны шашны сургаалд бичсэн байдаг. Энэ vvднээс яривал?
- Дэлхий ертєнц дээр болж буй бvх зvйлийг мэдэрч байдаг сэрэн мэдрэх чадвартай давхарга гаргийн дотоодод бий. Газар есєн vе давхаргатай гэж шинжлэх ухаан нотолдог, эзотерикт тэр бvхэн єєр єєрийн нэртэй хэмээн заасан буй. Эзотерикийн vvднээс vзвэл газрын 6-р vе нь сэрэн мэдрэх давхарга юм. Єєрєєр хэлбэл энэ галт давхарга нь сэрж мэдэрч байдаг гэсэн vг.

Газар дээр оршин буй амьд амьтан болгоны сэтгэлийн хєдєлгєєн тэрхvv галт давхаргыг очиж тогшиж, нєлєєлж байдаг байна. Хvн тєрєлхтєн хэтэрхий их ёс бус уйлдэл хийгээд дэлхийн амьд болгонтой сєргєєр харьцан шаналгаж, хэрцгий догшин ёс суртахуунгvй болоод ирэнгvvт тэрхvv галт давхарга хямарч газрын гадаргуу дээр байгаа гапт уулсыг хєдєлгєдєг юм байна.
Хvмvvс бид ямархуу ёс суртахуунтай байна дэлхийн дотоод галын мєн чанар яг тийм байдаг байна. Хэрэв бид ёс суртахуунтай оюунлаг байх аваас галт давхарга номхон байдаг гэнэ. Хун бидний сэтгэл догширвоос галт давхарга мєн адил догширч цунами, газар хєдлєлт зэрэг болдог. Цунами бол далай доторх галт уулын догшролоос vvсдэг гэж хэлж болно. Хvн амьтны ёс суртахуунгvй байдлаас газар дэлхий дээр гамшиг зовлон vvдэж буйг хvн тєрлєхтєн ухаарах цаг нь эцэстээ тулаад байна шvv дээ.

-Хvн тєрєлхтєн байгаль дэлхийн хооронд vйл ажлын тєдийгvй бодол сэтгэхvйн гvн нарийн холбоо байдаг учрыг орчин цагийн монголчууд бид ухаарч ойлгоосой. Шашин суртлаар биднийг мунхруулах гэж байна гэж гvжирдэхээсээ ємнє хvн бид байгадиасаа ургаж тєрсєн, vр тєл vндэс язгуур нэгтэй гэдгээ ухаараасай.

" Ил vзэгдэхээс илт дээдсийн нэр тєрд итгэж инээмсэглэгч, vл vзэгдэхээс vйлийн vрийг vл vнэмшигч хvмvvн хоёр даанч мухаг" хэмээн билгийн чанад хязгаарт хvрсэн"Очироор огтлогч Доржзодба хэмээх хєлгєн сударт айлдсан нэн нандин vгээр ярилцлагаа тvр єндєрлєе. Хvн байгаль дэлхийн холбооны тухай гvнзгийрvvлэн дахин ярилцах болно.

Таныг мэргэн ухаан тань ивгээх болтугай.
Эзотерик судлаач Н.Сома

Орчин үеийн гэрлэлт

2010-04-05T10:12:00.000-07:00

Бодит ертөнцөд хүмүүс нэг нэгэндээ материалаг байдлаар туслах зорилготойгоор гэрлэж, амьдралаа нэгтгэдэг байсан бол энэхүү загвар нь өөрчлөгдөн оюунлаг хөгжилд туслах ариун зорилготой шинэ загвараар солигдож байна.
Эр эм хүмүүс бие биенээ биширч, бие биедээ татагдаж халуун дулаан байдлыг мэдрэх нь байгалиас заяасан зүйл билээ.
Та өөрийн харилцааг үр дүнтэй байлгахад хайр сэтгэлээс гадна, 1 нэгэндээ итгэх итгэл, бие биедээ (оюунлаг хөгжилд) зориулах амлалт, эрх чөлөөг эрхэмлэж нэг нь нөгөөгөө хүндлэх ач холбогдолыг ойлгосноор хамтын амьдрал илүү тогтвортой илүү хүчтэйг мэдрэх болно.
Оюунлаг хосууд хамтдаа байх нь тэдний өсөлт дэвшилтэнд тохиромжтой учраас л заяагдсан гэж ухаарах бөгөөд энэхүү хөгжилт нь энэ амьдралын эцсийн өдөр хүртэл буюу түүнээс ч цааш үргэлжилэх, эс бөгөөд 6 сар болоод ч дуусаж магадгүйг тэд мэддэг.

Иймээс насан туршдаа хайрлах тангарга тавьж, 1 нэгнээ өмчлөж байгаа мэт гэрлэхдээ хуулиар батлуулан үүрд хамтдаа байна гэж худлаа хэлж чадахгүйгээ тэд ойлгох болжээ.
Гэрлэлтийн анхдагч загвар нь цаашид бидэнд тохирохгүй болж байгаа ч гэрлэлтийн ёс заншил 1 шөнө алга болчихно гэсэн үг биш ээ. Гэрлэлт оршсоор байх болно, гэхдээ зөвхөн материалаг байдлыг сольж оюунлаг холбоог ухаарсан гэр бүл л цаашид амжилтанд хүрэх болно

(mashnuuts.blogoos)

Үгийн ид шид

2010-04-05T10:05:00.001-07:00

Үг бол маш хүчирхэг зэвсэг гэдгийг 20 дугаар зуунд нейролингвистик программчлал нотолсон байна. Үгийг зохих ёсоор зохион байгуулж, хэмнэлтэйгээр дуудахад хүний сэтгэхүйд хүчирхэг нөлөө үзүүлдэг гэдгийг эртнээс мэддэг байсан бөгөөд домын ухааны бүтэц тэр чигээрээ үгийн ид шид дээр суурилж байдаг. Орчин үеийн ШУ домын бүх нууцыг тайлжээ.Дорнын гүн ухаанд орчлон ертөнцийн бүх юмс нэр – хэлбэрээр / нама рупа / илэрдэг, орчлонгийн бичил хувилбар болох хүмүүнд нэр хэлбэрээр нөхцөлдөөгүй нэг ч бодлын долгион нэг ч читта вритти байдаггүй гэж үздэг. Аливаа хэлбэрийн дотоод агуулга цөм нь Нэр /нама/ болно. Хүмүүний ухаанд үүсэх бодлын долгион эхлээд үг хэлбэрээр илэрч дараа нь тодорхой хэлбэр дүрсийг олно. Сансрын түвшинд туурвигч Брахма буюу сансрын оюун санаа илрэхдээ эхлээд үгээр өөрийгөө илэрхийлээд дараа нь хэлбэржиж, орчлон ертөнцийг үүсгэдэг. Бүх үзэгдэл юмсын цаана, Мөнх үл илэрхийлэгдэх Логос Үг оршино, Үг буюу Дууны долгионы хүчээр орчлон ертөнц хэлбэржин буй болсон бөгөөд хэлбэр бүгдийн атомуудыг шүтэлцүүлэн барьж байдаг зүйл бол Дууны долгион буюу Үг билээ. Хүн төрөлхтний өнөөг хүртэлх түвшинд хамгийн ариун дагшин Үг нь Аум буюу Ом болно. Дууны долгион Аум-аас орчлон хэлбэржин буй болсон байна.

АУМ нь сансрын ментал – бодлын хүрээний Үг бөгөөд бодлын хүрээний чанад дах илүү өндөр дээд хүрээний ариун дээд үгийг одоохондоо мэдэх бололцоогүй юм. Ментал хүрээ нь гал махбодид харгалзана. Галыг багтаагаад бүх махбодь бүх хэлбэрүүдийг тэвэртээ багтаан орших зах хаяагүй огторгуй махбодийн үг бол Умаас дээдийн болоод чанад нууц болой. Бодлыг төгс эзэмдэн, галыг эрхшээж сурах хүртэл Ум оройн дээдийг төлөөлөх хамгийн ариун дээд Үг байх болно. Ум нь А, У,М хэмээх гурван авианаас бүтдэг нь түүнийг боломжтой бүх авиаг өөртөө хураан нэгтгэсэн универсал авиа болгожээ. Бүх авиа нь хэлний уг ба уруулын хоорондох орон зайд үүсдэг бөгөөд, А бол хоолойн, М бол цэвэр уруулын, У бол хэлний угаас уруулын хооронд үүсдэг авиа болохын хувьд гурвуулаа нийлээд, өөр нэг ч үг бүтээж үл чадах артикуляцийг үүсгэдэг байна. Хэлбэр дүрсээр үл хязгаарлагдах, үгээр томъёологдошгүй Оройн дээд нэгдмэл чанарыг төлөөлөх хамгийн ариун дээд үг нь Ум бөгөөд Оройн дээдийн задраагүй цул чанарыг / Акханда / хамгийн төгс илэрхийлэн байдаг бол, бусад дээд билгэдлүүд нь Оройн дээдийн янз бүрийн чанаруудыг төлөөлж байдаг байна.

Багшаас шавьд дамжуулан дотоод бурханлиг чанараа нээхийн тулд төвлөрч бясалгадаг Мантра нь сансрын түгээмэл хүчүүдтэй ажиллахад туслагч язгуур дуу авиан хүч мөн. Язгуур анхдагч үеүдээс бүтэх мантра өөрийн давтагдашгүй хэмнэлийн хүчээр сансрын түгээмэл хүрээнд ухамсрыг оруулдаг. Ман гэдэг нь сэтгэл буюу ухаан, тра нь зэмсэг нийлээд ухааны зэмсэг хэмээх утгыг илэрхийлнэ. Сензар Сансритыг бурхны хэл, цагаан толгойн үсгийг нь ч өөрөө бүтсэн хэмээхийн учир нь олон үндэстний хэлүүд үүсэхээс өмнө сансрын анхдагч язгуур архетип дуу авианаас цогцолсон нэг хэлээр хүн төрөлхтөн харилцаж байх үеийн бурханлиг язгуур хэлд хамгийн ойр хэл учраас тэр юм.

Үгийг агаарт хий замхардаг зүйл гэж ойлгогдож байсан ухвар мөчид үзэл хэл мэдрэлийн программчлал хэмээх хүчирхэг зэвсэг нээгдсэнээр сарнин алга боллоо. Үг нь энергийн асар хүчирхэг импульс тээж байхын сацуу мөн мэдээллийг агуулж байдаг хүчтэй зэвсэг.

Улаан буудайн үрийн ДНХ дэх хромосомыг радио идэвхит туяагаар шарж үхүүлээд, дараа нь эерэг мэдээлэл бүхий үгсийг хэлж эхлэхэд, үхсэн үрүүд амилсан байна. Хайрлан энхрийлсэн үгсийг үрэнд шингээхэд 10 000 дахин арвижин ургасан байна.

Үг нь энерги мэдээллээс цогцолсон байдаг. Тодорхой хүнээс гарч буй үг бол тухайн хүний аурын бүрэлдэхүүнийг өөртөө агуулсан акустик дууны долгион бөгөөд, тодорхой хүний аурын бүрэлдэхүүнийг тээсэн ийм долгион бүр нь солитон болно. Солитон гэдэг нь бусад хүчин зүйлүүдийг удаан хугацаанд хадгалж тэжээж байдаг ганц долгион юм. Ийм солитон үгийн хүч нь бодол сэдэл хүсэл хэдийчинээ төвлөрсөн байна түүний хэрээр их байдаг. Хэлний аглаг сахих тодорхой хугацаагаар дуугүй байх нь үгийн хүч чадал онч мэргэнийг тийнхүү нэмэгдүүлдэг дасгал ажээ. Зөвхөн хэлний аглагаар зогсохгүй бие ба сэтгэлийн аглаг адилхан бие сэтгэлийн чадал, аурын хүчийг ихэсгэж, бодгал чанарыг талсжуулах хамгийн өндөр үр дүнтэй дасгалын нэг.

Сибрийн бөглүү тайгад хэзээ төрснөө ч мартсан нэгэн өвөө орь ганцаар суудаг бөгөөд амьдралын чухал асуудлууддаа хариулт хайсан хүмүүс түүн дээр зорьж очдог ажээ. Өвгөний хэлсэн бүр биелдэг байна. Телевизийн сурвалжлагчид тэрээр “Би ямар ч домч шидтэн биш, хэлсэн болгон минь л биелдэг, яагаад гэдгийг би мэдэхгүй” гэж ярьж байх юм. Хэнтэй ч ярих шаардлагагүй буйд бөглүү суусаар хэлний аглаг өөрийн эрхгүй сахиж, үгийн шидийг эзэмдсэний амьд бодитой жишээ энэ юм.

Ганц долгионы хэлбэр болох үг тийм хүчтэй нөлөө үзүүлж байхад, хэмнэлтэй, шүлгийн ая дангаар зохион байгуулсан үг яриа ямар хүчирхэг нөлөөг хүний био оронд үзүүлдгийг төсөөлөхөд хэцүү биш. Цагаан дарь эхийн магтаалыг үнээгээ саахад уншихад, үнээнүүд нь нуурч уяран сонсдог байсан нэгэн эмээгийн тухай яриа зарим хүнд арай л хэтрүүлэгтэй санагдах байх. Гэвч хүнд битгий хэл амьд организм бүрд сайхан шүлэг маш таатай нөлөөлдөг гэдэг нь ШУ-ы баримт юм. Ялангуяа Пушкины шүлэг дээд чакруудыг сансрын энергиэр дүүргэдэг нь туршилтаар илэрчээ. Пушкины шүлгийг уншихаас өмнө хөхөлбөр ягаан дэвсгэр өнгөтэй байсан туршилтад оролцогчийн толгойн аура нь шүлгийг 10 минутын интервалтайгаар хэдэн удаа уншсаны дараа алтлаг туяа цацруулсан аура болж хувирчээ. Зөгнөл бошго, залбирлын шүлэглэсэн үгс хүний био оронд дээрхийн адил үйлчлэлийг бүр ч илүү хүчтэй үзүүлдэг юм байна. Тухайлбал залбирал уншихад хүний тархины цахилгаан гүйдлүүд намсан, бодисын солилцоо буурч, удаан нойрын дельта төлөвт ордог нь шашны сургуулийн сонсогчдын дунд хийсэн олон тооны туршилтаар тогтоогджээ. Дельта төлвийг идэвхжүүлэх түлхүүр нь үг юм байна. Ерөөсөө хүний сэтгэхүйг үгээр программчилж болдог нь хэл сэтгэхүйн программчлалын суурь үндэс болно. Өнөө үед домын бүх нууц нээгджээ. Үүнийг ШУ өнгөрсөн зууны дундуур л саяхан нээсэн боловч, үнэндээ үгийн энэхүү ид шидийг хүн төрөлхтөн эртнээс мэдсээр ирсэн байна.

Иймээс үгийг хүндэтгэлтэйгээр онч мэргэн хэрэглэхийг эрхэмлэж, хов, хараал, худал, хутган үймүүлэх, билгэ дэмбэрэлгүй үгсийг цээрлэж, хатуу хахир муу муухай үгсийг эзэндээ буцан ирж ниргэх болно хэмээн хатуу хорьдог байсан нь бүх ард түмний соёлд нийтлэг байдаг зүйл юм.

Орчлон ертөнц тэр чигээрээ амьтай түүний дотор агаар мандал ч амьдралаар дүүрэн Амьд организмаас цацрах үелзэл, импульс бүр агаар мандалд өөрийн нөлөөллийг үзүүлж байхад, энерги мэдээлэл тээсэн хүчирхэг солитон болох Үг агаарын орон зайн 6 талст бүтцийг эвдэх буюу сэргээн амилуулах, агаарыг хордуулах буюу амьдралын озоноор сэнгэнэтэл дүүргэж ариусгах асар их шидийг агуулж байдаг байна.

Энерги мэдээлэл тээсэн хүчирхэг солитон болох үг бусад бүх мэдээллийн адил оргүй алга болохгүй, Торсын оронд хадгалагдан, олонтоо хувилагдан үржинэ. Акашад хэлсэн үгс бүр бичигдэн үлдээд, харгис хэрцгий бусдыг шархдуулсан гэмтээсэн үгс хийсэн алга болохын оронд хэлсэн эзэндээ эрт оройгүй бумеранг мэт үсрэн ирдэг гэж дорно дахинд үздэг байсан нь мунхруулга бус харин байгалийн зүй тогтолд суурилсан болохыг ШУ-ы нээлт харуулж байна.

19-р зууны агуу их сэтгэгч Вивекананда “ Дэлхийн хүн төрөлхтөн нийтээрээ нэгэн зэрэг хамаг амьтан амар амгалан орштугай” хэмээн хэдэнтээ хэлэх юм бол дэлхий хормын зуур өөрчлөгдөж, гаслан зовлон үүрд арилна” гэж хэлж байсан юм.

Хорлож, харааж, устгаж, басхүү аварч эмчилж, амилуулж болдог үгийн ШУ-ы олон тооны туршилтаар батлагдсан хүчийг ашиглан, Гурван эрдэнэд итгэл одуулах залбирал дуудлагыг тодорхой цагуудад Монгол орон даяар дуудах аваас Монгол орны агаар мандал болоод сэтгэлгээний уур амьсгал ямар ихээр ариусан цэвэршиж, Бурханы адислалыг хэчнээн ихээр урин залахыг төсөөлөөд үзэгтүн.

Монголын эзотерик ухааны академи нь Монголын нийгэмд шинэ эрин цагийн түлхүүр зарчмууд болох Сайн санаа, Зөв харилцаа, Гэгээрсэн нийгмийг төлөвшүүлэх үйлст эзотерик мэдлэгийг олон нийтийн ухамсарт хүргэх зорилготой. Шинэ эрин цагийн түлхүүр нот нь эвсэг найрсаг оршихуй, хамтын ажиллагаа. Шинэ эриний энэ зарчимд суралцаж, баймааж бодгаль хүнээс эхлээд үндэстэн соёл иргэншил тэсэн үлдэх юм.
Шинэ цагт хуучин харанхуй дадал зуршил, өрсөлдөх дайсагналцах араншинтайгаа амьд үлдэж чадахгүй. Амьдралын шинэ техникт суралцаж боловсрохын тулд, эхлээд системтэй оюунлиг мэдлэг хэрэгтэй. Дараа нь мэдлэгээ амьдралд хэрэгжүүлж, юуны түрүүнд өөрийн сэтгэлгээ сэтгэхүйгээ энергетик системээ шинэчлэн зохион байгуулна.

Өөрийгөө танин мэдээгүй, шинэчлэн өөрчлөөгүй хүн нийгмийг ариусгаж цоо шинэ хөгжлийн шатанд гаргаж чадахгүй. Гэтэл одоо шинэчлэлийг чин үнэнээсээ эгээрэн хүсч буй хүмүүс нь хуучин ул болсон сэтгэлгээнээсээ салж чадахгүй, сайхан уриа лозунгаа амьдралд хэрэгжүүлэх цаг тулаад ирэхээр хуучинсгуудаас үл ялгарах хүчний арга, бохир буруу техникийг ашиглаж байна шүү дээ. Энэ бол ертөнцийг үзэх цоо шинэ мэдлэгийн систем, онолын баттай өргөн суурь бүхий үзэл баримтлал тэдэнд дутагдаж байгаагийнх.

/Шамбалын гэрэл сонин. 2008 оны № 2 дугаар/

Сэтгэхүйн энерги

2010-03-30T11:12:00.000-07:00

Өнөөдөр хvмvvс энергитэй байхыг их хvсдэг болж, тэр ч газар энергитэй, энергижнэ гэж зорьдог болсон, энергээ эргэлтэнд оруулсан ч орон нутаг, газар орон байх болжээ.Янз янзын энерги байна. Тэгэхээр хvмvvс ямар энергийн тухайгаа яриад байгаагаа бас ойлгох шаардлагатай. Хvмvvсийн яриад байгаа энэ байгалиас, хvмvvсээс авах гээд эрж хайгаад буй энерги нь сэтгэхvйн энерги юм. Сэтгэхvйн энерги гэж ярьж занших хэрэгтэй. Энэ тухай би тайлбарлах гэсэн юм.

Энэ сэтгэхvйн энерги бол доод организмуудад инстинкт хайрладаг, хvнд болохоор ухамсар хайрладаг, бvр дээд Лха тэнгэрvvдэд ч гэсэн байдаг зvйл. Vvнийг бvх амьд биет нэвтрvvлж, генерацлаж, шингээж, орчиндоо цацруулж оршдог. Энэ энергийг одоогоор техникийн хувьд сэтгэхvйн энерги гэдэг нэрэн дор багтаагаад байна. Энэ бол техникийн нэршил. Цаашид гvнзгий судлаад ирэхээр хvмvvст, оюун санаанд, амьтанд хамааралтай энэ энергийг задалж задруулаад нарийн төрөлжvvлээд ойлгоод ирэнгvvт илvv нарийсах учиртай. Ер нь бvдvvн тоймоор ийм гэж ойлгоход болно.

Ерөөсөө орчлон ертөнц маань тэр чигээрээ сэтгэдэг юм аа гэсэн нэг ойлголт дорнын гvн ухаанд байдаг. Тэр тусмаа эзотерик буюу далд ухаанд. Сэтгэхvйн энерги бол эндээс vvдэлтэй нэршил. Орчлон ертөнц том сэтгэдэг амьтан гэж дорнын гvн ухаанд, мөн дорнын космологийн онолд vздэг. Тэгэхлээр бидний генерацалдаг, орчноос шингээж авдаг мөн эргvvлээд цацруулдаг энэ энерги нь эфирэн матери, тvvний бодгальжсан хэлбэр эфир бvрхvvлээр дамжиж цацарч байгаа юм. Тэр эфир бvрхvvл дотор янз бvрийн оюун санааны, хvслийн, ментал гээд тоо томшгvй өдөөлгө нэвтэрч цацарч байдаг юм. Тиймээс сэтгэхvйн энерги эфир матери, эфир бvрхvvлтэй маш их холбоотой гэж ойлгож болно. Учир нь сэтгэхvйн энерги маань эфир бvрхvvлээр дамжин илэрдэг.

Сэтгэхvйн энергийн тухай ярихад зvрхний тухай ярих хэрэгтэй болно. Яагаад зvрхний тухай ярих хэрэг гарав гэхээр сэтгэхvйн энергийн төвлөрөл нь зvрхэнд оршдог. Зvрх гэдэг нандин чухал эрхтэнийг ил ба далд ертөнц дэх энергийн фокус болгон бvтээсэн юм.

Зvрхний тухай барууныхан одоо хvртэл сэтгэл зvйн шинжлэх ухаандаа дурдаагvй байдаг. Хамгийн гол сэтгэхvйн энерги цацарч, нэвтэрч, энэ энергийг төвлөрvvлж байдаг энэ эрхтэний тухай дурддаггvй сэтгэл зvйн шинжлэх ухааныг шинжлэх ухаан гэж ойлгоход тун бэрх болж таарч байна. Гэхдээ сvvлийн арваад жилийн дотор гарсан нээлтээр барууныхан зvрх сэтгэдэг юм байна аа гэдгийг ойлгодог болсон. Друнвало Мельхиседекийн нэг номыг Махаришийн бясалгалын тэргvvн Бат-Эрдэнэ надад өгч уншуулсан юм. Одоо монгол хэлээр орчуулж гаргасан байна билээ. (“Зvрхэндээ амьдрахуй” гэдэг нэртэй ном байгаа.) Тэндээс vvнийг мэдэж болно. Зvрхэн дотор жижигхэн тархи байдаг юм байна гэдгийг нээсэн байсан.

Гэтэл монголчууд зvрхийг сэтгэдэг гэдгийг тэртээ тэргvй мэддэг байсан учраас сэтгэл гэдэг нэршлийг гаргасан. Тийм байгаа биз? Зvрх сэтгэн боддог. Бусад ард тvмэн зvрхийг зvгээр л нэг сэрж мэдэрдэг атга мах гэж ойлгодог шvv дээ. Тэгвэл би ганцхан монголчууд зvрх сэтгэн боддог гэдгийг мэддэг байсан гэж хэлмээр байна. Бvх хэлний талаар мэдэхгvй болохоор хэл сэтгэхvйн тэр нарийн уялдаагаар илэрдэг бусад vндэстний сэтгэлгээг сайн мэдэхгvй байна. Гэхдээ л би зөв таамагласан байх. Ямар ч орны хэлэнд сэтгэл зvрх гэдэг зvйлийг зөвхөн сэрж мэдрэхтэй холбосон, байдаг. Харин зvрх сэтгэдэг, зvрхээр сэтгэдэг гэж ойлгодог vндэстэн Монголоос өөр байхгvй гэж хэлмээр байна. Би дутуу ойлгож байж болох юм. Зvрх маань тархитай, сэтгэдэг ээ гэдгийг барууныхан мэдчихээд маш их гайхаад их сонин байдалд орж байна л даа. Зvрхийг зөвхөн сэрж мэдэрдэг гэж ойлгодог байсан.

Гэтэл зvрх нь сэтгэхvйн энергийн төвлөрөл болж байдаг. Зvрх бол маш нарийн мэдрэг энергитэй харьцагч гэж эзотерикт ойлгодог л доо. Энэ бол дээд орнуудын энергийг материаллаг доод ертөнцөд нэвтрvvлэгч эрхтэн. Эргээд доод орон, ертөнцийн янз бvрийн инстинкт, бvдvvн баараг энергvvдийг хувилгадаг, нарийсгаад, маш нарийн хэлбэрт оруулдаг ийм чухал эрхтэн нь зvрх юм.

Гэтэл сэтгэхvйн энергитэй яаж уялдаж холбогдож байна вэ гэвэл энэ нь сэтгэхvйн энергийн төвлөрөл болдог. Зvрх маань бидний бие организмын нар шvv дээ. Гэвч бид тоодоггvй. Тархи, тархи л гээд байдаг. Vнэндээ зvрх бол тархинаас илvv чухал эрхтэн гэдгийг өнөө vед ойлгож эхэлж байна.

Зvрхэнд хамгийн тvрvvнд хамгийн зөв, хамгийн мэргэн шийдэл ирдэг гэж эзотерикт vздэг. Харин тархи энэ эсвэл тэр, нэгдvгээрт, хоёрдугаарт гэсэн янз бvрийн хувилбар тавьдаг. Гэтэл цорын ганц мэргэн шийдлийг хэлдэг эрхтэн нь зvрх. Гэхдээ зvрхний энэ гайхамшгийг мэдрэх, ойлгох, ашиглахын тулд хvн эхлээд зvрхээ ариусгах хэрэгтэй. Зөвхөн ариуссан зvрхэнд хамгийн зөв мэргэн шийдвэр торсын орноор дамжаад 109с хурдтай хvрч ирдэг.

Vvнийг ариусаагvй зvрхтэй улс мэдэрдэггvй. Тийм ч учраас нялх балчир хvvхэд маш ариун гэгээн хvмvvс мэргэн байдаг. Хамгийн зөв шийдлийг тэд мэдэж байдаг. Жаахан өсөж томроод ирэхээрээ хvн бохирддог. Улмаар тархиараа сэтгэж эхэлдэг. Тэр нь эсвэл энэ тэр гэсэн элдэв төөрөлдсөн зvйл хэлж өгдөг.

Сэтгэхvйн энергийн тухай нэгэн ёогчийн тайлбарыг хэлмээр байна. Сэтгэхvйн энерги гэж юу юм бэ гэж ёогчоос асуухад, “Энэ бол анхилуун цэцэгсийн vнэртэй адилхан. Цэцгийн vнэр маш нарийн бvгдийг нэвтлэн орших орчны эфирт шингээд, тэр vнэрийг хvн агаараар дамжуулаад уушгиараа биедээ шингээж авдаг. Тэгээд vйлчлэл нь биенд илэрч эхэлдэг” гэж тайлбарлажээ. Сэтгэхvйн энерги vнэхээр яг ийм байдаг, цэцэгсийн анхилуун vнэртэй адилхан байдаг юм байна.

Сэтгэхvйн энерги яагаад бидэнд чухал юм бэ гэхээр энэ нь асар их хамгаалалт болдог. Ёогчдын тухай янз бvрийн домогт (Бид домог гэж vзэж байгаа.) тэд зvсэн зvйлийн араатан амьтантай ширэнгэ, цөлд амьдардаг. Гэтэл тэдний тухай ямар тvvх байдаггvй вэ гэвэл ямар нэг араатан амьтанд тасдуулж идvvлсэн ёогчийн тухай гардаггvй. Энэ ямар утга учиртай юм гэхээр мэргэн зөн совингоо алдаагvй, галзуураагvй, мэргэн зөн совин нь жам ёсоороо ажиллаж байгаа ямар ч амьтан, тэр дундаа адгуус араатан тэр ёогчийн сэтгэхvйн энергийн хамгаалалтанд ойртож болохгvй гэдгийг мэддэг. Тэр тусмаа дураараа авирлаж болохгvй гэдгийг мэддэг. Сэтгэхvйн энергийг амьтан мэргэн зөн совингоороо хvнээс илvv мэдэрдэг. Хvмvvс мэдэрдэггvй учраас ариун гэгээн хvнийг очоод доромжилж, янз янзаар элэглэж шоолж магадгvй. Тэгээд эргээд сэтгэхvйн энергийн хамгаалалтанд ниргvvлдэг. Тэгээд хараагдчихлаа гэж боддог. Хараагдсан юм биш зvгээр л ниргvvлчихсэн юм. Сэтгэхvйн энергийн тэр өндөр vелзэл эргээд ниргэчихэж байгаа юм.

Бас библийн домгуудад хаад зөнч мэргэдийг гэсгээх гээд араатан амьтан, өлсгөлөн барын дунд хаядаг эсвэл галд шатаах гэж оролддог. Гэтэл гал нь ус болж хувираад зvв зvгээр амьд явж байдаг. Эсвэл өлсгөлөн бар нь юуг ч залгичихаар их өлссөн хэрнээ идэж чаддаггvй. Vvний учир нь теросын бамбайнд нь оршдог юм байна. Баруунд энэ хамгаалалтыг теросын бамбай гэж нэрлэдэг. Маш олон метр байдаг энэ бамбайнд ямар нэг хилэнцэт буруу санаагаар халдаж болдоггvй. Vнэндээ ийм л юм байдаг аж.

Нөгөө талаасаа энерги заавал талсттай байдаг. Энерги матери хоёр хоорондоо харилцан шилждэг. Энерги маань материд шилждэг, бодис эргээд энергид шилждэг. Тэгвэл сэтгэхvйн энерги ч өөрийн гэсэн талстай. Сэтгэхvйн маш өндөр энергийн талстыг монголчууд ринсэл гэдэг. Бид уламжлалаараа энэ тухай мэднэ. Шидтэн, хутагт хувилгаадын чандраас их гоё чулуун vрэл, эрдэнэсийн vрэл гардаг. Тэр нь сэтгэхvйн соронзон чанартай. Маш гоё адислал тvгээж байдаг. Аваад, атгаад авч явж байгаа хvндээ асар их аз завшаан, аз хийморь хайрладаг. Ийм ч учраас шавь нар нь vvнийг булаацалддаг байсан. Энэ талаар гэгээнтнvvдийн намтар тvvх, олон хөлгөн сударт бичиж vлдээсэн байдаг.

Ринсэл гэдэг бодисыг барууныхан философийн, гvн ухааны чулуу гэдэг. Төвд нэршлээр бол ринсэл юм. Ямар утга учиртай юм бэ гэвэл хvний сэтгэхvйн энерги, маш өндөр, ариун, гэгээн энерги өөрөө талст vvсгэж байдаг. Сэтгэхvйн энерги мэдрэлийн судлуудаар дамжин гvйхдээ өөрийн талстыг vлдээж байдаг ба өндөр хэмд маш их тэсвэртэй, маш гоё талсттай эрдэнийн чулууны хэлтэрхий байх жишээтэй. Тэгээд шарилыг нь чандарлахаар эдгээр талст хоорондоо бөөгнөрөөд vрэл vvсдэг. Энэ бол баримт.

Та нар мэдэж байгаа, арван жилийн химийн хичээлээр нvvрсхvчлийн хий С2 молекул бvтцээсээ хамаараад нvvрс эсвэл алмаз чулууны талст байдаг. Өндөр vелзэлд тухайн дорд элементийн молекул бvтцэд өөрчлөлт ороод эрдэнэс vvсдэг юм байна. Молекул бvтэц нь зvгээр л хувилсан байгаа юм. Тэгэхээр сэтгэхvйн өндөр vелзэл хvний энэхvv дорд материйг тийм хэмжээнд, эрдэнэсийн чулуу болтол нь хувиргадаг ажээ.

Хvн энэ сэтгэхvйн энерги гэдэг гайхамшгийг өвлөж авчээ. Тухайлбал хvний харцнаас сэтгэхvйн энергийн хамгийн дээд хэлбэр болох Брама-видия гэдэг гал цацарч байдаг юм байна. Харц буруугvй гэж дуулдаг. Тэр дууны vг ямар утгатайг нь мэдэхгvй болохоороо би мэдэхгvй л дээ. Харц буруутай байх нь их шvv дээ. Буруутай байтугай бvр хортой харц гэж байна. Хэрвээ хилэнцэт хорт санаатай, ариун бус хvсэл давамгайлсан бол тэр хvний нөгөө брама-видия, нvднээс цацарч байгаа туяа vнэхээр хортой байна.

Сэтгэхvйн энергийн бас нэг дээд хэлбэрийг багш хvн, гуру эзэмдэж байдаг. Ер нь сэтгэхvйн энергийг хуримтлуулах хамгийн дөт зам гэж бий. Зарим хvний инээд хvрэх байх хамгийн энгийн зам бол ‘ТАЛАРХАХ’. Шри Шри Рави Шанкар талархаж сур гэж шавь нартаа сургаад байдаг нь маш их утга учиртай юм байна.

Сэтгэхvйн энергийг маш өндөр хэмжээнд зохион байгуулах хамгийн эхний суурь бол талархал юм байна. Хvн хайрын хишгээр бий болсон. Эцэг эхээс төрөхдөө хайрын хишгээр бий болсон. Өчнөөн мэдэх мэдэхгvй, заримыг нь мартчихсан тийм их хайрын өглөгийн дор амьдарч байдаг. Vvнийхээ төлөө байгаль ертөнц, өглөөний наран, бvх амьтанд талархаж амьдрах ёстой. Бид дандаа органик хэлбэрээр амьд амьтныг идэж амьдарч байна. Ургамал ч гэсэн амьтан. Тэднийг бид идэж байна. Гэтэл ингэж залгиж л байх ёстой юм шиг ерөөсөө талархахыг мэддэггvй. Тийм ч учраас идээд идээд байвч маш их өвчин зовлон vvрлээд байдаг. Идээд, шунаад, аваад аваад аз жаргалгvй л байдаг.

Энэ нь юунаас улбаатай юм бэ гэвэл хамгийн анхдагч талархах сэтгэлийг өвөрлөж, тэрнийг орчин тойрондоо цацрааж чаддаггvйгээс болдог. Талархаж чаддаг хvний сэтгэхvйн энерги маш сайхан болох vндэс суурь нь тавигддаг. Хvмvvс маш их энергитэй болохыг хvсдэг. Гэхдээ энергийнхээ чанарын тухай анзаардаггvй. Ерөөсөө тэр их энергитэй хvн, их энергитэйгээр хvнийг загнаж байсан гэх. Чанар бол ерөөсөө хамаагvй энерги л гэж ярих. Гэтэл хамгийн гол нь чанарыг ярих ёстой.

Маш чанартай, өндөр зохион байгуулалттай, гэрэлтсэн сэтгэхvйн энергийг цуглуулдаг дараагийн энгийн нэг дvрэм нь юу вэ гэвэл ‘БАХДАЛ БИШРЭЛИЙН СЭТГЭЛ’-ийг агуулж сурах. Хvн бахдаж, биширч сурах хэрэгтэй. Гэтэл Монголчууд маань өөрөөс илvv юманд атаархаад л, хорлохсон л гэж бодох нь ихэнх шvv дээ. Тvvнийгээ зөвтгөдөг. Хvнд хэлэхгvй ч гэсэн дотроо яадаг юм гэж боддог. Жишээлбэл сарнай цэцэг ийм сайхан гоо vзэсгэлэнг цацрааж байна. Энэ гоо сайхныг хэрвээ бахдаж бишрэх юм бол энэ сайхан энергээсээ хуваалцдаг юм байна. Хvний сэтгэлд бахдал бишрэл төрлөө гээд юу ч зулгараад ойччихгvй. Харин ч эргээд гэрэлт очис бөөн бөөнөөрөө зvрхэнд маань чуулдаг юм байна.

Гоо сайхны бишрэх байна. Гоо сайхан гэхээр л нvvрээ будсан хvvхэн гэж боддог. Гэтэл гоо сайхан гэдэг чинь тун өргөн хvрээтэй ойлголт. Энэ байгаль дэлхий, сар одод, хvмvvсийн нvvр царайнаас цацарч байгаа энэ оюунлаг сайхан чанар, энэ бvхнээс гоо сайхныг олж харах ухамсрыг төлөвшvvлэх хэрэгтэй юм байна. Гоо сайхны бишрэл гэдэг нь галд цэцэгсийг ургуулдаг гэсэн “Агни йога”-ын сургаал бий. Энэ бахдлын сэтгэл орон зайнаас гэрлийн цэцэгсийг татаж, гэрэлт очсыг хурааж байдаг гэж агни йогад сургасан байдаг.

Бурхан Будда хvvдээ ганц л зvйлийг захисан. “Баяр хөөрийн сэтгэлийг хадгалж сураарай. Яагаад гэвэл баяр хөөр гэдэг онцгой нэгэн мэргэн ухаан юм шvv” гэж захисан. БАЯР ХӨӨР, УХАМСАРТАЙ БАЯР БАЯСГАЛАНГИЙН СЭТГЭЛ сэтгэхvйн энергийг их гоё болгодог.

Тэгвэл сэтгэхvйн энергид хортой зvйл нь юу бэ гэвэл мэдээж янз бvрийн гэм хилэнцэт сэтгэл. Энэ тухай ярихаа байчихъя. Дорд тэнэмэл бодол, зохион байгуулалтгvй цэгцгvй сэтгэлгээ, замбараагvй сэтгэлгээ сэтгэхvйн энергийг их муухай байдалд оруулдаг.

Сэтгэхvйн энергийг хороодог зvйл нь айдас, бухимдал, эргэлзэл гурав. Эргэлзэхийг, айхыг, бухимдахыг хилэнц гэж vздэггvй. Зvгээр нейтрал, саармаг зvйл гэж vздэг. Гэтэл энэ тоодоггvй, өөрөө ч мэдэхгvй байнга гаргаж байдаг энэ гурвыг ухамсартайгаар танин мэдээд, vvнтэйгээ тэмцээд, хорьж чадах юм бол сэтгэхvйн энерги хорт дайснуудаасаа тусгаарлагдаж чадна.

Сэтгэхvйн энергийн цахилгаан аналоги нь аура. Одоо аурын тухай хvмvvс мэддэг болсон. Оксень гэдэг академич 20-р зууны дундуур эхнэр, нөхөр академич Кирлианы зохион бvтээсэн аурын хvрээг авдаг аппаратыг улам боловсронгуй болгосноор аурын зургийг өнгөтэй нь авдаг болгосон. Одоо хэвтээд, нөvтбvк шиг компъютерт хуруугаа хийгээд, фото аппарат шиг багажны өмнө тавиад гарын аурыг авдаг гээд төрөл бvрийн аппарат байна. Аурыг яагаад ярьсан бэ гэвэл сэтгэхvйн энергийн цахилгаан аналоги, электроаналоги юм. Аурын зургийг авдаг болсон учраас сэтгэхvйн энергийн тухай ярихад их амархан болсон. Сэтгэхvйн энергийн өндөр зохион байгуулалттай хэлбэр нь өндөг мэт, гадуураа солонгон бvрхvvлтэй байдаг. Энийг тогтоогоод гаргачихсан. Янз янзын бодлын долгион янз янзаар мяралзаад, хvний толгойд ямар бодол төрнө тvvнтэй нь адил өнгийн гэрлийг цацраагаад байж байдаг юм байна.

Ихэвчлэн эмх замбараагvй, хувиа хичээсэн сэтгэлгээний аура нь муухай саарал өнгөтэй. Эвгvй муухай бодол агуулах, их гутарч гуних, сэтгэлийн дарамтанд эзлэгдээд ирэхээрээ хvрэн хар өнгөтэй цацраг цацраадаг. Энэ бvгдийн зургийг аваад өчнөөн олон баримтаар баримтжуулчихсан. Гэтэл vнэндээ сэтгэхvйн энергийн эрvvл цацраг нь орон зайнаас маш их хvсэмжилээд байдаг гэрэлт бөмбөлгvvдийг татдаг. (Бясалгал бvрийн дараа хvмvvс зураг аваад бөмбөлгvvд бууж уу, талбайд энергийн бөмбөлөг байна, тэр агуйд бөмбөлөг байна гэж ярьдаг тэр зvйл.) Энэ нь орон зайн галын нэг хэлбэр шvv дээ. Гал болон галын бурхнаар дамжиж хvмvvс бурхан тэнгэртэй харьцдаг. Тэр зууч нь тэр бөмбөлөг хэлбэрээр бидэн дээр хvрээд ирж байгаа нь тэр. Гэтэл эдгээрийг хамгийн амархан татах арга нь сэтгэхvйн энергийн эрvvл цацрагтай болох юм.

Гэрэлтсэн аура нь өөрөө бөмбөлгvvдтэй байнга харьцаж байдаг. Гэрэлтсэн аура бурхадын зууч гээд байгаа тэр гоё гоё өнгөтэй бөмбөлгийг аяндаа өөрөө татаад ирдэг. Vvнийг агни йогийн нэршлээр орон зайн гал ч гэж нэрлэдэг. Тэгвэл яавал ийм гэрэлтсэн аура, хvчирхэг ауратай болох вэ? Учир тоймгvй энд тэндэхийн агуйд очоод бясалгал хийгээд явахыг хэлдэггvй юм байна. Хайр нигvvлсэл хvний зvрхэнд дvvрэхэд хvн аяндаа гэрэлтэж эхэлдэг юм байна. Ауро нь гэрэлтэж эхэлдэг.

Энд ахиад л зvрхний тухай ярих хэрэгтэй болно. Сэтгэхvйн энергийн тухай ярихаар яг л яруу найрагч болохоос өөр аргагvй байдаг. Яруу найрагч байсансан бол ингэж дэмий ярихын оронд хэдэн сайхан мөр биччихгvй юу. Надад даанч тийм авъяас алга. Хvмvvс яагаад хайрын тухай дуулах, зvрхний тухай ярих дуртай байдаг юм бол? Энэ нь цаанаа их учиртай. Өөрсдийнх нь аурыг гэрэлтvvлээд бурхан тэнгэрт нэлээн ойртуулдаг тэр зvйлийн тухай хvн ярих дуртай байлгvй яахав. Энэ тухай ярихдаа аяндаа гэрэл цацруулж байгаагаа мэдэрсэн байна. Тэрнээс биш энэ нь нялуун мэдрэмж биш. Хайр гэхээр би өөр хайрын тухай ярьж байгаа юм шvv. Хэн нэгэн хvнд хайртай болсон, тvvнийгээ өмчлөх хайрын тухай яриагvй. Бvх амьд амьтанд өгсөн хайрын тухай ярьж байна.

Аурын тухай нэг зvйл орхигдуулах гээд байна. Аура нь зохион байгуулалтгvй сэтгэхvйн энергийн vед янз бvрийн бохир хэлбэртэй байдаг. Тухайлбал арзайсан, жайжийж яажийсан, янз бvрийн муухай өнгө холилдсон байдаг. Уг нь ийм байх ёсгvй. Жинхэнэ бидэнд байх ёстой аура нь бурхдын лагшин, тэргvvнийг хvрээлсэн бөмбөгөр алтан хvрээтэй гадуураа солонгон бvрхvvлтэй зурдаг шиг тийм байдаг юм байна. Зvгээр гоё санагдаад, төсөөлж фантазлаад ингээд зурчихсан юм биш. Дээр vед vнэхээр аурыг хардаг хvн бурханч байж л дээ. Тэгээд тэд өндөр зохион байгуулалттай сэтгэхvйн энергийг цацраадаг аурыг зурсан юм байна.

Ийм аура ямар хvмvvст байдаг юм вэ? Энэ нь оюунлаг хvмvvст, дотроо хайраараа өөр амьтныг цогцлоон бvтээж байгаа хvvхдээ тээж байгаа жирэмсэн эхэд байдаг. Vvнийг нотлох өч төчнөөн хальс байна. Би vvнийг зохиож яриагvй. Солонгон бvрхvvл нь өөрөө асар их хамгаалалт болдог. Тэр солонгон бvрхvvлд тулаад арслан барс аяндаа номхордог юм байна.

Энэхvv өндөр зохион байгуулалттай сэтгэхvйн энергийг яаж, хэрхэн төлөвшvvлэх вэ гэхээр зvрхний боловсрол, зvрхний соёлын асуудал гарч ирнэ. Зvрэээ ихэнхдээ улсууд маш их хорчийлгож хатаасан байдаг. Яагаад гэвэл дээд орнуудтай харилцахаа мэддэггvй. Талархаж, бахдаж биширч мэддэггvй. Бvхнийг материаллаг байдлаар ухамсарладаг. Дандаа авах хайрын тухай боддог. Өгөх хайрын тухай огт мэддэггvй. Vvнээс vvдэн зvрх нь хорчийгоод хатчихдаг юм байна. Дээд орнуудаас тусгаарлагдахаар зvрх хатахад хvрдэг. Тэр хатсан зvрхний сэтгэхvйн энерги нь яажийж, жайжийсан, хар бараан толботой, бараан өнгийн янз бvрийн цацраг цацрааж байдаг.

Зvрх сэтгэхvйн энерги хоёр шууд холбоотой. Тэгвэл ямар чанар зvрхийг хорчийлгон хатаахад хvргэдэг вэ гэвэл аминчхан vзэл, тэвчээр хvлээцгvй чанар, хvйтэн сэтгэл юм. Зvрх хатсанаас болоод сэтгэхvйн энерги нь задарчихсан, сэтгэхvйн энергийн цахилгаан аналоги болсон аура нь жайжийсан, элдэв янзын толботой хvмvvс явж байдаг. Эд амьдрахын тулд вампиризм, энергийн луйврын аргад шилждэг. Өөрөөс ундрах энерги байхгvй учраас бусдынхыг сорж, мөлжих замд ордог. Энерги луйвардах хэлбэр нь бvр шинжлэх ухаан болтлоо хөгжсөн. Хvн төрөлхтөн vvссэн цагаасаа сэтгэхvйн энергийг бусдаас яаж сорох вэ, завших вэ гэдэг талаар цол хvртэн, бvр гэгээнтэн болтлоо дэвшсэн. Шvргээд өнгөрөхдөө, харахдаа хvнийг гэмтээгээд энергийг нь сорж явдаг. Ийм зуршилтай, vvндээ дадсан байдаг. Vvний нэг хэлбэр бол хvн муулах шvvмжлэх. Энэ бол маш тvгээмэл солиорол болоод вампиризмын хэлбэр. Байнга хvн муулж, шvvмжилж явдаг хvмvvсийг байнга энергийн хувьд өлсгөлөн явдаг тул vргэлжид амин энергийн эрэлд явж байгаа хvн гэж ойлгох хэрэгтэй.

Гэтэл монгол орны байдлыг л харахад сонин, телевиз нь бvгд хvн муулж байна. Төрд байгаа хvмvvс нь бvгд бие биеэ муулж байна. Тэгэхээр эрvvл хvн хаа байна гэж хэлмээр. Vнэхээр эрvvл биш амьдарч байна. Одоо хvн төрөлхтөн хэцvv байдалтай байна. Яагаад ийм болов гэхээр хатаж хорчийсон галгvй зvрх ийм болгож байгаа юм. Энд дахиад Буддын мэдлэгээс иш татъя. Догшин бурхадын тахилд нь гурван зvйлийг, ухархайгаар нь ухаад авсан нvд, хэл, зvрх өргөсөн байдаг. Эд бол маш их сэтгэхvйн соронзон чанартай дээд галаар нэвчсэн эрхтэн. Шатааж чандарлахад зvрх шатдаггvй. Шатчихсан байвал уучлаарай тэр хатсан зvрх. Энгийн, хvнийг хайрлаж мэддэг байсан, зvгээр, эрvvл хvний зvрх шаталгvй vлддэг. Энэ ямар учиртай юм бэ гэхээр өндөр дээд галаар нэвчсэн зvрх физик галд эсэргvvцэл vзvvлж байгаа хэрэг. Зvрх маань маш их фосфортой, маш их галтай эрхтэн. Энэ зvрхний галд доод, муу ёрын, завсрын орны амьтан, дорд сvнс ерөөсөө ойртож чаддаггvй. Гэтэл зvрхний гал нь мөхөөд ирэхэд хvмvvс солиоролд амархан өртдөг. Яагаад гэвэл зvрх нь галгvй болсон болохоор завсрын орны, газар дэлхийн амьсгалд тэмvvлсэн бие байхгvй тэр сvнснvvд айж эмээхгvй ирж хоргодох гэж тэмvvлдэг. Тэгэхээр галзуурал гэдэг маань сэтгэцтэй холбоотой, мөн зvрхний гал vхсэнтэй холбоотой юм байна.

Зvрх өөрөө эгшигтэй байдаг. Зvрхний эгшиг нь консонанс (яруу зохирол) хэмнэл байдаг. Сарнай яагаад зvрхний бэлгэ тэмдэг юм бэ гэвэл сарнайнаас цацарч байгаа гэрлийн доминант хvний зvрхний консонанс эгшиг хоорондоо маш гоё шvтэлцэж уялддаг. Тийм ч учраас сарнай бол зvрх, тvvний консонансын бэлгэдэл, зvрхний бэлгэдэл. Гэтэл одоо консонансын тухай ярихад заримдаа ичгэвтэр мэт болж байна. Жинхэнэ урлагын гоо сайхны оргил, бэлгэ тэмдэг, тэмvvлэх ёстой зvйл нь консонанс хэмнэл билээ. Сарнайн бvтсэн байдал нь тэр чигээрээ консонанс байдаг. Гэтэл одооны дуу аялгуу, дуу хөгжим, урлаг дандаа диссонанс (задлан бутаргах) хэмнэл байна. Бараг бvгдээрээ. Консонансыг баримталдаг уран бvтээлчийг бараг хоцрогдсонд тооцож муучилдаг. Тvvнийг бишрэн шvтэх хvн олддоггvй. Диссонанс хэмнэл цацраасан, янз бvрийн пар пар, тар няр хийсэн зvйлд ихээхэн баярлаж, гvйж очиж шавдаг. Vvний учир нь хvмvvс консонанс буюу яруу зохицлоос урвасантай холбоотой. Өөрсдийнх нь цацаргаж байгаа хэмнэл нь тийм муухай задарсан замбараагvй болохоороо тvvндээ татагдаж байгаа хэрэг.

Тэгэхлээр би эндээс юу хэлэх гэсэн юм бэ гэвэл нарийн тансаг мэдрэмж, нарийн соргог мэдрэмж гэдэг нь зvрхний соёл боловсролын жинхэнэ шинж тэмдэг юм. Бvдvvлэг болоод ирэхээр зvрхнээсээ нэлээн хол хөндий, энэ талаар дуулаа ч vгvй байна гэсэн vг. Энэ нарийн тансаг мэдрэмж, ухамсрын нарийсал нь 21 гал дvрхийтэл асахад хөтөлдөг. (Йогч биеийнхээ 21 галыг асаах гээд л эрмэлзээд байгаа шvv дээ. Бvх 21 хvрдээ нээж, гал асаах зэрэг нь паранаяамагаар, учир утгагvй олон цагаар бясалгал хийж сууснаар биш ухамсрын нарийслаар аяндаа дvрс хийтэл асдаг.) Энэ ухамсрын нарийсал гэдэг нь хvний өөрөө өөртэйгээ ажиллаж буй 24 цагийн хөдөлмөрөөр ирдэг зvйл юм.

Сэтгэхvйн энерги нь хуримтлагдах хуультай. Энэ бол насос буюу шахуургын хуулиар хуримтлагддаг. Насосыг насосдоход доор даралт vvсдэг, тэгэнгvvт энерги тvрдэг. Vvн шиг доод бие хvнд хэчнээн их юм vvрvvлнэ төдий чинээ энерги хуримтлагддаг. Энергээ хуримтлуулахын тулд хvн өөрийгөө ажиллуулж сурах хэрэгтэй. Бvх төрлийн хөдөлмөр зvрхэнд болоод сэтгэхvйн энергид сайн. Хvн өөрийгөө “Төгс төгөлдөр байдлаас хол байна даа. Яана даа, би буян муу хурааж дээ. Би бага шиг юм мэдэж байна даа” гэж голлох их сайн. Яг энэ vед сэтгэхvйн энерги тvрэн орж ирэх хаалга vvд нээгдэж байдаг юм байна. Өөртөө их л сэтгэл хангалуун, их л төгс байна, бараг л төгс төгөлдөр болох гэж байна гэж бодоход л энерги тvрэн орж ирэх хаалгыг тасхийтэл хаачихдаг.

Хvмvvс бясалгалаар гэгээрнэ гэж ойлгодог. Энэ бол өрөөсгөл ойлголт. Хэрвээ зvрхний соёл боловсролыг, ёс зvйн наад захын энгийн зvйлийг уландаа гишгэчихээд хvн хvнээ хайрлахгvй, амьд амьтныг хайрлахгvй зөвхөн бигээ бодож бясалгахыг зөвхөн харанхуйн дадлуудаа, эгогоо өсгөх дасгал гэж ойлгох хэрэгтэй. Яг vнэндээ йогич, бясалгагчдын тэмvvлээд байгаа тэр агшин зуурын гэгээрэлд юу хvргэдэг юм бэ гэвэл эцсийн дvндээ зvрхний соёл л хvргэдэг юм байна. Зvрхний соёл боловсрол байна аа гэдэг маань толгойд гэгээрэл байгаагийн баталгаа юм байна.

Хvмvvсийн маш их төөрөлдөж байгаа зvйл бол боловсрол гэхээр дандаа тархины тухай ярьдагт байна. Тэгэх тэгэхдээ тархиа бvтэн ч хөгжvvлэхгvй, зvvн тархины нэгээхэн, хэдхэн хэсгээ л ажиллуулж байдаг. Тэгээд vvгээрээ бvх юманд хvрч болно гэж боддог. Энд яруу найргийн шинжтэй зvйл хэлмээр байна. Гэгээн хvслэнгийн тухай яруу найрагчид их бичдэг нь тун их учиртай. Гэгээн хvслэн гэж юу юм бэ гэхээр хорвоогийн бус өөрөөс хэтийдсэн агуу их, ариун бурханлаг зvйлийг хvсэхийг гэгээн хvслэн гэдэг. Тэгвэл тийм хvслэнд зvрх шимшрэх гэж байдаг даа. Залуу хvн vvнийг мэдэж байгаа. Азтай нэгэн хэчнээн хугацаа өнгөрсөн хойно ч гэгээн хvслэнд зvрх шимширсэн тэр ой дуртгалаа хадгалж л яваа. Vvнийг мэддэг хvн их азтай. Яагаад гэвэл энэ vед сэтгэхvйн ихээхэн гэрэлтсэн энерги тvрэн орж ирж байдаг.

Тvрvvн зvрхний тухай ярихад галтай зvрх гэж ярьсан. Энэ бас л яруу найргийн хэллэг. Энэ нь vнэндээ бодит баримт, фосфоржсон зvрх юм. Ямар сайндаа чандарлахад vлдэж байх вэ дээ. Ийм зvрх өөрөө асар их хvчтэй сэтгэхvйн энергийг радиацлаж, цацаргаж байдаг. Ийм галтай зvрхний vvсгэж байгаа соронзон талбайд нь татагдаад хvмvvс нэг их гэгээрчихье гэж бодоогvй мөртлөө очих дуртай байдаг. Дээрхийн Гэгээнтэн Далай Лам, Шри Шри Рави Шанкарыг ирэхээр хvмvvс очих дуртай байдаг. Vvний учир нь зарим хvн сургаалыг нь сонсоод ойлгохгvй, ойлгосон ч дараа нь мартчихдаг, сонсоод сонсоод ойлгохгvй, юу ярилаа даа гээд санахгvй, тэгсэн мөртлөө зөнгөөрөө зvрхний галд нь татагдаж очоод байгаа хэрэг. Зөн совин нь галтай зvрхний соронзонд хөтлөөд авааччихдаг юм байна. Тэгээд хvмvvс галтай зvрхэндээ төвлөрөөд, зvрхний галтай хvмvvс хоорондоо нэгдээд, богино хугацаагаар ч хамаагvй анир чимээгvй суугаад, сайн сайхан зvйлд, яая даа энэ харанхуй байдлыг яаж нэг гэтэлгэе дээ гэсэн бодлоор өрөөл бусдын төлөө өөрийгөө умартсан сэтгэлээр суугаад бясалгахад (Vнэндээ би бясалгах гэдэг vгэнд маш дургvй.

Учир нь 24 цагийн турш хvн бясалгалын төлөвт орших чадварыг гендээ агуулжээ. Энэ бол ерөөсөө л зөнгөөрөө байдаг зvйл.) ингэж анир чимээгvй суухад vvнд оролцож байгаа хvмvvсийн тоогоор зэрэгт дэвшvvлсэнтэй адил, жишээ нь N тооны хvн суухад N зэрэгт дэвшvvлсэнтэй адил тийм хvчтэй галт бамбай vvсдэг юм байна. Тэр галт бамбай маш их хэмжээний бохирдсон материйг угаачихдаг. Vvний баталгаа Мельхиседекийн номонд бичээстэй байгаа. Тохиолдлоор бие биеэ ч танихгvй хэдэн хvн цуглан, нэг нь “ингэдэг юм байна” гэж хэлэхэд нь “Өө! Тийм vv” хэмээн хамтдаа аниргvй чимээгvй суусан чинь их бохирдсон, утаа манан болсон, борооны vvл биш, бохир тортогны vvлэнд умбасан тэнгэр оройгоосоо агаар нь цэвэршин өрх шиг цоорсоор цоорсоор байгаад, цэнхэр тэнгэр vзэгдэн шувууд жиргээд эхэлжээ. Ийм туршилтыг тэр багийнхан олон удаа хийсэн байсан. Бид яагаад vvнийг хийж болдоггvй билээ? Болохгvй нь юу байх вэ! Хамгийн гол нь өөрийгөө умартах сэтгэл, тийм сэтгэлийг vvсгэе гэхгvй, тэгээд сууя гэхгvй, vvнд итгэх ч vгvй байна. Психотроны зэвсэг, психотроны vйлчлэл гэж байна. Психотрон гэдэг нь сэтгэхvйг удирдах гэсэн барууныхны зохиосон хар домын чанартай муухай зvйл.
Vvнтэй адил зvрхний галанд психотрон буюу сэтгэхvйг удирдах тийм нөлөөлөл байдаг. Цунами, газар хөдлөлт гэх мэтийг галтай зvрхний хэмнэл удирдаж чаддаг. Хэрвээ тийм зvрхvvд хоорондоо нийлэх юм бол ойртоод ирж байгаа байгалийн гамшгийг ч буцааж чаддаг. Галтай зvрх нь газрын дотоод галыг удирддаг байна. Йогич, бясалгагчид нарийндаа гэрэлтсэн бодисыг vvсгэх гээд л шимтээд бясалгал хийгээд байдаг. Энэ гэрэлтсэн бодисыг туурвихаар шид бvтээл төрдөг, хvн мөнхөрдөг, мөнхийн хутгийг олдог. Гэрэлтсэн бодисын төлөө л бvгдийг хийж байдаг. Гэтэл энэ маань зvрхэнд агшин зуур өөрөө бvрэлдэж байдаг юм. Гэтэл vvнийг дандарын, хар зvгийн, хэтэрхий зvvн гарыг баримталсан хар зvгийн дандарынхан, одоо их олширсон нэг, хоёр, гуравдугаар зиндааны хар домчид сексийн энергээр, сексийг ашиглаж vрийн шингэнээр гаргаж авахыг оролддог. Гэхдээ энэ нь маш их удаан хугацааны ажиллагаа шаарддаг. Тэдний vйл тамаа vзэж, нvгэл хийн хураах гэж оролдож байгаа зvйл галтай зvрхэнд хоромхон зуур бvрэлддэг гээд бод доо. Тэгэхээр энэ зvрх гэдэг эрхтэн маань бидэнд хэчнээн их хэрэгтэй, бидний төлөө vйлчлэх гээд хэчнээн их боломж, потециалыг өргөн барьж, бэлэглээд байж байдгийг бид ерөөсөө анзаардаггvй. Бид бvгдээрээ энэ зvрх гэдэг ийм ариун дагшин, тархинаас чухал эрхтэнийг өмчилчихөөд сууж байгаа. Галыг агуулаагvй зvрх нь вампиризмын хэлбэр буюу энергийн луйврын аргад шилждэг. Галгvй зvрх солиорол ад донд нээлттэй явж байдаг гэж тvрvvн дурдсан.

Тэгвэл галтай зvрх орчин тойрондоо шvргэлт, харцаараа дандаа ариусал, анагаах энерги, увдисыг цацрааж явдаг. Тэгтэл тэр хилэнцэт зvрх харахдаа, хөдлөхдөө, ер нь юу ч хийж байсан дандаа л гэмтээж явдаг. Иймээс энэ чиглэлд ихээр мэргэшсэн, тэрний оройн дээд нь болохоороо хар зvрх болдог. Яван явсаар хар зvрх гэдгийг эзэмдэгч болдог.

Хvмvvс одоо ямар нэг байдлаар ариусгаж анагаадаг хvн байна, өвчлvvлдэг хvн байна гэдгийг ойлгодог, ангилал байгааг мэдэрдэг болсон. Vvний шалтгаан нь юунд оршдог юм бэ? Vйлийн vрд оршоод байгаа юм уу? Янз бvрээр тайлбарладаг. Гол шалтгаан нь сэтгэхvйн энергид л байдаг юм байна.

Галтай зvрх нь маш ариуссан, их нарийн хөгтэй зvрх билээ. Маш нарийн хөгтэй зvрх ойртоод ирж байгаа ямар ч хvнийг хэн бэ гэдгийг ямар нэгэн хувилбаргvйгээр эцсийн шийдийг мэддэг. Ерөөсөө хэний ч зvрх адилхан. Ойртож ирж байгаа хvмvvсийн долгионыг маш сайн мэдэрч янз бvрээр vелзэж, хvнд дохио өгч байдаг. Энэ энерги хулгайлах хvн, энэ чиний нөхөр, энэ чиний багш, энэ чамайг анагаах хvн, аз заяа авчрах хvн гэх мэтээр бvгдийг хэлж байдаг. Хамгийн гол нь хvн тэр нарийн vелзэлийг мэдрэхтэй манатай бvдvvн мохоо байдаг юм байна. Харин ч дээрээс нь зvрхээ дарамтлаад, хог новшоор булаад, зvрхнийхээ гал дээр vнс нурам асгаад, ингэхдээ л мэргэжсэн байдаг.

Эртний мистериvдэд зvрхийг хөглөх, машид нарийсган хөглөхтэй холбоотой нэг асуулт тавьдаг байжээ. Тэр нь юу вэ гэхээр “Өвдөхөөс айх уу?” гэж шавь нараасаа асуудаг, айна гэвэл явуулдаг, айхгvй гэвэл vлдээдэг байсан. Учир нь зvрх маш нарийн хөглөгдөөд, ухамсар маш нарийсаад, мэдрэмж маш нарийн тансаг болоод ирэхтэй зэрэг мэдээж өвтгөнө. Аливаа сайхан юмыг авахад заавал төлбөр байдаг. Өвдөлтөөс айхгvй эрэлхэг зоригтой нь сэтгэхvйн энергийг төгөлдөржvvлэх замд ордог байсан.

Ерөөсөө нарийн хөгтэй хөгжмийн зэмсэгийг ч гэсэн бvдvvн модоор хийдэггvй шvv дээ. Хөгжмийн эгшгийн маш олон задаргааг гаргахын тулд тэр хөгжмийн зэмсгийг маш нарийн хийх ёстой болноо доо. Тэр олон vелзэлийг задалж, бvгдийг таньж тогтоон, ялган салгаж байгаа зvрх маш их шаналгаатай байх нь ойлгомжтой. Гэлээ гэхдээ тvvний хариуд асар их гэгээн энерги цацрана. Тэр энергээс нь асар их гоо vзэсгэлэн цацрана. Маш их хэмжээний адислал цацрана. Vvнээс өөр зам байдаггvй. Ийм нарийн хөгтэй зvрх ертөнцийн шаналлыг мэдрэнэ, дээд орны, тэнгэрийн туяануудыг ч мэдрэнэ. Өвдөхөөс айгаагvйнхээ хариуд тийм их адислалыг хvлээж авдаг. Тийм зvрхээр дамжуулж тэнгэр, дагинас хорвоод адислалаа цацна. Тийм ариуссан зvрхний ойролцоо, ариуссан зvрхтэй хvнд маш гоё өнгөтэй орон зайн гал, тэнгэрийн очис чуулж байдаг.

Тэгэхээр зvрхний ариусал гэдэг маань бодолтой, тэнгэрлэг бодролтой холбоотой. Энэ хоёр хөтлөлцөөд явж байдаг. Хvний хөгжилд тэнгэрлэг бодрол, тэнгэрлэг ариун бодол болон зvрхний ариусал дандаа хамт явдаг. Бие биедээ vргэлж дэм болж байдаг. Зvрхийг хvмvvжvvлэхдээ ерөөсөө амар амгалан сансар орчлонд байдаггvй юм гэдгийг ойлгуулж хvмvvжvvлэх хэрэгтэй. Хvний зvрхний хэмнэл чинь хvний бодолд захирагддаг шvv дээ. Муухай юм бодоход өөрчлөгдөнө. Сайхан юм бодоход өөрчлөгдөнө. Тэгэхээр зvрхэндээ гай болохгvй тус болохын тулд бодлоо тэнгэрлэг байлгах хэрэгтэй.

Нэг араб математикч vхлvvт, зvрх нь бараг зогсох гээд хэвтэж байжээ. Тэгтэл санаандгvй хамтран зvтгэгч нэг математикч нь хvрч ирээд алгебрын нэг бодлогын шийдлийг ярьсан чинь яг vхэх гэж байсан энэ математикчийн зvрх нь зvгээр болоод, эрvvлжээд, тvг тvг хэмээн хэвийн цохилж эхэлжээ. Тэгээд л босоод ирсэн гэдэг. Энэ бол тvvх. Энэ ямар учиртай юм гэвэл хvний зvрх бодлын хэмнэлээр өөрчлөгдөж байдаг гэдгийн баримт юм. Тэгэхээр ямар ухаарлаар зvрхийг хvмvvжvvлэх ёстой вэ гэвэл амар амгалан сансар орчлонд байхгvй гэдгийг ойлгуулах хэрэгтэй. Яагаад гэвэл сансар орчлонд хаа сайгvй тэсрэлт болж, хаа сайгvй орчил хөдөлгөөн болж байгаа шvv дээ. Тэнд тооноос чанарт хувьсах хөдөлгөөн байнга явагдаж байдаг. Байнга спирал. Спирал гэдэг чинь хийсвэр ойлголт биш. Vргэлжийн хуйлрах хөдөлгөөн. Сансар vргэлж мөнхийн хөдөлгөөн дунд оршдог. Сансрын соронзны бичил загвар болох зvрхийг амар амгалан бай, амар амгалан бай гээд шал утгагvй зvйлд дасган зохицуулж болохгvй л дээ.

Манай монголчууд эртний хөгшин ард тvмэн юм болохоор тэгдэг юм уу “монголын их амар амгалан” гээд шvлэглэдэг. Сайхан шvлэгтэй, их л сайн шvлэгч гэдэг нь ойлгомжтой. Тэгэхдээ шvлгээр буруу ухуулж байна. Амар амгаланд орж яах гээд байгаа юм бол? Монголчууд амар амгаланд орох болоогvй. Маш их хийх ажил байна. Их юм хийж байж хvмvvс, монголчууд урагшаа гишгэх юм байгаа биз дээ. Тэгтэл нойрсуулах гээд амар амгалан, амар амгалан гээд байдаг. Болохгvй шvv дээ. Ерөөсөө амар амгалан гэдэг бол асар их хөдөлгөөн дундах, дээд зэргийн эрчимтэй, зогсолтгvй, тасралтгvй хөдөлгөөн дундах тэнцвэрийн цэг. Өөр юу ч биш. Амар амгалан гэдэг vхлийн тухай л хэлж байгаа хэрэг. Ингэхийн оронд авсанд хэвтсэн нь дээр. Амар амгалан гэж уншихын оронд шууд vхчихсэн нь дээр.

Одоо бол хурдасгалын цаг. Маш их хурдасч байна. Хуучны йогууд дан, дангаараа бол бvгдээрээ хэрэггvй, хэрэгцээгvй болж байна. Яагаад гэвэл маш их хурдасч байгаа vед, маш их интеграл, синтезийн чанартай, бvх йогыг цогцлуулсан ийм л аргаар урагшлахаас өөр арга байхгvй. Хуучны тэмээн хөсөгтэй vеийн йогоор хичээллээд хичээллээд бидэнд ерөөсөө нэмэр болохгvй, ямар ч ашиггvй. Тэгэхлээр хамгийн дөт замыг зvрх мэдэж байгаа, тэгээд гал мэдэж байгаа. Энэ лекцийн дараа галын йогын тухай ярьвал арай ойрхон болж ирнэ. Яагаад гал гэж ярив? Тvрvvн битvv санаа өгсөн. Зvрхний галын тухай ярьсан.

Өнөөдөр зvрхний соёл боловсролын тухай ярих, зvрхний соёл боловсролд шамдах, зvгээр амьд, тэсэн vлдэхийн төлөө хичээхээс өөр аргагvй болсон. Энэ ертөнц маань тархины боловсролоор аврагдахгvй, харин бvр сөнөх гээд байна гэдгээ ойлгосон. Тэгээд барууныхан зvрхний боловсролд их шамдаж байгаа. Энд юун зvрх гээд, зvрхний эмч юм уу зvрхний тухай яагаад яриад байна аа гэж та бодохгvй байх. Өөрсдийнхөө зvрхийг янз бvрийн хог новшоор дардаггvй болж эхлэх хэрэгтэй байна. Энэ өөрөө галтай эрхтэн шvv дээ. Мөрөөр нь байлгах хэрэгтэй. Бохирлохгvй бузарлахгvй, ядахдаа зөнгөөр нь байлгаж суръя.

Зvрхний жинхэнэ мөн чанар бол хайр юм. Тийм ч учраас зvрхний бэлгэ тэмдэг нь хас, хэрээс байдаг. Хэзээнээс, хvй нэгдлийн vеэс эхлээд хайрын бэлэг тэмдэг нь хэрээс байсан. Эрт дээр vед хайртай гэхээрээ хэрээс зурдаг байжээ. Хvй нэгдлийн vед хvртэл зөнгөөрөө хэрээс зурдаг байсан байна. Яагаад хэрээс юм бэ гэхээр зvрхний өглөгийн зарчмыг хэрээс хамгийн тодорхой илэрхийлдэг. Бvр бvдvvн тойм жишээ авах юм бол зvрх дөрвөн тасалгаатай. Энэ бас л хэрээс гэсэн vг. Өндөр дээд утгаар нь ярих юм бол орчлонг тууривсан эх гэж байдаг. Эцэг бvр далд байдаг. Энэ динамик туурвил чинь эхийн бvтээл байгаа юм. Дандаа эцгийн бvтээл гэж ярьдаг. Vvнээс бvр дээшээ юм чинь эцэг vvнд хамаа ч байхгvй. Бvгдээрээ орчлонгийн эхийн туурвил. Орчлонгийн эхийн бэлгэ тэмдэг мөн л ийм хэрээс байдаг. Ямар учраас ийм байдаг юм бэ гэхээр орчлонгийн ээжийн босоо болон хэвтээ гvйдлvvдийг илэрхийлж байгаа юм л даа. Энийг бvр наашлуулаад ярьвал хvн бурхны ямар нэг адислал, хишиг, энергийг хvртэхээрээ нисээд явмаар, пуужин шиг хөөрмөөр санагддаг. Vнэхээр тэгэж мэдрэгддэг. Гэтэл юу хөлд нь хvндрvvлэгч vvсгэдэг вэ гэвэл өглөг, ертөнцийн хорыг уугаад, ертөнцийг хороос саармагжуулаад хамаг амьтанд тусалъя гэсэн энэрэл нигvvлслийн сэтгэл хvнийг адислалаар тэнгэрт дэгдэн хөөрөхөөс сэргийлдэг. Босоо зураас дээшээ нисэх адислалыг хэлж байгаа юм. Хэвтээ зураас нь хvндрvvлэгч хөлдөө хийгээд бусад амьтныг хайрлахын төлөө хорвоод vлдэхийг хэлж байгаа юм.

Иймээс зvрхний бэлгэ тэмдэг нь ердөө л өглөг. Зvрхний өөрийнх нь хамгийн гол амьдардаг арга нь өглөг юм байна. Ходоод бол идэхсэн идэхсэн, уухсан уухсан гэдэг. Харин зvрх өгье, өгье гэж байдаг. Тэгтэл өглөгийн замыг таслаад, хайраас өөрийгөө таслаад, зvрхээ тэжээлгvй болгочихоор энерги луйвардах вампирын замд ордог юм байна. Өөрөө ч мэдэхгvй хvн заримдаа гайгvй, заримдаа гайтай хvн байдаг. Шvvмжлээд, хvн муулаад, хvнд атаархаад эхлэнгvvтээ вампир болчихож байгаа нь тэр. Тэгэхээр зvрхний өглөгийг яаж өгөх вэ? Хамаа замбараагvй цацаад байх юм уу, vгvй юм уу? Vvнд л харин ухаан тусалдаг юм байна. Ухаан бодол, зvрх хоёр хоорондоо vй зайгvй шvтэлцээтэй, барилдлагатай. Донор хvн, сайхан сэтгэлтнvvд зvрхний энергийг хамаагvй цацсанаас болоод тэдний ойролцоо олиггvй вампир, хvмvvжилгvй хvvхэд олон байдаг. Яагаад гэвэл тэр сайхан хайрын, зvрхний энергид пологтоод хордлого авчихдаг. Ихийн их хайранд эвдэрсэн хvн их олон байдаг. Гэтэл хайр vзээгvй мөртлөө их сайн хvн болсон хvн байдаг. Vvний цаана юу байдаг вэ гэвэл зvрхний хордлого, зvрхний энергийг замбараагvй өгсөн дутагдал оршиж байдаг юм байна. Тэгэхээр өглөгийн тухай ярихдаа бас өгч сурах тухай ярих хэрэгтэй.

Ер нь бохир саванд эрдэнэ хийдэггvй. Заавал цэвэрхэн сав хайдаг. Их сайхан идээ зоогийг заавал цэвэрхэн саванд хийх тийм инстинкт, зөн байдаг. Тийм учраас саванд нь тааруулж өгөх ёстой юм байна. Биднийг тэгэхээр юу зөв хөтлөх вэ гэвэл ёстой бидний оюун ухаан, тархи. Тархи хvчний хуваарилалтыг хамгийн сайн хийдэг. Тархи зvрх хоёрын хийх ажил нь тус тусдаа. Тархины хийдэг ажлыг тархиар сайн хийлгэж байх ёстой.

Ёс зvй, ёс зvйн байнгын хороо гэж нөгөө бие биеэ байнга муулж хоорондоо хэрэлддэг хvмvvс их ярих юм. Зvрхний ариун цэврийн тухай мэдэхгvй байж, зvрх гэж ярьвал элэг нь хөшиж ойчихоор байж юун ёс зvй ярихтай манатай! Ёс зvй бол угтаа энгийн ойлголт, зvрхний ариун цэвэр л юм байна. Зvрхний ариун цэвэр гэж бас юу вэ гэж асуух байх. Хэний ч энергээр хооллохгvй байх ёс зvйг хэлж байгаа юм. Хэнд ч гэм учруулахгvй байх. Гэмтээнэ гэдэг чинь л хvний энергээр хооллож, луйвардаж байгаа хэрэг. Бvх шашин, гэгээнтэн энийг л хэлдэг. Бие, хэл сэтгэлээр битгий гэм хий гэдэг. Ямар инээдтэй юм бэ, ямар амархан юм ярьж байна аа гэх байх. Гэтэл энэ хамгийн энгийн зvйлийг хvн төрөлхтөн одоо хvртэл хэрэгжvvлээгvй л явж байна. Бие, хэл, сэтгэлээрээ гэм хийнэ. Биеэрээ гэм хийж байна. Сэтгэлээрээ гэм хийнэ. Бас хэлээрээ. Хvн оюуны төлөө (оюун гээд шал өөр юм ойлгочихсон яваа), тархины дэвшлийн төлөө бvгдийг хийж байна. Тэр энерги, тэр их идэвхээсээ жаахныг ч гэсэн зvрхээ галтай байлгахад, зvрхээ ариун байлгахад өөрийнхөө төлөө, сvнснийхээ төлөө зарцуулах юм бол хvмvvсийн ядахдаа сvнсний дэвшил нь арай өөр болно. Өөрийнхөө төлөө vvнийг ухаарч, vvнд шамдах ёстой.

Энэ дэлхий дээр амьдарч байгаа инстинкттэй амьтан болгон гэрэл гэгээ хvсэмжилж, гэрэл гэгээнд тэмvvлж байдаг. Би нэг жишээ татах дуртай. Тухайлбал шавьжны рефлексийг авч vзье. Шавьжны баруун талаас нь гэрэл тусахад зvvн талынх нь булчингууд чангардаг. Чангарахаараа автоматаар гэрэл гарч байгаа зvгт эргэдэг. Шавьж хvртэл ингэдэг ажээ. Гэрэл гээгээнд бvх зvйл тэмvvлэн оршиж байдаг. Хvмvvс өөрийнхөө аурыг харлаа гэхэд; тэр апарат, хардаг хvнээр харууллаа гэхэд бохир муухай байвал дуртай байх уу? Халтайчихсан, яажийсан, тэгээд vстэй юм шиг арзайсан ауратай байхыг нэг ч хvн хvсэхгvй. Бvгдээрээ гэрэлтсэн, болж өгвөл солонгон гэрэл цацарсан ийм л бvрхvvлтэй байгаасай л гэж хvснэ. Тийм биш бол ичнэ. Яагаад гэвэл шавьжинд байдаг зөн совин хvнд байхгvй байна гэж байхгvй. Ямар гоё тас хар аура байна аа минийх гэж хэлэх хvн хэрэв солиороогvй л бол олдохгvй. Тэгвэл ийм болохын тулд, тэгээд нөгөө орчлонгийн жигтэйхэн гоё очис чуулсан галтай зvрхтэй болохын тулд, янз янзийн гэрэл цацруулсан гэрэлтсэн биетэнтэй нөхөрлөж амьдрахын тулд хvн сэтгэхvйн энергээ сайхан байлгах хэрэгтэй юм байна. Хvн ёс суртахуун, ёс зvйтэй байх хэрэгтэй. Ёс зvй гэж юу вэ гэвэл хэнээс ч энерги, амин хvч сорохгvй, бусдад гэмгvй, хал балгvй амьдрахыг л хэлнэ. Бусдаас зөвхөн авах бус, бас өгч амьдрах хэрэгтэй гэдгийг ойлгох хэрэгтэй. Тэгэхэд л сэтгэхvйн энерги нь аяндаа өндөр зохион байгуулалттай болох тэр тvвшиндээ орчихдог юм байна.

Асуулт: Физик галаас илvv өндөр дээд гал бий гэж та ярилаа. Таны ярьж буй зvйл итгэхэд тун бэрхтэй юм. Би өөрөө физикийн ангийн оюутан л даа.

Хариулт: Галыг исэлдэх процесс гэж vзэхээс өөр тайлбарыг физикийн ухаан олж чадсан билvv? Физик, химийн сод эрдэмтэд ч хvртэл галын тухай төгс мэддэггvй гэж өөрсдөө хэлж байгааг сануулъя. Москвагийн их сургуулийн ректор Садовничийн, мөн бусад алдартай эрдэмтдийн Иерусалемд Пасхийн баяраар тэнгэрийн гал бууж ирэх vзэгдлийг нvдээр vзсэн сэтгэгдлээсээ хуваалцсан жишээг татъя. Тэнгэрийн гал бууж ирэх энэ ариун дагшин vзэгдлийг vзэхээр дэлхийн өнцөг булан бvрээс хvмvvс Христ дахин мэндэлсний баяр Пасхаар Иерусалемд жил бvр цугладаг. Сvсэгтэн, сонирхогч, эрдэмтэн, янз бvрийн шашны хvмvvс ирдэг. Энэ сvмийн тvлхvvрийг vе дамжсан Йудейн гэр бvлийнхэн хадгалдаг. Энэ vзэгдлийн бодитой, vнэн мөнийг баталгаажуулахын тулд Йудей ба лалын шашны төлөөлөгчид ажиглагчаар оролцож, vйл явдлыг нарийн нягт хянадаг. Ямар ч лаа, галгvй, харанхуй сvмд тэнгэрийн гал тодорхой цагт бууж ирэн, тэр галаас бvх хvмvvс гартаа барьсан лаагаа дамжуулан асаадаг. Энэ гал физик гал шиг шатааж тvлэхгvй, тvvгээр хувцас, нvvр гараа ариулна. Тэнгэрийн гал энэ онцгой шинжээ 20 минут хэртэй хадгалаад физик галд хувирдаг. Энэ бол физик галаас өөр, тvvнээс өндөр дээд гал оршин байдгийн яруу тод баталгаа. Энэ галын адислал, сэтгэхvйд vзvvлэх ариун гэгээн vйлчлэлийг бурхангvй vзэлт эрдэмтэн хvн хvртэл мэдэрч, ахин дахин энэ ёслолд оролцох сонирхолтой болжээ.

Н.Сома

Тотийн зөвлөгөөө (Еврей үндэсний үлгэр)

2009-01-21T06:57:00.000-08:00

Нэгэн хааны гүнжид “Хатагтай тоть” гэдэг ер бусын онцгой тоть байжээ. Тоть очир алмааз, сувд, шүрээр чимэглэгдсэн алтан торонд амьдарна. Гүнж өдөр бүр бараа бологчоо дуудаж тоть руу үйлчлүүлэхээр явуулдаг байв. Дутагдаж гачигдах юу ч үгүй. Тэр толгойдоо янз янзын малгай өмсч, сүүлэндээ янз бүрийн сувд зүүж, жигүүрэндээ төрөл бүрийн бадмаарагтай.

Нэг өдөр гүнж нэлээд хол газар орших нэгэн улсад их ховор төрлийн сүрчиг байдгийг сонсоод тогтож суухаа болив. Ингээд тэр сүрчигийг өөрт нь авчирч өгөхийг Тайганаас гуйв.Хэдийгээр энэ томилолт нууц байсан ч Тайган өөрийн сайн найз тотьдоо “баяртай Сенёра” гэж хэлэх хүслээ тогтоож чадсангүй. Тайганыг тийм урт аялалаар явахыг сонссон тотинд салах ёс гүйцэтгэхэд маш хэцүү байлаа.Тоть тайгантай нөхөрлөсөн нөхөрлөлөө маш их хайрладаг бөгөөд юу тэднийг илүү дотно болгосон бэ? Гүнж үү? Үгүй ээ, гүнж бол зөвхөн түүнийг доош хүлж байгаа л нэгэн. Яагаад тоть гүнжийн үнэт зүйл байх ёстой юм бэ. Энэ ертөнц та нарыг доош хүлж байна. Энэ бие бол бидний сүнсийг энд хүлж байдаг, энд цоожилж байдаг. Бид энэ биеийг анхаарч өглөөнөөс орой хүртэл улаан ногоон өнгөөр будаж, түүнийг сайхан болгодог. Тэгээд бид жинхэнэ өөрийгөө энэ бие биш гэдгээ мартдаг. Одоо би өөрийн сүнсээ мартжээ. Яагаад гэвэл тэр миний биеийг орхиод явчихсан.Иймээс тотьны үнэт эрдэнэ бол хамгаас чухал эрх чөлөө учраас өдөржин шөнөжин холдон нисэхийг л боддог байна. Хэдийгээр түүнд улаан ногоон энгэсэг нялж, уруулын будаг г.м янз бүрийн зүйлээр будаж гоёж байвч сэтгэл зүрх нь зөвхөн эндээс холдон нисэхийг л бодож байсан, өөр юу ч хэрэггүй. Мэдээж тэр юм идэх хэрэгтэй, мөн тэдгээр сайхан хувцаснуудыг өмсөх ёстой яагаад гэвэл ордонд эелдэг боловсон, дэгтэй байх хэрэгтэй. Харин оюун санаа нь бүх л өдрийн турш билэгийн нүдэндээ төвлөрч зөвхөн зугтаахаа л боддог байсан. Тиймээс тайганд “Бид чинь сайн найзууд билээ. Би чамаас ач ивээл гуйж байна. Марталгүй гүйцэтгэж өгнө үү!” гэжээ.Тайган “Тэгэлгүй яахав. Би чиний төлөө бүхнийг хийнэ” Тоть “Чамайг аялалаар явж байхад зам зуурт чинь надтай адилхан тотьнууд тохиолдож магадгүй, тэд бол миний найзууд, төрөл төрөгсөд минь юм. Чи тэдэнд намайг энд занганд орсон байна, гэж хэлэх хэрэгтэй. Би асар их шаналж, үнэнхүү эрх чөлөөгүй байна. Энд байгаа бүх юм, сайн хоол унд бол миний хувьд юу ч биш. Эдгээр сувд, үнэт чулуунууд миний хувьд ямар ч үнэ цэнэгүй эд. Чи тэднээс намайг аврах ямар нэгэн аргыг асууж ирж чадах уу?”.Тайган “Тэгье. Би байдгаараа хичээх болно. Би заавал тэдгээр тотийг олж энэ мэдээг дамжуулах болно” гээд замдаа гарчээ.Тэр сүрчгийг хайж явтал ордон дахь тотьтой маш адилхан тотьны их сүрэгтэй тааралдав. Тэдгээр тотьнуудтай мэндлээд ордонд байгаа тотьныхоо өрөвдөм байдлыг ярив. Тотьны сүрэг дунд тотьнуудын их багш байв. Ордон дахь өрөвдмөөр байдлын тухай сонсоод тэр багш тэр дороо шууд унаад үхчихэв. Түүний гарын сарвууг дээш болгоход тэр дороо доош уначихав, тэр үхсэн байв. Амьдын ямар ч шинж тэмдэг үзүүлсэнгүй гарцаагүй үхжээ. Тайган ямар ч зөвлөгөө авч чадаагүйдээ урам нь их хугарчээ. Тотийг үхэхээс өмнө түүнтэй ярилцах завшаан олдсонгүй.
Ингээд түүнийг замын хажуу руу шидтэл тоть тэрхэн зуур нисээд явчихав. Тайган бүүр гайхширалд орж юу ч ойлгосонгүй. Яаж ингэж болох вэ? Болсон явдалд толгой нь эргэсэн тэр цочиролд орон удаан гэгч нь зогсчээ. Эцэст нь тэр ордон руугаа буцлаа. Ордоны тоть тайганыг хараад маш их баяртай байв. Тэд хоёулаа гар, хөлөө барилцан тэврэлдэж үнсэлцэж, хангалттай билэгтэй үгс хэлэлцэв. “Чи жин хассан байна” гэж нэг нь хэлэхэд нөгөөх нь “Чи жин нэмсэн байна” гэв. Эдгээр нь астрал түвшингийн болон энэ материаллаг ертөнцийн учир утгагүй заншил юм. Тайган түүнд аялалынхаа тухай олон сонирхолтой зүйлс болон зарим ер бусын ховор тохиолдлуудын тухай ярихыг хүссэн боловч тоть сонсохыг хүссэнгүй. “Чи юу идсэн? Чи юу тоглосон? Чи аль караоке руу явсан? Ямар бүжиг хийсэн? Чи ямар сайхан охин харсан? ийм ашиггүй зүйлүүдийн тухай юу ч битгий яриач. Миний төрөл төрөгсөд, миний нөхдийн хэн нэгэнтэй уулзсан уу?” Тайган: “Тэгсэн тэгсэн. Би том сүрэгтэй уулзсан. Тэд үг ярьж чаддаггүй юм шиг санагдсан. Тэд надад юу ч хэлээгүй. Чиний түүхийг тэдэнд ярьж өгтөл тэдний нэг нь миний гар дээр унаад өгсөн. Тэндээ ямар ч хөдөлгөөнгүй яг л үхсэн харагдсан. Би түүнийг үхчихлээ гэж бодоод замын хажууруу хаяхаар шидтэл тэр шууд л нисчихсэн, эрх чөлөөтэйгээр тайван амгалангаар цааш нисэн одсон. Тэр бас надад баяртай гэжхэлсэн. Чухамдаа бол би түүнийг ярьж чаддаггүй гэж, мөн үхчихлээ л гэж бодож байлаа. Гэвч тэр дүр үзүүлсэн байж. Одоо хүртэл энэ дүр зураг ямар учир утгатай байсныг төсөөлдөггүй ээ?”. Тоть үүнийг сонсоод “За, чамд маш их баярлалаа. Надад ч бас сонин санагдаж байна. Энэ түүх үнэндээ хачин юм” гээд явжээ.Гүнж өглөө бүр тотио харах гэж ирдэг байж. Дараагийн өглөө тотио үзэхээр ирэхэд нь тоть торондоо үхчихсэн хэвтэж байв. Гүнж зарцдаа их уурлаж түүнийг загнан, “Чи түүнийг алчихлаа, чи л түүнийг алчихлаа” гэлээ. Эцэст нь үхсэн тотийг гадагш хаяхыг зөвшөөрлөө. Зарц тотийг гадагш хаях үед л түүнтэй учирсан нөгөө тотьны санааг тайган ойлгожээ…

Бид ч бас энэ ертөнцөд үхсэн мэт дүр үзүүлэх хэрэгтэй. Бид энэ ертөнцийн үнэ цэнийг мэдэж байгаа шүү дээ. Бид хүний биеийг олж авахад ямар хэцүү байдгийг мэдэж байгаа. Энэ ертөнц бидний хувьд маш сайхан гэж бодож болохгүй. Хэрэв тэгвэл энэ ертөнцөд бид үхэхэд бидний сүнс дахин сэргэж эхэлнэ. Тийм учраас эрт үеэс эдүгээ хүртэлх үе үеийн их багш нар ертөнцөд яг л үхсэн мэт бай гэж хэлж байсан нь юу гэсэн үг вэ? гэхээр яг л үхсэн юм шиг энэ ертөнцөд хорогдохгүй, юунд ч зууралдахгүй бай гэсэн үг юм. Тэгэж байж бид чөлөөтэй байж чадна. Гэтэл ингэхийн оронд өглөөнөөс орой болтол хүмүүсийн өмнө эелдэг боловсон байж, ичиж зовж, мөн хэн нэгэнд бараа болж байдаг нь бид бусдыг гомдоохоос айдаг, эсвэл бусдад муу хэлэгдэхээс айдаг… г.м. Үнэндээ бид ихэнх цаг хугацааг үргүй хаяж байна.Өнөөдөр бид тэр хүнтэй түүний төрсөн өдрийн үдэшлэгт бараа болно, маргааш бид өөр хүнтэй түүний гашуудлын ёслолд оролцоно, нөгөөдөр нь бас бусдын гэрт өөр хэн нэгний хуримын ёслолд дагалдана, тэгээд дараагийн өдөр бас хэн нэгнийх нь гэр бүлийн салалтын үед шүүхэд гэрчээр байлцана, учир нь бид эелдэг боловсон нинжин сэтгэлтэй билээ г.м . Тэгэхлээр бид яаж зав гаргах юм бэ? Өнөөдөр бид тэдгээр хүмүүсийн утсаар чалчихыг хүлээн авах, дараагийн өдөр нь бусад хүмүүсийн утгагүй үг ярианд хариу өгнө. Түүнчлэн сонин уншина, телевиз үзнэ, ядахдаа л мэдээ харж хэн нь хэнийгээ алсныг мэдэж авна. Тэгээд дараагийн өдөр юу болох вэ?. Үнэндээ энэ ертөнцөд бясалгах цаг зав гаргана гэдэг их хэцүү. Бид хэрвээ энэ мэтчилэн өөрсдийгөө доош нь уяад байвал үндсэн голюмаа олж авч чадахгүй гэдэг нь илэрхий. Бид үхсэн мэт дүр үзүүлж чадахгүй бол өөр ямар нэг арга зам байна уу? Байхгүй ээ.Яаж үхсэн мэт дүр үзүүлэх вэ? Бид хэлгүй, тэнэг, дүлий юм шиг байж болно. Тэд буруу ойлгож л байг, тэд биднийг зэмлэж л байг энэ хамаагүй. Бид хил заагтай байх, юу нь эн тэргүүнд байхыг мэддэг байх хэрэгтэй. Бид аль л хийж чадах юмаа хийх хэрэгтэй. Хийж чадахгүй бусад зүйлсийг тэдэнд орхичих. Үхсэн юм шиг дүр үзүүлэх ёстой, эелдэг боловсон занг мэддэггүй юм шиг, өнөөдөр түүний төрсөн өдөр гэдгийг мэдээгүй юм шиг, маргааш тэрний оршуулга болохыг мэдээгүй юм шиг байх ёстой. Хэрэв бид завтай байгаад, хэрэв бидний амьдрал боломжтой бол мэдээж бид ямар нэг эелдэг боловсон байдал гаргаж бололгүй яахав. Бид амьдралдаа үргэлж завгүй байгаад, өөрсдийгөө доош нь дэндүү хүлж байвал тэр хүлээсийг тайлах арга замыг хайх хэрэгтэй, ядахдаа л өөрсдийн хоёр гараа чөлөөтэй байлгах хэрэгтэй, эсвэл бүгдийг аргамжчих юм бол яаж хөдлөх юм бэ? Бид зуун хувь үхчихсэн мэт дүр үзүүлж чадахгүй бол ядахдаа наян хувь дүр үзүүлж болно. Наян хувь бол бараг л чөлөөлөгдөнө гэсэн үг.Энэ ертөнцөд юугаар ч гачигдаж дутахгүй байх нь эрх чөлөөг мэдрүүлэхгүй болгодог бодит үнэн. Бид өөрсдийгөө чөлөөлөгдөх явдлыг удаашруулаад байдгийн шалтгаан нь энэ. Тэгвэл чөлөөлөгдөх гэж юуг хэлж байна вэ? Бид хэний ч нүдэнд өртөхгүй, ямар ч хүсэл шуналгүй болно. Бидний амьдрал амар амгалан, сэтгэл хангалуун болно. Бид дотооддоо маш их баяртай, аз жаргалтай болно. Гадна талдаа бид өөрсдийгөө л хариуцна. Тэгж байж бид энэ амьдралдаа чөлөөлөгдөж чадна. Үнэхээр үхэх үед бид энэ амьдралдаа чөлөөлөгдсөн тул дараагийн амьдралдаа мөн чөлөөлөгдөнө. Яагаад гэвэл бид амьддаа ч, үхэхдээ ч энэ ертөнцийн юунд ч хорогдохгүй, бид ямар нэгэн юманд хорогдож яаж чадах вэ? Сайхан торонд, сайхан хоол байгаа боловч идэхийг хүсэх ч үгүй байгаа тоть шиг. Тэр нисэх чадвартай байгаад, өөрийн эрх чөлөөгөө олж чадсаны дараа юу гэж энэ бүхэнд хорогдох билээ?

Яруу сэтгэгч сэтгүүлээс

Хайр бол бурхан / Жозеф Мерфи /

2009-01-13T04:52:00.000-08:00

2004 оны “81-р суваг” сонины №14-т секс судлаач Ш.Билэгсайхан бичихдээ, “хүний амьдралын утга учир нь хайртай хүнтэйгээ сайхан амьдарч, үр удмаа үлдээх юм даа. Бас хань ижилтэйгээ эвтэй байж, орчлонгийн жаргал зовлонг хуваалцах явдал. Хүн бүхэн хүссэн хүсээгүй сексийн мөнхийн хаанчлалд оршдог. Сайхан сэтгэл нийлсэн хүнтэй энгэр зөрүүлэхээс буцдаггүй хүн гэж ертөнцөд байхгүй. Бэлгийн ариун бурхадаа баярлуулж, дорнын гуа шөнөөр алжаалаа тайлаарай. Бурханаас заяасан хувь заяандаа өөдрөг амьдарцгаая” гэж бичсэн сэтгэл хөдлөм мөрүүдийг би уншиж байна. Нэгэн цагт лам явсан энэ хүн хэрхэн секс судлаач болсон тухайгаа өгүүлэхдээ, “сүүлд биеэ үнэлэгчдийг судлаад улс үндэстнээ хормойн явдлаас аврахын тулд секс зохиол руу орсон. Надад диваажин, тамын өлгий, хүмүүс бол бурхан чөтгөрийн хувилгаан гэж бодогддог. Хүн буян үйлдэх үедээ диваажинд, нүгэл хийх үедээ тамд амьдардаг юм байна гэсэн санаа төрсөн” гээд, тэрээр “өнөөдөр хүн төрөлхтөн оршин буй цагт нууц амрагийн явдал амь бөхтэй. Миний бодлоор биеийн нууц амраг гэж байдаг. Ардын дуунд мөнхөрсөн үзэсгэлэнт бүсгүйчүүл хайргүй хүнтэйгээ суугаад хайртай хүндээ сэтгэл алдрах бол сэтгэл зүрхний нууц амраг юм. Харин бусадтайгаа нууцаар яваллдах, буруу хурьцал үйлдэх зөвхөн биеийн цэнгэл эдлэх, түүнээсээ таашаал авах секс үйлдэл бол нүцгэн биеийн нууц амраг юм даа. Өнөөдөр адгуусны хүсэл тачаалаа хангах гэсэн нүцгэн бие цогцсын нууц амрагууд элбэг болжээ. Энгэр зөрүүлэх хүслээ хангах гэсэн ухаан жолоогүй самуурлаас болж, нийгмийн бүх давхаргынхан нуц амрагтай болсноор сексийн буруу зуршил үйлээс үүдэлтэй гэр бүл салалт маш их байна. Хүний амьдрал хайр халамж, сексийн ханамж, мөнгө төгрөг, итгэл найдвар дээр тогтдог.
Монгол бүсгүйчүүд оюунлаг, тэнгэрлэг заяатай, энгэр зөрүүлэхдээ гарамгай эр нөхөртөө үнэнч байдаг. Яагаад бусадтай нууцаар явалддаг вэ? Эр хүний сэрэл нүдэндээ байдаг учраас гоо бүсгүйд шунан тачаадаж, хүслээ хангахын тулд улайрч, хэн нэгэнтэй унтдаг. Хүүхнүүд амьдрах чадваргүй, хартай архичин нөхрөөсөө уйдаж, өөр эртэй энгэр зөрүүлж, бусдад өврөө нээдэг. Тэр хормойн нууц жаргал бүхэн түр зуурын зугаа цэнгэл, хэдхэн агшны бие сэтгэлийн шунал тачаал байдаг” гэжээ.
Тэгвэл “Далд ухамсар” хэмээх алдартай номыг зохиогч Жозеф Мерфи хүний хувь заяа амьдралыг тодорхойогч хүч бол дотоод ертөнц буюу далд ухамсар гэдэг нээлтийг хийсэн билээ. Хүн хязгааргүй баян болох, хязгааргүй аз жаргалтай амьдрах тэрхүү шидэт хүч юу вэ гэвэл энэ бол далд ухамсар, энэ бол хайр гэж Жозеф Мерфи тодорхойлсон юм. Германы саятан “Санхүүгийн эрх чөлөөнд хүрэх зам” хэмээх алдарт бестселлерийг бичигч Бодо Шеферь, АНУ-ын үл хөдлөх хөрөнгийн хаан тэрбумтан Дональд Трамп “Жозеф Мерфигүйгээр тооцоогоо бүү хийгээрэй, түүнгүйгээр хийсэн бүхэн хазгай байх болно” гэж сануулсан. Сүүлийн үед дэлхий дээр хулгай хийлгүйгээр, луйвар хийлгүйгээр, авилга авалгүйгээр улс орноо цөлмөн дээрэмдэлгүйгээр, ард түмнээ дарангуйлалгүйгээр хэрхэн баяжиж амжилтад хүрэх тухай номууд гарсаар байна. Тэрхүү номуудын зарим нь монгол хэл дээр орчуулагдсаар байна.
Энэ номууд хүн төрөлхтөн харанхуйгаасаа болж, төөрөгдлөөс болж ерөн хувь нь магадгүй 99 хувь нь ядуурч, аз жаргалгүй амьдарч байна аа гэдгийг хэлж байгаа явдал юм.
Нэгдүгээр төөрөгдөл юу вэ? Адом Жексон хэмээх зохиогч “Баяжихын 10 нууц”, “Хайрын арван нууц”, “Эрүүл байхын арван нууц” хэмээх олон бестселлер номыг зохиосон билээ. Эдгээр номуудыг монгол хэл дээр хэд хэдэн удаа орчуулж гаргасан байгаа. Тэрээр хайр ба бэлгийн шохоорхлоос болж, хүн төрөлхтний хамгийн том төөрөгдөл алдаа эхэлдэг гэж өгүүлжээ. Учир нь хайр бол сохор биш, харин бэлгийн дур шохоорхол сохор гэдгийг өгүүлсэн юм. Хайр бол тэнгэр бурхны хишиг, амьдрал хувь заяаны давтагдашгүй гайхамшиг. Үерхэл нөхөрлөл хүн чанарыг туулж, хүн өөрөө сэтгэлээрээ бүтээдэг агуу нэгэн гайхамшиг билээ. Байгалийн хуулиар бол жоом, бясаа, чоно, нохой үнэг туулай гээд бүхий л амьтанд бэлгийн дур шохоорхол бий. Тэдний хувьд бэлгийн дур шохоорхол тодорхой цагт орж, үр төлөө үлдээдэг билээ. Тэгвэл хүн хайрыг умартаж, бэлгийн дур шохоорхолд хөтлөгдсөнөөс амьдрал нь амжилтгүй болох азгүйдлийн зам эхэлдэг байна.
Хилль Наполеон амжилтын академийг байгуулж, АНУ-ын хорин таван мянган амжилттай яваа хүмүүсийн амьдралыг судлаад азгүйдлийн 33 шалтгааныг тодорхойлсон. Түүний нэг нь бэлгийн дур шохоорхолд автсан азгүй гэрлэлт юм.
Азгүй гэрлэлтээс болж, сексийг хэтрүүлэх аль эсвэл сексийг дутаах нь хүний эрүүл мэндэд халтай төдийгүй хувь заяанд хортой гэдгийг тодорхойлжээ.
Хайр, бэлгийн дур шохоорхлыг ялгахгүйгээс болж, секс, бэлгийн хавьтал хоёрыг ялгахаа больдог байна. Секс бол агуу их хайрын хүчинд хүн төрөлхтөнд заяасан эрхэм нандин бурхны хишиг мөн. Гэтэл бэлгийн сохор дур шохоорхлоос болж, энэхүү агуу нандин зүйлийг бэлгийн хавьталтай эндүүрдэг байна. Сохор дур шохоорхол замбараагүй бэлгийн хавьтлын үр дүн бол, энергийн хомсдол, арьс өнгөний төрөл бүрийн өвчин, эцсийн эцэст өнгөрсөн зууны тахал, шинэ мянганы мангас ДОХ болж хувирсан. Дараагийн нэг эндүүрэл нь өмч ба хөрөнгийг хольж хутгадаг явдал юм. Цаг хугацаа өнгөрөхөд өмч, өмхөрч мууддаг бол, харин хөрөнгө буюу хөрөнгө оруулалт цэцэглэн манддаг байна. Дараагийн нэг төөрөгдөл бол мөнгө юм, Мөнгөнд урласнаар хүн чөтгөрийн урхинд ордог гэж ядуу аав үр хүүхэддээ сургадаг байна. Тэгвэл баян аав үр хүүхэддээ юу гэж хэлдэг вэ гэвэл хүн мөнгөний гачаал дутагдалд орсноороо чөтгөрийн урхинд ордог гэж хэлсэн байна. Өнөөдөр хүн төрөлхтний ерэн хувь нь мөнгийг үзэн ядаж, мөнгийг үгүйсгэж амьдралынхаа эцсийн мөч хүртэл мөнгөний гачигдалд орж, мөнгөний төлөө би амьдраагүй гэж насан турш хэлдэг боловч мөнгөний төлөө эцсийн амьсгаа хураах хүртлээ амь зуудаг байна. Нэг үгээр хэлбэл мөнгөний машинтай болох, мөнгөний машин болох хоёрын төөрөгдлийг ялгадаггүйгээс ийм байдалд хүрдэг байна.
Дараагийн төөрөгдөл нь спорт, биеийн тамирыг ялгадаггүйгээс амьдралдаа алдаа хийдэг. Өнөөдөр дэлхий даяар ДОХ, цөлжилт, ядуурлын их аюул байна гэж их ярьж бичиж, том төсөл зохиож, ДОХ, ядуурал, цөлжилтийн нэрээр маш их мөнгийг цохиж байна. ДОХ, цөлжилт байтугай жирийн өвчин байгалийн аюул ч биднийг үхэлд хүргэдэг шүү дээ. Хүн төрөлхтний оюун санаа төөрөгдөлд байгаа учраас гэгээрэхгүй байгаа учраас дэлхий дэлбэрэлтийн өмнө иржээ. Магадгүй шинэ дайн болох юм уу, магадгүй шинэ хувьсгал гарах юм уу, магадгүй түүхэнд байгаагүй аллага хядлага болж дахиад л хүний цус урсах ч юм билүү. Ертөнц өөрийгөө аврахыг хүсэж байна, ертөнц өөрөө амрахыг хүсэж байна, ертөнц өөрөө хог буртагнаасаа салахыг ч хүсэж байгаа юм бил үү. Хүссэн хүсээгүй дэлхий ертөнц дээр агуу их сексийн хаанчлал оршиж хайр байгаа гэдэгт маш их найдаж байна.
Секс бол агуу их эрчим хүч, хайр бол түүнийг бадраагч ид шид билээ.
Жозеф Мерфи өнгерсөн хорьдугаар зууны болон бүхий л хүн төрөлхтний агуу их нээлт бол атом цөмийг нээсэн ч биш, сансарт ч ниссэн биш харин далд ухамсрыг нээсэн буюу хүний амьдралын арван хувь нь ил, 90 хувь нь далд ухамсарт явагддаг байна. тийм учраас зарим нэг нь баян болж байхад зарим нь ядуурч, зарим нь хань ижилгүй ганцаараа болж, зарим нь азгүйтэлтэй учирдаг байна.
Секс бол ДОХ. ДОХ бол секс. ДОХ бол аюултай гэсэн ерөнхий ойлголт газар авчээ. Ноён хутагт Данзанравжаа өвчин бага ч үхлийн шалтгаан болдог гэж хэлсэн байдаг. Цагаа тулахаар хамрын ханиад ч үхлийн шалтгаан болно шүү дээ. Мөнгө бол хүч чадал, энерги гэж үзэж байгаагийн нэгэн адил секс мөн энерги, хүч чадал мөн. Мөнгө сайныг ч, саарыг ч бүтээж чаддаг. Түүнлугаа адил цаг хугацаа нэг бол бүтээдэг, нэг бол сүйтгэдэг гэдгийг Солонгосын алдарт Хьюндай корпорацийн захирал Чанг Жу Юнг хувь заяагаараа нотолсон. Секс бол хайр, хайр бол секс.
Жозеф Мерфи хэлсэн нь, “хайр бол бурхан, та баян чинээлэг байх эрхтэй бөгөөд энэ нь бурхнаас заяасан эрх юм. Өөрөөр хэлбэл, та амьдралаас таашаал авах гэж хүн болон төрсөн гэсэн үг. Та энэ дэлхий дээр аз жаргалтай баяр баясгалантй амьдрах гэж төрсөн. Эд баялаг хаа сайгүй байгаа бөгөөд таны дотор буй шидэт горхиноос мөнгө найз нөхөд, тухтай амьдрах байшин, гоо сайхан гээд бүхнийг хүртэж эхэл. Бүх цаг үеийн агуу их нууц бол хүний дотор амьд сүнс “бурхан” оршдог. Утгагүй шинжлэх ухаан хүний генийг өөрчилж, Эйнштэйн, Бетховен шиг агуу их хүмүүсийг хүссэн тоогоороо төрүүлэх гэнэ. Гэвч хүний дотор амьд сүнс “Бурхан” байдаг бөгөөд түүнийг өөрчлөх аргагүй юм. Тэр өчигдөр ямар байсан өнөөдөр тэр л хэвээрээ байх болно. Хүн гэдэг байгаагаасаа хавьгүй агуу юм. Хүний өөрчилдөг цорын ганц арга нь оюун ухаан юм аа. Зарим эрдэмтэд гариг хооронд аялаж, гинжин урвалаар атомын цэнэгийг задалж байгаа нь манай үеийн нууц гэж үзэж байгаа нь энэ биш юм аа. Гол нууц нь хүний дутар амьд сүнс “бурхан” байдагт л оршино. Хүн ертөнцийн агуу нууцыг өөрөөсөө болон бусдаас хайдаг. Тиймээс та одооноос эхлэн өөрийн дотор буй ер бусын ид шидийг олж, ингэснээр та аз жаргалтай амьдрах үүдийг нээнэ. Мэдээж та бол хөгжин дэвжиж, амжилтанд хүрч сайхан амьдрах хүсэлтэй, хүссэн цагтаа хүссэн зүйлээ хийхийн тулд мөнгө хэрэгтэй.
Ядууралд сайхан зүйл байхгүй, ядуурал гэдэг бол сэтгэл зүйн өвчин. Дэлхийн янз бүрийн оронд очиж байхад иргэд би хориос хорин таван мянган доллартай байсан бол бодсон юмаа хийхсэн гэж хэлдэг. Санхүүгийн болон сэтгэл санааны хямралд орсон хүмүүс ингэж ярьдаг. Та сэтгэл санаагаа тайвшруулж, мөргөл үйлдэх цаг заавал гаргаарай. Хөгжил цэцэглэнээ гэдэг сэтгэл санаа, оюун ухан, санхүү гээд бүх л салбарт ахиж дэвшихийг хэлдэг.
Та унтахынхаа өмнө орой бүр баялаг бол амжилт, амжилт бол баялаг гэж хэлж унтаарай. Нэг сайн бодол мянган сайн бодлоос илүү хүчтэй гэдэгт үнэн оршдог. Ядуу гэдэгтээ үнэмших нь хүнийг хязгаарлагдмал байдалд оруулдаг. Баялаг гэдэг бол оюун санааны байдал, хязгааргүй нууц.

Секс судлаач Ш.Билэгсайхан

XIV Далай ламын айлдвараас..,

2008-01-11T05:27:00.001-08:00

Хүний амьдралын зорилгын тухай
Бид бүхэн хар шар, баян ядуу тэр бүү хэл өөрийн аливаа ухамсарт бодол санаанд огтхон ч хамааралгүйгээр үргэлжид урган гарч ирдэг томоохон асуултын нэг нь "Хүний амьдралын зорилго юу вэ?" гэдэг билээ. Энэ талаар Далай лам айлдахдаа "Хүний амьдралын зорилго нь амар амгаланг үүсгэх нөхцөл шалтгаан мөн" гэдэгт би итгэдэг гэсэн байдаг.

Амар амгаланд хүрэх арга
Нэгэнт зорилго маань амар амгалан мөн учир янз бүрийн аргыг хэрэглэх нь зүй юм. Гэвч тэр бүхний сайн, муу үр дагаврыг нягтлан шинжих нь зүйтэйг сануулсан билээ. Энэ нь одоо хийгээд ирээдүйн ашиг сонирхолын зааг ялгааг ухаарах учиртайг анхааруулж байгаа бөгөөд ингэж чадваас ач холбодол нь маш их юм. Аливаа юмсыг нөхцөл байдлынх нь дагуу авч үзэх нь зүйтэй.
Амар амгаланг бид сэтгэл дотроо бүтээн бий болгох нь чухал гэдгийг тэрээр онцлон захисан байдаг. Тиймээс "Дотоод амар амгалангийн хамгийн дээд зэргийг асрах, нигүүлсэх сэтгэлийг дадуулан хөгжүүлснээс олж болно" гэж үздэгээ Далай лам бээр илэрхийлсэн юм. Асрах, нигүүлсэх сэтгэлийг бид бусдын төлөө үүсгэх нь зүйтэй. Энэ тухай тэрээр "Бусдад дотночлон энэрэх сэтгэлээр хандаж чадвал бид ая зөнгөөрөө л амар амгаланд орох бөгөөд түүгээрээ бидний айдас, зовлон түгшүүр бүхэн үгүй болох ба түүнтэй хамт саад бэрхшээлийг даван туулах чадварыг бий болгон хөгжүүлж чадна" хэмээсэн байна.
Өөрийн хүч чадалдаа найдах нь зөв
Хүн төрөлхтнийг энэ ертөнцийн дээд заяатан хэмээн би боддог хэмээн Далай лам нэгэнтээ айлдсан байдаг. Бидэнд байгалиас заяасан тэр чадамжийг хөгжүүлснээр өөрт болон бусдын төлөө сайн сайхныг бүтээж чадна. Гагцхүү хамгийн чухал нь өөртөө итгэх итгэл гэдгийг онцлон айлджээ.
Хүсэл нь сайн муу хоёр янз
Хүслээс эерэг болон сөрөг үр дагавар үүдэн гарна. Жишээ нь эерэг үр дагавар гарах хүсэл нь Бурханы шашны үзлээр хамаг амьтанд тус хүргэх, нөгөө нь хамаг амьтанд туслахын тулд бүрэн гэгээрэл олох явдал юм. Харин хүслийн сөрөг үр дагавар нь эд баялаг руу чиглэсэн сонирхол өдөөж, үргэлж хомхойрч, ямагт ихийг хүсдэг болгодог. Ингэснээр сайных нь үрд гэгээрэлд хүрдэг бол сөргийнх нь эрхээр хүсэл нь гүйцэлдэхгүй гачигдах, дутагдах зовлонд нэрвэгдсэн хөөрхийлөлтэй амьтан болдог хэмээжээ.
Өөрөө хичээвэл хүн өөрчлөгдөнө
Аливаа юмс гэнэт өөрчлөгдөх гэж үгүй. өөрт буй муу гэмээс хагацаж, өөрчлөгдөхийг хүссэн хүн ямар бодол санаа ашиг тустай байдгийг шинжлэн үзэх нь чухал гэж тэрээ р захисан байна. Хүний сэтгэл олон янзын өнгө төрхтэй бөгөөд тоо томшгүй санаа бодлыг агуулж явдаг. Түүнийг нөхөр ба хорт сэтгэл гэж хувааж болно. Ингэж чадах нь оюун сайтайн шинж бөгөөд нөхөр сэтгэлийн үнэ цэнийг санаж, дэлгэрүүлж байх нь чухал. Харин хорт сэтгэл хөдлөлийг таслан зогсоож бай. Хорт сэтгэл хөдлөл гэдгээр уур хилэнг авч үзсэн байна. Хоромхон зуурт зовлонг тарих, айдас түгшүүр бий болгох улмаар гай гамшиг дагуулах хүчтэй учир хорт хэмээн тодорхойлж байгаа ажээ. Уур хилэнг хорьж сэтгэлээ тайвшруулах арга бий. Энэ нь шалтгаант үйл явцыг таслан зогсоохын тулд эхний үе шатаас л тухайн байдлыг хянаж байх нь чухал.
Бусад хэмээн бодох нь өөрт халгаагүй
Өнөөгийн дэлхий дахины харилцаанд бодхи сэтгэлийн хандлага нь маш зохимжтой талаар Далай лам айлдсан. Дэлхийн улс гүрний харилцаа гэдэг угтаа хүн нэг бүрийн харилцаа юм. Энэ нь бусад хэмээх өөрөөс ангид барих аминч үзэл улам бүр хэрэггүй болсоор байгааг илэрхийлж байна. Хэрэв бусад хэмээх үзэлдээ баригдан тэдний сайн сайхныг умартваас өөрөө муу чигээрээ үлдэнэ. Аливаад бусдыг золиослон ашиглаваас адаг сүүлдээ алдаанд хүрнэ. Эргээд таны төлөө санаа тавих нөхөдгүй болох юм. Харин энэ бүхний эсрэг хэн нэгэн бээр нигүүлсэхүй ба бодхи сэтгэлтэй байх аваас найз нөхөдтэй болно. Үүнд хол газар явж, олон хүнтэй уулзсан гэх мэт шалтгаан ямар ч хамааралгүй юм. Танд золгүй явдал тохиолдвол танд гар сунгаж туслах хүн огтхон ч мундахгүй.
Үнэнч нөхөрлөл юунд үндэслэх вэ?
Мэдээж та хэн нэгэнтэй бусад гэсэн холд барих үзлээр ханддаггүй байх ёстой. Үнэнч нөхөрлөл мөнгө, албан тушаалд бус хүний сайхан чанар дээр үндэслэдэг ажээ. Эд баялаг дээр үндэслэсэн нөхөрлөл өнөөх зүйл нь үгүй болонгуут л эвдрэн одно. Цаг үргэлжид шавж, утсыг чинь улайсгадаг найзууд үгүй болно. Та үүнд гайхах хэрэггүй бөгөөд ийм хүмүүсээс аль болох нөхөрлөх, туслалцаа авах гэхээс зайлсхийж байх нь зүйтэй.
Жинхэнэ үнэнч нөхөрлөл бий болгохыг хүсвээс бусдын сайн сайхны төлөө санаа тавьдаг, тэдэнтэй ихээхэн илэн далангүй, үнэнч харилцаж чаддаг байхын төлөө суралцах ёстой. Хүний сайхан чанар гэдгийг тэрээр "ариун сэтгэлээр өдөөгдсөн өрөвдөхүй, санаа зовнихуй, үнэнч шударга зан, сахилга жаяг хийгээд оюун ухаан юм" хэмээн тодорхойлсон билээ. Сайхан чанараа хөгжүүлж чадах эсэх нь өөрийнхөө хүч боломжийг чадварлаг ашиглаж чадсан үгүйд харгалзана.
Гутрал хаанаас бий болдог вэ?
Аливаад зөв ажиглалт хийж чадаагүйгээс гутрал бий болно. Энэ нь түүний сэтгэл ханамжгүй, аливаад азгүй, амьдрах хүртэлх итгэл алдрах шалтгаан болдог. Дэрх шалтгаанууд нь бүхий л мэдэгдэхүүнтэй холбоотой. Мэдэгдэхүүн нь бодит юмсын салшгүй хэсэг бөгөөд гутралын эх үүсвэр эсвэл дайса нбус, харин ч нөхөд буюу аз жаргалын эх сурвалж болж өгдөг гэдгийг ухаарах ёстой. Бидэнд зөвхөн төвөг учруулдаг хүмүүс байдаг. Тэд үнэндээ байгаагүйсэн бол тэвчээр хатуужилд хэн биднийг сургах вэ? Шантидэва гэгээн бээр "Дайсан бидэнд зориудаар хорлол хүргэдэг. Хэрэв тийм бишсэн бол бид хандлагаа янз бүр болгож, түүнийг дайсан гэж онцлон үзэхгүй байхсан. Хорлол учруулснаар хатуужил тэвчээрт суралцах боломжийг бидэнд олгодог дайсан маань уул шугамдаа бидний эрхэм багш мөн" хэмээн айлдсан байдаг.
Нөгөө талаар та дандаа сул дорой байвал хүмүүс элэг бариж эхэлнэ. Үүнд та уурлаж хилэгнэхээсээ өмнө ухаан зарж, зайлшгүй авахаас аргагүй арга хэмжээг сонгосон ч уурлахгүйгээр үйлдвэл дээр ажээ. Уурласнаар бид дандаа алдаа гаргадаг. Бид уур хилэн, үзэн ядалтгүйгээр аргыг нь аятайхан олж чаддаг байх ёстой.
Нигүүлсэхүй юун дээр суурилдаг вэ?
Бурханы шашинтан бээр жинхэнэ нигүүлсэхүйг өөртэйгээ адил зовлонг гэтлэх эрхтэй байх хийгээд жаргал хүсэгч бусдыг талархан хүлээн зөвшөөрөхүй дээр суурилдаг гэж үздэг. Бусдын зүгээс өөрт хандсан бусдын хандлагаас хамааралгүйгээр тэдний сайн сайхны төлөө санаа тавих зарим чанарыг төлөвшүүлэх нь нигүүлсэхүйн суурь бөгөөд энэ нь жинхэнэ нигүүлсэхүйд хүргэх арга зам мөн.
Найз нөхөдөө гэсэн таны хайр, нигүүлсэхүй бол үнэн хэрэгтээ шуналын айхтар хүчтэй шалтгаан аж. Учир нь надад хэрэгтэй, миний найз нөхөд гэсэн явцуу хүрээний санаархал бөгөөд шууд утгаараа шунал юм. Нигүүлсэхүйг үүсгэхийн тулд эхлээд тэгш сацуут сэтгэлийг үүсгэх ёстой. Энэ нь өөрийгөө дотно хүмүүсээсээ хол болгон санах, дараа нь дайсныхаа талаарх атхаг санааг таягдан хаях, түүний улмаас хамаг амьтныг тэгшид үзэх учиртай. Энэ нь таны зүгээс хамаг амьтны тухайд жинхэнэ нигүүлсэхүйг дэлгэрүүлж чадах болой.
Хүмүүний нигүүлсэхүйг дэлгэрүүлэхэд тустай төрөл бүрийн зүйл бий. Тэдний нэг гэвэл нигүүлсэхүйн их хүч юм. Энэ нь бэрхшээлийг сөрөх, уян хатан чанар хийгээд тухайн бэрхшээлийг таатай нөхцөл болгон хувиргах таны чадвар билээ. Энэхүү чадвараа хөгжүүлж чадваас тухайн хүн жирийн нэгэн, тэр байтугай дайсан болж хувирлаа ч Та санаа тавьдагаараа тавина.
Оюун ухаанаа зөв хөгжүүл
Хүн адгуус амьтнаас оюун ухаанаараа ялгагдана. Оюун ухаан биднийг хөгжил дэвшил, улам улам тансаг руу дагуулж байдаг. Гэлээ ч хүн төрөлхтөн өнөөг хүртэл сэтгэл хөдлөлийн таагүй илрэл, муу гэмүүдтэйгээ хамт амьдарсаар л байна. Энэ нь оюун ухаан маань бидэнд зөрчил мөргөлдөөн зэрэг гэр бүл, нийгэм, улс хоорондын ч үл ойлголцолыг авч ирдэг гэсэн санаа юм. Далай лам, харамсалтай нь оюун ухаан нь заримдаа сэтгэл санааны маш хүнд байдлыг бий болгодог хэмээсэн нь баталгаа болж байна. Нөгөө талаасаа оюун ухаанаа хөгжүүлбэл хамаг саад бэрхшээл, зовлон зүдгүүрийг гэтлэн давах түлхүүр болдог. Тиймээс оюун ухаанаа бид зөв зохистой замаар хөгжүүлэх нь л чухал. Үүний тулд өөрийн мөн чанараа зөв танин мэдэх нь зүйтэй.
Хэрхэн уураа дарах вэ?
Уур омгоос үүддэг. омог нь хэрцгий догшин сэтгэлийн хөдлөлөөр хөллөж, уур хилэн болон дүрэлздэг. Үүнийг дарахын тулд уур нь буруу, нүгэлт зүйл гэдгийг ухаарах явдал юм. Уур бидэнд байх ёстой зүйл гэж зарим маань үзэж түүнийг гаргаж байх ёстой мэтээр ойлгодог. Ингэж ойлговол өнгөрсөн хугацаанд танд харуусал гомдол, жигшил дургүйцэл гээд уурлах тохиолдол олон гарсан. Тэр бүхэнд уураа гаргаад байсан болохоор одоо уур чинь дуусчихсан байж болох. Гэтэл эсрэгээрээ. Уураа хянан дарах гэдэг маш нарийн ажил. Гэхдээ алхам алхамаар аажуухан хичээвээс тэр дарагдана. Уужим талбиун ухаанаар уур хилэнгээ дараж чадваас нигүүлсэх сэтгэл бэхжин тогтож хүний сайн мөс чанар, эрдэм ухаан аривжна. үүний үр дүнд муу хүн ч сайн хүн болж өөрчлөгдөж чадна.
Алс хэтийг хар, өргөнөөр сэтгэ
Саад бэрхшээл тохиолдоход зөвхөн тэр л хэмжээнд нь сэтгээд байвал тоолшгүй олон мэт санагдах бий. Харин уужим талбиун ухаанаар хандвал ямар ч саад бэрхшээл тохиолдсон атхаг сэжгээс хагацаж чадна. Үүнд байнгын хичээл шамдал орох нь мэдээж. Жишээ нь та өвдлөө гэж бодъё. тийм үед та өвчнийхөө тухай хэдий чинээ их бодох тусам, таны сэжиг төдий чинээ улам нэмэгдэнэ. Тийм нөхцөлд та, үүнээс илүү дордвол хэрхэх, үүнээс хүнд өвчин туссан бол хэрхэх зэргээр бусад илүү муу талтай харьцуулан бодвол илүү тустай болно. Ийм замаар та үүнээс ч илүү дордож муу болохыг ухааран өөрийгөө тайвшруулж аварч чадна. Мөн ингэж өөрийнхөө бодит байдлыг таньж сурна. Ингэж бусад хүнд байдалтай харьцуулж ухаарч чадвал аяндаа таны сэжиг хорогдох болно.
Тиймээс аливаад алс хэтээ харсан, өргөн цар хүрээгээр асуудалд хандаж сураарай.
Бидэнд, тэдэнд гэдэг ойлголт хоцрогдоод байна
Хүч үл хэрэглэх гэдэг нь ярилцах гэсэн утга агуулна. Энэ нь хэл амаа олж өвөр хоорондоо холбоо харилцаатай байх гэсэн утга. Мөн буулт хийх замаар бусдын санаа бодлыг сонсох, бусдын эрхийг хүндэтгэх, хүлээцтэй хандах гэсэн утга. Өнөөдөр дэлхий улам жижиг болон хумигдсаар байна. Үүний дүнд "Бидэнд", "тэдэнд" гэдэг ойлголт бараг хоцрогдоод байна. Хэрвээ бидний ашиг сонирхол бусдынхаас тусдаа, ангид оршиж чадвал төгс ялагч эсвэл төгс ялагдагч гэж байх боломжтой. Гэвч зуун хувийн ялагч, ялагдагч гэж байдаггүй. Энэ бол амьдралын жам. Үнэн хэрэг дээрээ энэ л ганц зам. Улам бүр хумигдаж байгаа өнөө үед хэрэг дэрээ бид бүгд нэгэндээ шүтэн барилдаж, миний ашиг сонирхол гэдэг бусдын сонирхол лугаа харилцан холбоотой болсоор байна. Тиймээс тавь тавин хувиар хуваах юм уу, эсвэл жаран хувийг өөртөө, дөчин хувийг бусдын талд өгч болох юм. Ийм л харьцааг хадгалахгүй бол буулт хийнэ гэдэг бас боломжгүй зүйл.

Ж.Хатанбаатар: Бурхан багш аз жаргалтай амьдрах зам мөрийн тухай агуу их нээлтийг хийсэн

2008-01-11T05:19:00.000-08:00

Випашяна бясалгал Монголд үүсч хөгжөөд 10 жил боллоо. Үүнтэй холбогдуулан Уламжлалт ангаах ухааны элэг судлалын килиник төвийн захирал Монгол Улсын хүний гавьяат эмч, Дхамма мангала бясалгалын төвийн тэргүүн Ж.Хатанбаатартай уулзаж ярилцлаа.
- 2500 жилийн түүхтэй энэ бясалгалын үүсэл хөгжлийн талаар уншигчдадаа ойлголт өгөх хэрэгтэй болов уу?

- Випашяна бясалгалын үүх түүх өнөөдөр дэлхий нийтийн сонирхлыг улам ихээр татсаар байгаа. Энэ бясалгалыг 25 зууны тэртээ манайхны ярьж дадсанаар Шагияа хааны хүү Сиддхарта Готама буюу Монголчуудын нэрлэдгээр Бурхан багш өөрийнхөө уйгагүй хөдөлмөр, хичээл зүтгэлээрээ нээн илрүүлсэн гэдэг. Үүний ачаар хүн төрөлхтөн өнөөдөр цаг мөч бүр амьдралын уруудаж өгсөж, зовж жаргаж байдаг бэрх нугачаанд сэтгэлийн зовлонгүй, жинхэнэ аз жаргалтай, эрч хүчтэй амьдрах амьдралын урлагт олон зууны туршид суралцаж ирсэн байна. Зарим хүн бясалгал гэхээр түүний цаана ямар нэгэн шашны үзэл суртал, ухуулга, дэг журам, элдэв ятгалаг оршиж байдаг гэж ойлгодог.

Тэгвэл энэхүү Бурхан багшийн нээсэн випашяна бясалгал шашны асуудлаас ангид байдаг. Тийм ч учраас өнөөдөр випашянагийн 112 төвөөр дэлхийн 100-аад оронд үйл ажиллагаа явуулснаар сая, сая хүн энэхүү гайхамшигтай арга техниктэй танилцаж, түүнийг эзэмшиж өөрсдийнхөө аз жаргалыг бүтээж байна. Випашяна бясалгал нь ямар нэгэн шашных байсан бол эдгээр шашин шүтлэг, зан заншил, мэдлэг боловсрол, эрэгтэй эмэгтэй, хөгшин залуу гэх мэтчилэн олон асуудалд саад бэрхшээл учрах байсан.

Гэтэл үнэхээр аз жаргалтай амьдрах арга ухаанд суралцах хүсэлтэй хэн бүхэнд энэ үүд хаалга нээлттэй бөгөөд саад бэрхшээлгүй байна гэдгийг амьдрал харуулж байна. Харин С.Н.Гоенкажигийн судалж үзсэнээр Бурхны шашинтай гэгддэг орнуудын хувьд випашяна нь нэлээд гүн суурилагдсан байдаг бөгөөд олон янзын уламжлалаар дамжин ирсэн байна. Монголчуудын дунд ч “Лүнрэгүпэг”, “Бодь бясалгал” гэсэн нэрээр уламжлагдаж байсан баримт байна. Одоогоор Монголчууддаа бидний явуулж буй бясалгал нь Саяажи Убакины уламжлалаар Гоенкажигийн заасан випашянаг 10 дахь жилдээ явуулж байна. “Дхамма мангала” випашяна бясалгалын төв нь энэхүү 10 жилийн хугацаанд Элэг судлалын клиник төв, Богд-Уул сувилал, засан хүмүүжүүлэх газар, гоц авьяастай хүүхэд, эмзэг бүлгийн хүүхдүүд, их тэнгэр цогцолбор болон нийгэмдээ оюун ухааны хөгжлийн чиглэлээр ажилладаг олон арван төрийн болон төрийн бус байгууллагуудтай хамтран “оюун ухааны хөгжлийн хөтөлбөр”-ийг 1997 оноос хойш амжилттай хэрэгжүүлж үр дүнтэй ажиллаж ирсэн.

- Випашяна бясалгал Монголд үүсэх болсон нөхцөл шалтгаан юу вэ?- Монголчууд бид асар эртний төрт ёс, соёлын гайхамшигт өв уламжлалтай ард түмний нэг. Сүүлийн 100-аад жил зан заншил, уламжлалт соёлоо судлах, уламжлах, хойч ирээдүйдээ өвлүүлэн үлдээх үйл ажиллагаа нэлээд алдагдсан. Гэвч 1990-ээд оноос үүх түүх, шашин соёл, уламжлалт зан заншлаа дээдлэн хөгжүүлэх сайхан боломж нээгдсэнээр анхны уламжлалт анагаах ухааны бие даасан эмнэлгийг бий болгон хөгжүүлэх сайхан аз завшаан надад тохиосон юм.

Монголын уламжлалт анагаах ухаанд эрдэнэт хүний бие махбодийг бүхий л системээр нь судалж эмчлэх цогц бодлогыг гол болгон шүтэн барьж оношлох, эмчлэх, засах сэргээх онолын үүднээс таван цул, зургаан сав, бие сэтгэлийг хамтад нь эмчлэхгүйгээр өвчнийг бүрэн төгс эмчлэх боломж мөхөс болдог гэдэг. Иймээс эдгээрийг бүрэн хангахуйц иж бүрэн уламжлалт анагаах ухааны төвийг бий болгож хөгжүүлэх хүсэл эрмэлзэлдээ хөтлөгдөн энэ зарчмын дагуу уламжлалт анагаах ухааны эмчилгээ үйлчилгээний иж бүрдэл бүхий цогц бүрэн төвийг байгуулсан. Энэ төв нь үүдэн эмнэлэгтээ 14 кабинетаар оношлох, шинжлэх, эмчлэх, засан сэргээх зориулалттай (оношлогооны, зүү, төөнүүр, алт мөнгөн түрэм, бариа засал, иог, шавар гэх мэт) үйлчилгээг уламжлалт анагаах ухаанаар оношилж эмчилж болох бүх чиглэлээр, хэвтэн эмчлүүлэх стационартаа зөвхөн элэгний өвчний чиглэлээр эмнэлэг үйлчилгээг явуулдаг бөгөөд судалгаа шинжилгээний хэсэг мөн уламжлалт жороор орчин үеийн эмийн үйлдвэрийн технологийн горимоор жилдээ 800 орчим нэр төрлийн эрдэс бодис, амьтан, ургамлын гаралтай байгалийн цэвэр бүтээгдэхүүнээр 250 гаруй төрлийн эм танг үйлдвэрлэн эмчилдэг

Эдгээр нь бие махбодийн талаасаа шаардлагатай арга хэмжээг хангаж байгаа боловч оюун ухаан, сэтгэл оюуных нь хүрээнд иж бүрэн цогц болох талаар учир дутагдалтай байсан юм. Иймд бид монголчуудын аж амьдрал, ахуй соёл, уламжлалт зан заншил, шашин шүтлэгт харшлахгүй оюун санаагаа хөгжүүлж, бие сэтгэлийн хувьд аливаа өвчин, зовлон шаналалын уурхай нь оюун ухаанд бохирдол болон (сөрөг мэдээлэл хэлбэрээр) үүсэн бий болсныг арилгахын тулд уламжлалт болон орчин үеийн олон аргыг хэрэглэж байсны нэгэн гайхамшигтай арга нь випашяна бясалгал билээ. Энэ нь уламжлалт анагаах ухааны бие болон сэтгэлийн хүрээнд өвчнийг бүрэн төгс анагаан эдгэрүүлэх зорилгод нийцэж байдаг.

- Миний ойлгож байгаагаар Бурхан багшийн гэгээрэлд хүрсэн арга юм байна шүү дээ. Тэгэхээр хүмүүс бурхан багшийн сургаал номноос зовлонгийн тухай номлолыг их хүндээр хүлээж аваад байх шиг санагддаг юм. Та энэ тухай тайлбарлаж өгөхгүй юу?-
Хүмүүс юмс үзэгдлийг янз янзаар л ойлгодог л доо. Гэхдээ өөр өөрсдийнхөөрөө яаж ойлгож авах нь тухайн хүний тухайн сэдэвт хэрхэн хандаж байгаа, яаж ойлгож байгаагаас их юм шалтгаалдаг гэж би боддог юм. Энэ тухай тантай зарим зүйл дээр санал нийлж байна. Учир нь барууны зарим хэвлэлүүдэд нэлээд хэдэн жилийн өмнө Готамагийн сургаал номын тухай бичихдээ “гутрангуй үзлийн сургаал” хэмээн бичдэг байжээ.

Үнэндээ аливаа юмс үзэгдлийг бүх л бүтнээр нь, бүрэн цогцоор нь авч үзэхэд тодорхой болдог шүү дээ. Хэрэв аль нэгэн өнцгөөс нь юм уу хэсэгчилэн авч үзвэл ойлгоход бэрхтэй байдагтай энэ нь агаар нэгэн юм. Товчлон хэлбэл зовлонгийн тухай тайлбарласан “зовлонгийн хутагтын дөрвөн үнэн” нь зовлон, зовлонгийн учир шалтгаан, зовлонгоос гэтэлж болох хутагтын найман зам мөр, зовлонгоос гэтэлж болох арга замын үнэнийг тайлбарласан хийгээд өөрийн биеэр энэхүү замыг огоот туулж бодитой оносон туршлагаа хүн төрөлхтөнд өвлүүлэн үлдээсэн байдаг.

Эдгээр зүйлсийг бүрэн бүтэн цогцоор нь барууныхан онолын хувьд судлан үзэж, дадлага туршлагаараа туршин мэдснээрээ одоо харин Готама авхай хүн төрөлхтөнд “зовлонгийн хутагтын дөрвөн үнэн”-ийг хутагт болсноороо олж нээн илрүүлэн зовлонтой амьдралаас зовлонгүй амьдрах, стресстэй байдлаас стрессгүй, аз жаргалгүйгээс алхам тутамдаа, цаг мөч бүр аз жаргалтай амьдрах зам мөрийн тухай агуу их “нээлт”-ийг хийж тэрхүү арга техникээ бидэнд өвлүүлэн үлдээсэн гайхамшигтай нэгэн гэж тодорхойлсон байна. Тэгэхээр энэхүү бидэнд уламжлуулсан гайхамшигт арга техник нь цаг мөч бүр биднийг зөв ажиллаж амьдрах амьдралын урлагт сургаж байдаг.

- Бид яах гэж бясалгал хийдэг юм бол оо?

- Энэ асуултын хувьд бясалгал хийж байгаа хүмүүс л илүү сайн ойлгоно л доо. Хүн болгоны өмнөөс би хариулж болохгүй шүү дээ. Эмнэлэг, сувиллын газар бясалгал хийж сурахаар ирж байгаа хүмүүсийн зорилго ихэнхдээ өөрт байгаа бие болоод сэтгэлийн зовлон, зовиур шаналгаанаасаа салахын тулд ирдэг байх аа гэж би ойлгодог.

Тэгэхдээ энэ асуудлыг ялимгүй өргөн хэмжээгээр ойлгох юм бол улам тодорхой болно. Учир нь хүн гэдэг бол бие сэтгэл хоёрын нийлэмж бөгөөд эрдэнэт хүний бие махбод цогцлон бүрдэхдээ бие сэтгэлийн бүтцээс нийлсэн таван цогцын нэгдэл юм. Тэгвэл бид хорвоогийн хэлээр бие сэтгэл хоёрын нийлэхийг хүний амьдралын үүсэл, төрөлт гэдэг. Бие сэтгэл хоёр салахыг хорвоогийн хэлээр энэ амьдралын төгсгөл буюу үхэл гэж нэрлэдэг. Тэгвэл бидний энэ амьдрал уруудаж өгсөж олон бартаат замыг туулахдаа бие болон сэтгэлийн хүрээнд тэдгээртэй нүүр тулан учирч зовлон жаргалыг амсаж байдаг нь тодорхой зүйл юм.

Энэ нь хүн төрөлхтөний үүсэн бий болсноос өнөөг хүртэлх тухай өгүүлж байгаа баримтад тулгуурлан үзвэл хүний амьдралын алдаа оноо, ололт, амжилт, баяр баясгалан, уйтгар гуниг, өвчин зовлон, амьдралд тохиолддог бүх л сөрөг болоод эерэг зүйлсийн тухай туршлага, мэдлэгийн чадамж, багтаамж нь сая гаруй жилийн тэртээгээс өнөөдрийг хүртэл байна. Тэгвэл энэхүү сая гаруй жилийн чадамж дээр тулгуурласан хувь хүний оюун ухааны болон бие махбодийн чадвар, нөхцөл байдалтай холбоотой бүхий л зүйл амьдралын хугацаанд үргэлжилж байдаг. Тэгэхээр бидэнд эсийн мэдээллийн түвшинд байгаа тухайн өвчний сөрөг мэдээллийг эсийн түвшинд хоргүйжүүлэх тохиолдолд бид өвчин зовлонгоосоо салах, илаарших аливаа эерэг үйлдэл бүхэнд тустай байх болно. Иймийн тулд өвдөж зовж байгаа хэн нэгэн бясалгах нь аль ч үүднээсээ бодож үзсэн туйлын тустай байх нь дамжиггүй.

- Өөрийгөө нээх гэж юуг хэлээд байгаа юм бэ?

- Үүний тухай тайлбарлавал нилээд их ажил болноо. Гэхдээ би товчхон тайлбарлахыг оролдъё. Хүн гэдэг физик бие, бодит бие махбодийнхоо түвшинд зөвхөн бүгдийг ойлгож, бүгдийг шийддэг юм шиг өөрийгөө ч байнга өнгөцхөн ойлгож байдаг. Гэтэл бид долоон давхарлаг биеэс бүтсэн байдаг. Хамгийн гадна талд бидний ярьдагчлан эрчим хүчний бие буюу эфирийн бие энэ бол идэвхтэй хэлбэрт 3-5 метрт цацарч байдаг. Идэвхгүй хэлбэрт 17-23 метр хүртэл нөлөөлж байдаг юм.

Тэгээд бидний физик бодит бие, астрал орны бие, бодлын бие, үйлийн үрийн бие, сүнсэн бие, бодь гэгээрлийн биеэс тогтдог. Тэгвэл өөрийгөө таньж мэдсэнээр, бясалгал хийснээр хамгийн энгийнээр тайлбарлахад эдгээр долоон биеэ мэдрэх таних боломж олддог. Өөрийнхөө бие, сэтгэлийн өнгөц болоод нарийн түвшинд таньж мэдэрдэг.

Ингэснээрээ тэдгээрийг яаж ажилладаг, ямар хуультай байдаг гэх мэтчилэн өөрийнхөө дотоод ертөнцийг хамгийн энгийнээс нарийн түвшинд нээснээрээ гадаад ертөнцийг ч танин мэдэж тэдгээрт үйлчилдэг байгалийн жам ёсны үнэн хуулийг ойлгодог юм.

Нарийн түвшинд үүнийг ойлгохоос гадна хамгийн энгийнээр хүн амьдралдаа сайн сайхан амьдрах хүсэл зоригоо гүйцэлдүүлэхэд өчнөөн олон саад бэрхшээл байдаг. Тэгвэл тэдгээр саад бэрхшээлүүд эдгээр олон орон биеийн орон зайд өөр өөрийнхөө байр суурийг эзлэн тухай тухайн үүргээ гүйцэтгэж байдаг. Энгийн нэг жишээ аваад үзье. Хүн эвгүй таагүй зүүд зүүдлээд сэрэхдээ зүрх дэлссэн, гар хөл салгалсан, дотор муухайрсан, эсвэл сэтгэлд их тавгүй байдал үүссэн янз янзын байдалтай байх тохиолдол бий. Тэр хүн ертөнцийн орой дээр ч юмуу, хорвоо ертөнцийн хамгийн өндөр хамгийн сайхан уулын, оргилд гарчихсан тэрнээс өндөр юм байхгүй, түүнээс цэнгэг агааргүй, алсын хараатай газар гэж байдаг бол тэндээс бүхнийг харж болох ийм сайхан оргилд гарчихаад байж байтал гэнэт газар цөмөрч, газрын гаваар халуун лавд унаж байна гэж зүүдэлжээ гэж бодьё. Гэвч мэдээж хүн болгон зүүд бол зэрэглээ мэт хоосон. Муу зүүд зүүдэлвэл хамгийн сайн гэх мэтчилэн танд хэдий тайлбарлавч та өөрөө тийм гэж бодсон ч сэтгэлийн гүндээ айдас, хямралыг амсаж байж болох юм.

Тэгвэл оюун ухаан судлаачийн түвшинд шороо махбодь, хий махбодид шилжиж, хий махбодь гал махбодид шилжсэн үзэгдэл юмсын мэдээлэл болох тухай өөрийнхөө оюун ухааны түвшинд бодитой ойлгож тайлбарлаж мэдвээс бодлын орны хэлбэлзлийг тогтоон барьж амьдрах эрчим хүчийг хямруулахгүй үлдэх аз завшаан танд таарах болно. Хүн ердийн нөхцөлд бие махбод оюун санааны бүтцийн эхний дөрвөн орныг аль нэгэн шашны нэр дээр, ямар нэгэн зан үйл, арга засал, элдэв домоор засан үйлдэх нь онцын ялгаагүй бөгөөд боломжтой байдаг.

Харин бие махбодь оюун санааны түвшин дэх сүүлийн гурван орны үйл ажиллагаатай холбоотой гажуудлыг зөвхөн бясалгалаас өөр зүйлээр засаж залруулах боломж туйлын бага юм.

- Уламжлалт анагаах ухаанд оюун ухаан сэтгэлийг эмчлэх талаар юу гэж заасан байдаг вэ?-
Уламжлалт анагаах ухаанд дөрвөн зуун дөрвөн өвчин байна гэж үзээд түүний зуун нэг нь эм тангаар, зуун нэг нь хатуу зөөлөн, ширүүн, эмчилгээ заслаар, зуун нэг нь арга домоор, зуун нэг нь энэ гурав аль нь ч тус болохгүй гэсэн байдаг. Тэгвэл энд байгаа уламжлалт анагаахын бие болоод сэтгэлийг эмчлэх хүрээнд сэтгэлийг эмчлэхдээ арга дом, засал эцсийн дүндээ бясалгалаар эмчлэх ёстой гэсний дагуу л байгаа юм.

- Монголчууд бид үнэхээр оюун ухааны хүч чадалтай тэнгэрлиг ард түмэн юм. Хүн төрөлхтөний сор шим болсон гайхамшигтай энэ арга техник хэдэн зуун зуунаар уламжлагдан ирсэн боловч бид үүнийг мартсан. Шинэ юм гэдэг бол мартсан зүйлээ эргэн санахыг хэлнэ гэж хэлдэгтэй агаар нэгэн юм гэж бид ойлгож байна. Гэхдээ энэ арга техник эсийн түвшинд хүртэл сөрөг мэдээллийг (стресс) арилгаж оюун санааны тэнцвэртэй байдлыг хадгалж эрүүл саруул, хүч чадалтай оюун ухаанаар аливаа зүйлд хандаж зөв, цэвэр, ёс суртахуун, хариуцлагатай амьдрах урлагт хүнийг сургаж хөтөлдгөөрөө гайхамшигтай юм.

Мянга сонсохоор нэг үз гэж монголчуудын хэлдэгчлэн танд энэхүү арга техникийг суралцах аз завшаантай цаг мөч тохиовол бүү алдаарай гэж хүсэх байна. Та бүхэнд хамгийн сайн сайхан бүхнийг хүсэн ерөөе.

(Өдрийн Сонин
2007 оны 12 сарын 17 Д.Мөнгөндалай)

Бурхан багшийн товч cургаал

2008-01-10T11:30:00.000-08:00

Бие сэтгэлээ бэлдэх хэрэгтэй.
Үvний тулд дараах гурван савны гэмээс ангижрахыг хичээгтvн:

1. Хємєрсєн сав- хичнээн ном сонсоод нэмэргvй, саванд юм тогтохгvй. Сонсогчийн оюун ухаан нь мэдлэг хvлээж авахад нээлттэй, чєлєєтэй бус гэсэн vг. єєрєєр хэлбэл сонсож буй номноосоо єєр ангид юм бодож суухыг хємєрсєн сав гэнэ.

2. Цоорхой сав-энэ нь нэг чихээр сонсоод нєгєє чихээр гарна гэсэн утгатай vг.

3. Буртагтай сав - хамгийн цэвэр бал хvртэл йм саванд бохирдоно. Буруу vзэл бодолтой ном сонссоноор ном vзээгvй хvнээс олоон дор байдаг. Оюун ухаанаа цэвэрлэж vзэл бодлоо тєлєвшvvлж ном сонсох хэрэгтэй. Муу сэтгэлтэй хvнд ном заавал гай болно гэдэг.

Гаднах эд баялгаас аз жаргал хамаарахгvй. Харин сэтгэл ухаанаа зєв хєгжvvлж боловсруулснаар та мєнхийн баттай аз жаргалын vндсийг олно. Энэ vндсийг цємийн зэвсэг ч устгаж чадахгvй.

НОМЫГ ЗЄВ СОНСОХ

1. Ном сонсохдоо єєрийгєє євчтєн адибодох. Энэ бол бие євдєх биш, оюун, ухамсар, сэтгэийн хувьд єєрийгєє євчтєн адил дох. Бурхны оюун ухаан бол жинхэнэ эрvvл мєн чанар юм. Хvн єєрийн сэтгэлээ авч vзвэл уур уцаар, атаа, мунхаг зэрэг нь оюун ухааныг бохирдуулан євчлvvлж элдэв зовлонгийн vндэс болж байгааг мэдэрч, vvнийгээ хvлээн зєвшєєрч ингэснээр оюун ухаан, ухамсарынхаа євчнєєс салах хvч тэнхээтэй болно.

2. Номыг эм, багшийгаа эмч адил бодож, номыг сонсож бvтээл хийснээр сэтгэлийг ариусгана.

3. Сэтгэлийг тань эмчлэх хамгийн сайн эмч бол бурхан юм шvv гэдгийг хvлээн зєвшєєрєх, бурхны сургаалийг vе шаттайгаар хийх нь чухал. Номыг зєв сонсож хvлээн авснаар танд тус болно. Єєрийгєє євчтєн гэдгээ хvлээн зєвшєєрч, эмээхvртэн, эмчийн хэлснийг ёсоор дагаарай. Бурхан бол таны сэтлийг эмчлэх хамгийн сайн эмч , тvvний хэлсэн vгийг дагаж судлаарай. Тvvний сургаалийг ойлгосноор бvтээл хийх хvсэл тєрнє. Бурхан бол бидний нэгэн адил эгэл хvн байж, уур уцаар тэргvvтэй нисванисын хороо євчилсєн байсан боловч бvтээл хийж гэгээрснээр єєрийн олсон эрдмээ шавь нартаа євлvvлэн бурхны сургаалийг номлосон болно. Энэ сургааль бид нарт дамжин ирсэн.

4. Бурхан болох хамгийн анхны vндэс бол багшийг шvтэх ёс болно. Багшийгаа хvндлэх ёсыг эзэмшээрэй.

5. Сонссон сургааль номоо бvтээл болгож, амьтны тусын тулд мьдралдаа хэрэгжvvлээрэй.

6. Номыг соносж, мэж, хэрэгжvvлснээр бурхны сургаалийг мєнх байгаасай гэсэн бодол Танд тєрнє.

БУРХНЫ СУРГААЛИЙН НИЙТЛЭГ ОРШИЛ

Бурхан багш єєрийн сургаалийг хоёр тєрлийн язгуурын хvмvшvст айлдсан юм: зєвхєн єєрсдийн тусын тулд зовлонгоос ангижирч чєлєєлєгдєх бодолтой нэг язгуур хvмvvст /бага тєрєлхтєн/, мєн зургаан зйvл хамаг амьтны тусын тулд, тэдгээрийг зовлон хийгээд зовлонгийн шалтгаанаас ангижруулах єргєн цар хvрээтэй ухамсартай нєгєє язгуурын хvшмvvст /их тєрєлхтєн/ сургаалиа айлдсан. Их хєлгєнд судар, тарнийн ёс багтана. Судрын ёсоор гэгээрэх нь удаан боловч тарнийн ёсонд ороход заавал сэтгэлэ боловсруулах судрын ёсыг дамжина.

Судрын ёсоор гурван гол зачмыг баримтлана.

1. Сахил санаар хvртэх,
2. Боди сэтгэлийг vvсгэх,
3. Хоосон чнарыг олох
Эдгээрийг бурхны сургаалийн ГУРВАН ЭРДЭНЭ ч гэдэг.

СЭТГЭЛИЙН МЄН ЧАНАР

2008-01-10T11:24:00.000-08:00

СЭТГЭЛИЙН МЄН ЧАНАР

Бурхны сургааль бол сэтгэлийн тухай сургууль тул сэтгэл гэдэг нь чухамдаа юу болохыг мэдэх нь чухал. Үvнд дасгалжуулагч, боловсрогдохуун хоёул сэтгэл байна. Сэтгэл нь єєрєє єєрийгєє боловсруулдаг юм. Иймд сэтгэл гэдгийг ойлгохгvйгээр бурхны сургаалийг ойлгох учиргvй юм.

Сэтгэлийн гурван гол тодорхойлолт байдаг:

1. Тунгалаг чанар

2. Танин мэдэх чадвар

3. Хэлбэргvй байдал

Үvнээс vзэхэд сэтгэл нь байгалийн мєн чанараараа тунгалаг, танин мэдэх чадвартай, хлбэр дvрсгvй ухагдахуун болно.

БИЛГҮҮНИЙ ХУРЦ БАЙХ ЧАНАР

Байгалийн ус мєн чанараараа цэвэр тунгалаг байдагтай адил сэтгэлийн мєн чанар тунгалаг байна. Ус болгон туалаг байхгvйтэй адил, хvн бvрийн сэтгэл тунгалаг бус байна. Танин мэдэх чадвар бол уураг тархины нж чанар биш. Танин мэдэх эд эсvvд уураг тархинд байхгvй тул уураг тархи танин мэдэх чадваргvй болно Сэтгэл бол єнгє, хэлбэр, дvрсгvй тул таван мэдрэхvйгээр тvvнийг мэдрэх аргагvй.
Сэтгэл биед хаана орших вэ?
Зvрхэнд оршдог гэвэл нэг талаас зєв. Бурхны сургаалиар бол сэтгэлийг анхдагч, хоёрдогч гэж хуваан vздэг. Анхдагч сэтгэл нь зургаан тєрєлд хуваагддагийн зургаа дахь нь сэтгэлийн цєм юм. Сэтгэлийн цємийг бvдvvн, нарийн, маш нарийн гэж хуваан vздэг. Хамгийн нарийн сэтгэлийн цєм нь зvрхний эвдэршгvй хvрдэнд оршдог. Маш нарийн сэтгэлээс бvдvvн сэтгэл vvсч, дахин нарийн сэтгэлд шилждэг. Нэг єдрийн турш бvдvvн, нарийн сэтгэл бие биендээ ээлж дараатай шилжиж байдаг. Бид алс хол буй юмыг судлахад цаг их зарцуулдаг боловч, єєрийн дотор буйгаа сайн мэддэггvй шvv дээ. Жишээ нь: зvvд гэж юу вэ? Бvдvvн сэтгэл хаагдаж нарийн сэтгэлд шингэх vед хvн унтдаг. Уураг тархины эр, эм судлын эрчим хvч (энерги) тєв судалд орсноор бодол бага бага болсоор нойр хvрнэ. Энэ эрчим хvч бодлыг тєрvvлдэг. Сэтгэл улам идэвхгvй болж, сонсох мэдрэх эрхтнvvд хаагдсанаас сэтгэл тєв судалд шингэж орно. Бодол нарийн сэтгэлд уусах vедхvн зvvдэлдэг. Хамгийн нарийн сэтгэлийн байдалд хvн хамгийн гvнзгий нойрсдог. Нойрыг явцаар нь дєрєв ангилна. 1.Хамгийн гvн нойрын vед хvн зvvдэлдэггvй. Энэ vед сэтгэл маш нарийн мєн чанартай байна. 2.3. Нарийн сэтгэлийн vед хvн зvvдэлнэ. 4.Єглєє сэрэхэд бvх биеийг эзэмдэх бvдvvн сэтгэлд шилжиж орно. Шєнє гvн нойрсож байх vед сэтгэл тєв судалд хураагдсан байна.